ବର୍ତ୍ତମାନ ପିମ୍ପୁଡି ଅଣ୍ଡା ଖାଇ ଜୀବନ ବିତାଉଛନ୍ତି ପଦ୍ମଶ୍ରୀ ‘ଦୈତାରୀ ନାୟକ’

ଓଡିଶାର ଦୈତାରୀ ନାୟକଙ୍କୁ ତ ନିଶ୍ଚୟ ମନେ ଥିବ ? ସେ ସାରା ବିଶ୍ୱରେ ‘ମାଉଣ୍ଟେନ ମାଞ୍ଝି’ ତଥା ‘କେନାଲ ମ୍ୟାନ’ ନାମରେ ଖୁବ ପରିଚିତ । ୭୦ ବର୍ଷ ବୟସରେ ‘ସିଞ୍ଚାଇ’ ପାଇଁ ଏକାକୀ ଦୀର୍ଘ ୩ କିଲୋମିଟିର ପାହାଡକୁ କାଟି ରାସ୍ତା ନିର୍ମାଣ କରିଥିବା ଏହି ବ୍ୟକ୍ତି ଜଣକ ବର୍ତ୍ତମାନ ନିଜ ପଦ୍ମଶ୍ରୀ ସମ୍ମାନ ଫେରାଇବା ପାଇଁ ଚାହୁଁଛନ୍ତି । ତାଙ୍କୁ ଏହି ସମ୍ମାନ ଚଳିତ ବର୍ଷ ରାଷ୍ଟ୍ରପତି ରାମନାଥ କୋବିନ୍ଦଙ୍କ ଠାରୁ ମିଳିଥିଲା । କିନ୍ତୁ ଏହି ସମ୍ମାନ ଦ୍ୱାରା ତାଙ୍କୁ କୌଣସି ପ୍ରକାରର ସୁବିଧା ମିଳୁ ନାହିଁ । ସେ ଅତ୍ୟନ୍ତ ଗରୀବ ଅଟନ୍ତି । ତାଙ୍କୁ କେହି କାମ ମଧ୍ୟ ଦେଉ ନଥିବାବେଳେ ସେ ତେନ୍ଦୁ ପତ୍ର ଏବଂ ସାଧାରଣ ପାମ୍ପଡ ପ୍ରସ୍ତୁତ କରି ନିଜ ପରିବାରର ଭରଣ ପୋଷଣ କରିଥାନ୍ତି ।
୭୫ ବର‌୍ୟିୟ ଦୈତରୀ କହିଛନ୍ତି ଯେ, “ପଦ୍ମଶ୍ରୀ ସମ୍ମାନ ଦ୍ୱାରା ମୋତେ କୌଣସି ସାହାଯ୍ୟ ମିଳିଲା ନାହିଁ । ପ୍ରଥମ ମୋତେ ଦିନ ମଜୁରିଆ ଭାବେ କାମ ମିଳିଯାଉଥିଲା କିନ୍ତୁ ବର୍ତ୍ତମାନ ମୋତେ କୌଣସି କାମ ମିଳୁ ନାହିଁ । ଲୋକଙ୍କୁ ଏହା ଲାଗୁଛି ଯେ, ଏହି କାମ ମୋ ସମ୍ମାନ ଠାରୁ କମ୍ ଅଟେ । ବର୍ତ୍ତମାନ ଆମେ ପିମ୍ପୁଡିର ଅଣ୍ଡା ଖାଇ ବଞ୍ଚୁଛୁ ।”

"The Padma Shri award didn't help me in any ways, rather people are not giving me any work now. We are selling kendu leaves & 'amba sadha' (mango papad) to eke out a living," alleges Daitari Naik who single-handedly carved a 3-km-long canal from a mountain stream #Odisha pic.twitter.com/2sX0tV6w7N

— OTV (@otvnews) June 24, 2019

ସେ ଆହୁରୀ ମଧ୍ୟ କହିଛନ୍ତି ଯେ, ତାଙ୍କୁ ମାସିକ ୭୦୦ ଟଙ୍କା ଭତ୍ତା ମିଳୁଥିଲେ ମଧ୍ୟ ପରିବାରର ଭରଣପୋଷଣ ପାଇଁ ତାହା ଯଥେଷ୍ଟ ନୁହଁ । କେବଳ ଏତିକି ନୁହେଁ ଇନ୍ଦିରା ଆବାସ ପାଇଁ ତାଙ୍କୁ ମିଳିଥିବା ଘର ମଧ୍ୟ ବର୍ତ୍ତମାନ ଅଧା ଅଧୁରା ରହିଛି, ଯେଉଁଥିପାଇଁ ସେ ମାଟିର ଘରେ ରହିବା ପାଇଁ ବାଧ୍ୟ ହେଉଛନ୍ତି ।

ଦୈତାରୀ କେନ୍ଦୁଝର ଜିଲ୍ଲାର ତଳ ବୈତରଣୀ ଗାଁରେ ବସବାସ କରୁଥିବାବେଳେ ସେ ଚଳିତ ବର୍ଷ ରାଷ୍ଟ୍ରପତି ରାମ କୋବିନ୍ଦଙ୍କ ଠାରୁ ପଦ୍ମଶ୍ରୀ ସମ୍ମାନରେ ସମ୍ମାନିତ ହୋଇଥିଲେ । ପଦ୍ମଶ୍ରୀ, ଦେଶର ୪ର୍ଥ ବଡ ନାଗରିକ ସମ୍ମାନ ଥିବା ଦୈତାରୀଙ୍କ ଜୀବନିକୁ ନେଇ ଏକ ଫିଲ୍ମ ମଧ୍ୟ ପ୍ରସ୍ତୁତ ହୋଇ ସାରିଛି ।