ପୁଣି ନିର୍ବାଚନରେ ଅନିୟମିତତା ପ୍ରସଙ୍ଗ ଉଠାଇଲା ବିଜେଡି

ବିଜୁ ଜନତା ଦଳ(ବିଜେଡି) ପକ୍ଷରୁ ଗତ ନିର୍ବାଚନ ସମୟରେ କିଛି ଅନିୟମିତତା ଅଭିଯୋଗ କରାଯାଇଥିବାବେଳେ ପୁଣିଥରେ ଦଳ ସେହି ପ୍ରସଙ୍ଗ ଦୋହରାଇଛି। ଅନିୟମିତା ନେଇ ଦଳ ପକ୍ଷରୁ କରାଯାଇଥିବା ପ୍ରଶ୍ନର ଉତ୍ତରରେ ନିର୍ବାଚନ କମିସନ ଦେଇଥିବା ଉତ୍ତର ସନ୍ତୋଷଜନକ ନୁହେଁ ଓ ଗ୍ରହଣୀୟ ମଧ୍ୟ ନୁହେଁ ବୋଲି ଦଳର ବରିଷ୍ଠ ନେତା ଓ ପୂର୍ବତନ ରାଜ୍ୟସଭା ସାଂସଦ ଅମର ପଟ୍ଟନାୟକ କହିଛନ୍ତି। ଶଙ୍ଖ ଭବନରେ ଆୟୋଜିତ ସାମ୍ବାଦିକ ସମ୍ମିଳନୀରେ ପଟ୍ଟନାୟକ କହିଥିଲେ, ବିଜୁ ଜନତା ଦଳ ଏକ ଦାୟିତ୍ୱସଂପର୍ଣ୍ଣ ରାଜନୈତିକ ଦଳ। ଗତ ନିର୍ବାଚନ ଓ ପରେ ଭୋଟ ଗଣତି ସମୟରେ ବିଭିନ୍ନ ନିର୍ବାଚନ ମଣ୍ଡଳୀରୁ ମିଳିଥିବା ତଥ୍ୟ ଅନୁଯାୟୀ ଅନେକ ତାରତମ୍ୟ ପରିଲକ୍ଷିତ ହୋଇଥିଲା, ଯାହାକୁ ଆମେ ଦଳ ତରଫରୁ ଦେଶର ନିର୍ବାଚନ କମିସନରଙ୍କ ନଜରକୁ ଆଣି ଏହାର ସ୍ପଷ୍ଟୀକରଣ ଚାହିଁଥିଲୁ। ନିର୍ବାଚନ ସମୟରେ ଆମର ହସ୍ତଗତ ହୋଇଥିବା ଫର୍ମ ୧୭ ସି ଓ ନିର୍ବାଚନ କମିସନରଙ୍କ ୱେବସାଇଡରେ ଫର୍ମ ୨୦ ରେ ଥିବା ଭୋଟ ସଂ୍ଯଯା ଭିତରେ ତାଳମେଳ ନାହିଁ। ସେହିପରି, ଅନେକ ବୁଥରେ ଲୋକ ସଭା ଓ ବିଧାନସଭା ଭୋଟରେ ମ୍ଯଯ ତାରତମ୍ୟ ରହିଛି। ନିର୍ବାଚନ ଶେଷ ହେବା ପରେ ରାତି ୧୧.୪୫ ମିନିଟ ସମୟରେ ନିର୍ବାଚନ କମିସନରଙ୍କ ତରଫରୁ ଦିଆ ଯାଇଥିବା ଭୋଟ ସଂଖ୍ୟା ଠାରୁ ଗଣତି ହୋଇଥିବା ଭୋଟ କିପରି ଅଧିକ ରହୁଛି, ତାହା ମଧ୍ୟ ପ୍ରଶ୍ନବାଚୀ ସୃଷ୍ଟି କରୁଛି। ଏହି ପ୍ରଶ୍ନର ଉତ୍ତରରେ, ନିର୍ବାଚନ କମିସନର ରଖିଥିବା ସ୍ପଷ୍ଟୀକରଣ ସନ୍ତୋଷଜନକ ନୁହେଁ। କୌଣସି ପ୍ରମାଣଯୋଗ୍ୟ ତଥ୍ୟ ପ୍ରଦାନ ନକରି, କେବଳ ଉପର ଠାଉରିଆ ଭାବେ ନିର୍ବାଚନ କମିସନର ସ୍ପଷ୍ଟୀକରଣ ରଖିଛନ୍ତି, ଯାହା ଆଦୌ ଗ୍ରହଣୀୟ ନୁହେଁ। ବୁଥରେ ପ୍ରଦାନ କରାଯାଇଥିବା ଭୋଟ ସଂ୍ଯଯାଠାରୁ ଗଣତି ହୋଇଥିବା ଭୋଟ କିଛି ସ୍ଥାନରେ ଅଧିକ ଥିବା ଆମେ ଦର୍ଶାଇଥିଲୁ। ଉଦାହରଣ ସ୍ବରୂପ କୁଚିଣ୍ଡାର ଏକ ବୁଥରେ ସମୁଦାୟ ଭୋଟରଙ୍କ ସଂଖ୍ୟା ୧୦୩୧ ହୋଇଥିବା ବେଳେ ସେଠାରେ ୧୦୩୩ ଖଣ୍ଡ, ଅର୍ଥାତ ଦୁଇ ଗୋଟି ଅଧିକ ଭୋଟ ଗଣତି ହୋଇଛି। ସେହିପରି, କୁଚିଣ୍ଡାର ୨୫୯ ନମ୍ବର ବୁଥରେ, ସମୁଦାୟ ୮୩୨ ଜଣ ଭୋଟର ଥିବା ବେଳେ, ୮୩୯ଟି ଭୋଟ ଅର୍ଥାତ ଅଧିକା ୭ଖଣ୍ଡ ଭୋଟ ଗଣତି ହୋଇଛି। ଏହାର ଉରରେ, ନିର୍ବାଚନ କମିସନର, ଭୋଟର ମାନେ ଭୋଟ ଦେବାକୁ ଚାହିଁ ନାହାନ୍ତି ବୋଲି ଉଲ୍ଲେଖ କରିଛନ୍ତି। ଫର୍ମ ୧୭-ଉପ୍ରଦାନ କରିବା ପାଇଁ ନିର୍ବାଚନ କମିସନର କୋର୍ଟରେ ନିର୍ବାଚନ ମାମଲା କେସ ବିଚାରଧୀନ ଥିଲେ, ପ୍ରଦାନ କରା ଯାଇ ପାରିବ ନାହିଁ। ଓଡ଼ିଶାର ୧୪୭ ବିଧାନସଭା ଆସନରୁ, ମାତ୍ର ୨୮ ଟି ନିର୍ବାଚନ ମଣ୍ଡଳୀରେ ନିର୍ବାଚନ ମାମଲା ଦାୟର ହୋଇଥିବା ବେଳେ ଅନ୍ୟ ଆସନ ଗୁଡିକର ଫର୍ମ ୧୭-ସି କାହିଁକି ପ୍ରଦାନ କରା ଯାଉନାହିଁ ବୋଲି ପଟ୍ଟନାୟକ ପ୍ରଶ୍ନ କରିଥିଲେ।