ମମତାଙ୍କୁ ଇରାକର ଏକଛତ୍ରବାଦୀ ନେତା ସଦାମ ହୁସେନଙ୍କ ସହ ତୁଳନା କଲେ ବିବେକ

ବଲିଉଡ ଅଭିନେତା ବିବେକ ଓବରାଏ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ଶାସନ କରିବାର କାର୍ଯ୍ୟଶୈଳୀକୁ ନେଇ କଟୁ ଭାଷାରେ ସମାଲୋଚନା କରିଛନ୍ତି । ସବୁଠାରୁ ମୁଖ୍ୟ କଥା ଏହା ଯେ, ସେ ମମତାଙ୍କୁ ଇରାକର ପୂର୍ବତ୍ତନ ରାଷ୍ଟ୍ରପତି ତଥା ଏକଛତ୍ରବାଦୀ ନେତା ସଦାମ ହୁସେନଙ୍କ ସହ ତୁଳନା କରିଛନ୍ତି । ବିବେକ, ମମତାଙ୍କୁ ସମାଲୋଚନା କରି କହିଛନ୍ତି ଯେ, ପଶ୍ଚିମବଙ୍ଗରେ ମମତାଙ୍କ ଶାସନଶୈଳୀ ଇରାକ ପୂର୍ବତ୍ତନ ରାଷ୍ଟ୍ରପତି ତଥା ଏକଛତ୍ରବାଦୀ ନେତା ସଦାମ ହୁସେନଙ୍କ ସଦୃଶ୍ୟ ।
ପ୍ରକାଶ ଥାଉକି, ଅମିତ ଶାହାଙ୍କ ରୋଡ ସୋ ସମୟରେ ଟିଏମସି ଏବଂ ବିଜେପି କାର୍ଯ୍ୟକର୍ତ୍ତାଙ୍କ ମଧ୍ୟରେ ଘଟିଥିବା ନିର୍ବାଚନୀ ହିଂସା ପରେ ବିବେକଙ୍କ ଏହି ବୟାନ ଆସିଥିଲା । ପଶ୍ଚିମବଙ୍ଗରେ ଘଟିଥିବା ନିର୍ବାଚନୀ ହିଂସା ପରେ ମୁଖ୍ୟମନ୍ତ୍ରୀ ମମତା ବାନାର୍ଜି ନିଜ ବୟାନରେ ‘ଗଣତନ୍ତ୍ର ବର୍ତ୍ତମାନ ବିପଦରେ ପଡିଛି’ ବୋଲି କହିକି ଏକ ବାର୍ତ୍ତା ସମସ୍ତଙ୍କୁ ଦେଇଥିଲେ । ଏହା ପରେ ବିବେକ, ମମତାଙ୍କ ଏହି ବାର୍ତ୍ତାର ଏକ ସ୍କ୍ରିନସଟକୁ ନିଜ ଟ୍ୱିଟରରେ ସେୟାର କରି ଲେଖିଥିଲେ ଯେ, “ମୁଁ ଜାଣିପାରୁ ନାହିଁ ଦିଦି ଭଳି ଜଣେ ସମ୍ମାନୀତ ମହିଳା କାହିଁକି ସଦମା ହୁସେନ ଭଳି ବ୍ୟବହାର କରୁଛନ୍ତି !”