ପାକିସ୍ତାନ ରାଷ୍ଟ୍ରପତି ଆସିଫ୍ ଅଲ୍ଲୀ ଜରଦାରୀଙ୍କୁ  ହସ୍ପିଟାଲରେ ଭର୍ତ୍ତି

କରାଚି: ପାକିସ୍ତାନ ରାଷ୍ଟ୍ରପତି ଆସିଫ୍ ଅଲ୍ଲୀ ଜରଦାରୀ କରୋନା ଭାଇରସ୍ ରେ ଆକ୍ରାନ୍ତ ହୋଇ ଏବେ ଆଇସୋଲେସନରେ ଅଛନ୍ତି।

ଶ୍ୱାସକ୍ରିୟାରେ ସମସ୍ୟା ଓ ଜ୍ୱର ହେବାରୁ  ଜରଦାରୀଙ୍କୁ ନବାବଶାହରୁ କରାଚି ନିଆଯାଇ ମଙ୍ଗଳବାର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା।

ରାଷ୍ଟ୍ରପତିଙ୍କ ଡାକ୍ତର ଅସୀମ ହୁସେନ ଗଣମାଧ୍ୟମକୁ କହିଛନ୍ତି ଯେ ଜରଦାରୀ କରୋନା ଭାଇରସ୍ ରେ ସଂକ୍ରମିତ ହୋଇଛନ୍ତି।

ଏକାଧିକ ପରୀକ୍ଷା ପରେ ଏହା ନିଶ୍ଚିତ ହୋଇଛି ଏବଂ ଏବେ ତାଙ୍କୁ ଆଇସୋଲେସନରେ ରଖାଯାଇଛି ଏବଂ ତାଙ୍କ ସ୍ୱାସ୍ଥ୍ୟାବସ୍ଥା ଉପରେ ୨୪ ଘଣ୍ଟିଆ ନଜର ରଖାଯାଇଛି।

ଏକ ବିଶେଷଜ୍ଞ ଦଳ ରାଷ୍ଟ୍ରପତିଙ୍କ ଯତ୍ନ ନେଉଛନ୍ତି ଏବଂ ତାଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ଆସୁଛି ବୋଲି ହୁସେନ କହିଛନ୍ତି।