ଏପ୍ରିଲକୁ ଗ୍ରାହକ ସେବା ମାସ ଘୋଷଣା କଲା ବିଏସଏନଏଲ

ରାଷ୍ଟ୍ରାୟତ୍ତ ଟେଲିକମ ପ୍ରଦାନକାରୀ ସଂସ୍ଥା- ଭାରତ ସଞ୍ଚାର ନିଗମ ଲିମିଟେଡ (ବିଏସଏନଏଲ) ଏପ୍ରିଲ ମାସକୁ ଗ୍ରାହକ ସେବା ମାସ ଭାବେ ଘୋଷଣା କରିଛି। ଏହା ଏକ ଦେଶବ୍ୟାପୀ ପଦକ୍ଷେପ, ଯାହା ଗ୍ରାହକଙ୍କ ଅଭିଜ୍ଞତାକୁ ବୃଦ୍ଧି କରିବା ରିବା ଏବଂ ବ୍ୟବହାରୀଙ୍କ ସହିତ ଦୃଢ଼ ସଂଯୋଗ ସ୍ଥାପ ସ୍ଥାପନ ପାଇଁ ଉତ୍ସର୍ଗୀକୃତ। ସେବା ଉତ୍କର୍ଷତା ଉପରେ ବିଏସଏନଏଲର ନୂତନ ଅଭିଯାନ ଏବଂ ‘ଗ୍ରାହକ ପ୍ରଥମ’ ପ୍ରତି ଏହାର ଦୀର୍ଘ ଦିନର ପ୍ରତିବଦ୍ଧତାର ଅଂଶବିଶେଷ ଭାବରେ, ବିଏସଏନଏଲର ସମସ୍ତ ପରିମଣ୍ଡଳ, ବ୍ୟବସାୟୀ କ୍ଷେତ୍ର ଏବଂ ଯୁନିଟ ଏହି ମାସବ୍ୟାପୀ ଅଭିଯାନରେ ସକ୍ରିୟ ଭାବରେ ଅଂଶଗ୍ରହଣ କରିବେ। ଗ୍ରାମାଞ୍ଚଳ, ସହରାଞ୍ଚଳ, ଉଦ୍ୟୋଗ ତଥା ସମସ୍ତ କ୍ଷେତ୍ରରେ ଗ୍ରାହକମାନଙ୍କୁ ପୁନଃସଂଯୁକ୍ତ କରିବା ଏହି ପଦକ୍ଷେପର ଉଦ୍ଦେଶ୍ୟ ରହିଛି। ଚଳିତ ମାସରେ ବିଏସଏନଏଲ ଏହାର ସମସ୍ତ ମୋବାଇଲ ଗ୍ରାହକ, ଏଫଟିଟିଏଚ, ବ୍ରଡବ୍ୟାଣ୍ଡ, ଲ୍ୟାଣ୍ଡଲାଇନ ଏବଂ ଇବି ଗ୍ରାହକମାନଙ୍କୁ ସେମାନଙ୍କର ମତାମତ, ଅଭିଜ୍ଞତା ଏବଂ ପରାମର୍ଶ ବିଏସଏନଏଲ ଗ୍ରାହକ ସେବା କେନ୍ଦ୍ର, ବିଏସଏନଏଲ ୱେବ ସାଇଟ, ସୋସିଆଲ ମିଡିଆ ଚ୍ୟାନେଲ, ସ୍ବତନ୍ତ୍ର ଗ୍ରାହକ ପୋର୍ଟାଲ ଜରିଆରେ ଦେବାପାଇଁ ପରାମର୍ଶ ଦେଇଛି।