ଭାରତୀୟ ରେଳପଥ ୨୦୨୪-୨୫ ଆର୍ଥିକ ବର୍ଷରେ ୭,୧୩୪ଟି କୋଚ ନିର୍ମାଣ କରିିଛି। ଏହି ସଂଖ୍ୟା ଗତ ବର୍ଷ ୬,୫୪୧ କୋଚ ଉତ୍ପାଦନ ତୁଳନାରେ ପ୍ରାୟ ୯% ଅଧିକ। ଗତ ଆର୍ଥିକ ବର୍ଷରେ ୪,୬୦୧ଟି ନନ-ଏସି କୋଚ ଉତ୍ପାଦନ କରାଯାଇଥିଲା।
ସୂଚନାଥାଉକି, ଭାରତୀୟ ରେଳପଥର ୩ଟି କୋଚ୍ ନିର୍ମାଣ ୟୁନିଟ୍ ଅଛି । ଏଥିରେ ତାମିଲନାଡ଼ୁର ଚେନ୍ନାଇରେ ଥିବା ଇଣ୍ଟିଗ୍ରାଲ କୋଚ ଫ୍ୟାକ୍ଟ୍ରି (ଆଇସିଏଫ), ପଞ୍ଜାବର କପୁରଥଲାରେ ଥିବା ରେଳ କୋଚ ଫ୍ୟାକ୍ଟ୍ରି (ଆରସିଏଫ) ଏବଂ ଉତ୍ତର ପ୍ରଦେଶର ରାୟବରେଲିରେ ଥିବା ମଡର୍ଣ୍ଣ କୋଚ ଫ୍ୟାକ୍ଟ୍ରି (ଏମସିଏଫ) ରହିଛି। ଚେନ୍ନାଇ ସ୍ଥିତ ଇଣ୍ଟିଗ୍ରାଲ କୋଚ ଫ୍ୟାକ୍ଟ୍ରି ୨୦୨୪-୨୫ ବର୍ଷରେ ୩,୦୦୭ କୋଚ ଉତ୍ପାଦନ କରିଛି, ଯାହା ପୂର୍ବ ଉତ୍ପାଦନ ରେକର୍ଡ ଭାଙ୍ଗିଛି । କୋଚ ନିର୍ମାଣ କ୍ଷେତ୍ରରେ ଇଣ୍ଟିଗ୍ରାଲ କୋଚ ଫ୍ୟାକ୍ଟ୍ରି ୨୦୨୩-୨୪ ବର୍ଷରେ ୨୮୨୯ କୋଚ୍ ଉତ୍ପାଦନ କରିଥିବାବେଳେ ୨୦୨୪-୨୫ ବର୍ଷରେ ଆହୁରି ୧୭୮ଟି କୋଚ ନିର୍ମାଣ ବୃଦ୍ଧି କରାଇ ୩,୦୦୭ କୋଚ ଉତ୍ପାଦନ କରିଛି। ସେହିଭଳି ଆରସିଏଫ କପୁରଥଲା ୨୦୨୩-୨୪ ବର୍ଷରେ ୧୯୦୧ କୋଚ ଉତ୍ପାଦନ କରିଥିବାବେଳେ ୨୦୨୪-୨୫ ବର୍ଷରେ ୨୧୦୨ଟି କୋଚ ନିର୍ମାଣ କରିଛ। ଏହି ସଂଖ୍ୟା ପୂର୍ବ ବର୍ଷ ଠାରୁ ୨୦୧ଟି ଅଧିକ। ରାୟବରେଲିର ମଡର୍ଣ୍ଣ କୋଚ ଫ୍ୟାକ୍ଟ୍ରି ୨୦୨୩-୨୪ ବର୍ଷରେ ୧୬୮୪ ଟି କୋଚ ଉତ୍ପାଦନ କରିଥିବାବେଳେ ୨୦୨୪-୨୫ ବର୍ଷରେ ୨୦୨୫ଟି କୋଚ ଉପତ୍ାଦନ କରିଛି। ଏହା ପୂର୍ବ ବର୍ଷ ଠାରୁ ୩୪୧ଟି ଅଧିକ । ୨୦୦୪ ରୁ ୨୦୧୪ ମଧ୍ୟରେ ପ୍ରତିବର୍ଷ ହାରାହାରି ପ୍ରାୟ ୩,୩୦୦ କୋଚ ଥିଲା। ୨୦୧୪ରୁ ୨୦୨୪ ମଧ୍ୟରେ, କୋଚ ଉତ୍ପାଦନ ସଂଖ୍ୟା ୫୪,୮୦୯ ରେ ପହଞ୍ଚିଛି । ଫଳରେ ବାର୍ଷିକ ହାରାହାରି କୋଚ୍ ନିର୍ମାଣ ସଂଖ୍ୟା ୫,୪୮୧ ରହିଛି ।
About the Author
