ବିଜେପି ସାଂସଦଙ୍କ ଘରେ ଦୁର୍ବୃତ୍ତ କଲେ ବୋମା ମାଡ

ପଶ୍ଚିମବଙ୍ଗରେ ହିଂସା ଦିନକୁ ଦିନ ବଢିବାରେ ଲାଗିଲାଣି । ଗତ କାଲି ବିଜେପି ସାଂସଦ ଅର୍ଜୁନ ସିଂହଙ୍କ ଘରେ କିଛି ଦୁର୍ବୃତ୍ତ ବୋମା ମାଡ କରିଥିବାର ଖବର ବର୍ତ୍ତମାନ ସାମନାକୁ ଆସିଛି । ମିଳିଥିବା ସୂଚନା ମୁତାବକ, ବାରକପୋରସ୍ଥିତ ସାଂସଦ ଅର୍ଜୁନ ସିଂହଙ୍କ ଘରେ କିଛି ଦୁର୍ବୃତ୍ତ ବୋମା ମାଡ କରିଛନ୍ତି ।
ପୋଲିସ ଘଟଣାସ୍ଥଳରେ ପହଞ୍ଚି ଛାନବିନ ଚଳାଇଥିବାବେଳେ ଏହାକୁ ନେଇ ସ୍ଥାନୀୟ ଥାନରେ ଏକ ମମଲା ମଧ୍ୟ ରୁଜୁ ହୋଇଛି ।

West Bengal: Unidentified miscreants hurled bomb at the residence of BJP MP from Barrackpore, Arjun Singh, and fired bullets outside it under Jagatdal police station limits in North 24 Parganas district, last night. A complaint has been registered with the police. pic.twitter.com/8GjZX8UnaT

— ANI (@ANI) July 25, 2019

ଅର୍ଜୁନ ସିଂହଙ୍କ ଭଣଜା ତଥା ଭାଟପାରା ନଗର ନିଗମର ପ୍ରମୁଖ ସୌରଭ ସିଂହ ଏହି ଘଟଣା ପାଇଁ ଟିଏମସିକୁ ଦାୟୀ କରିଥିବାବେଳେ ଏହା ଏକ ମରଣାତ୍ମକ ଆକ୍ରମଣ ବୋଲି ସେ ଦାବୀ ମଧ୍ୟ କରିଛନ୍ତି । ସୌରଭ ଏହା ମଧ୍ୟ ଦାବୀ କରିଛନ୍ତି ଯେ, ଏହା ଛଡା ଘର ବାହାରୁ ଅନେକ ଗୁଳି ମଧ୍ୟ ଜଗତ ହୋଇଛି ।
ଭାଟପାରା ପଶ୍ଚିମବଙ୍ଗର ହେଉଛି ସେହି ଅଞ୍ଚଳ ଯେଉଁଠାରେ ଲୋକସଭା ନିର୍ବାଚନ ପୂର୍ବରୁ ହିଂସାର ବାତ୍ତାବରଣ ବର୍ତ୍ତମାନ ପର୍ଯ୍ୟନ୍ତ ଲାଗି ରହିଛି । ଲୋକସଭା ନିର୍ବାଚନ ସମୟରେ ପୋଲିସ ଏହି ଅଞ୍ଚଳରୁ ୬୦ଟି ଅଫୁଟା ବୋମା ଜବତ ହୋଇଥିଲା ।