ଆମେରିକା ଏବଂ ଉତ୍ତର କୋରିଆ ମଧ୍ୟରେ ଶିଖର ସମିଳନୀ ବିଫଳ ହେବ ପରେ, ଉତ୍ତର କୋରିଆ ଏହାର ପାଞ୍ଚ ଜଣ ବରିଷ୍ଟ ବିଦେଶ ବିଭାଗ ଅଧିକାରୀଙ୍କୁ ମୃତ୍ୟୁ ଦଣ୍ଡ ଦେଇଛି । ଯାହା ଦକ୍ଷିଣ କୋରିଆରୁ ପ୍ରକାଶିତ ଏକ ଖବର କାଗଜକୁ ଆଧାର କରି ଜଣା ପଡିଛି । ଖବର କାଗଜ କୁହାଯାଇଛି ଯେ, କିମ ହ୍ୟକ-ଚୋଲ ଏବଂ ଅନ୍ୟ ଅଧିକାରୀ ମାନଙ୍କୁ ମିରିମ ଏୟାରପୋର୍ଟ ଠାରେ ମୃତ୍ୟୁ ଦଣ୍ଡ ଦିଆ ଯାଇଛି ।
ସେମାନଙ୍କ ବିରୁଦ୍ଧରେ ଗତ ଫେବୁଆରୀରେ ହେବାକୁ ଥିବା ଶିଖର ସମିଳନୀର ବିଫଳ ହେବା ପରେ, ମାର୍ଚ୍ଚରେ କାର୍ଯ୍ୟାନୁଷ୍ଠାନ ନିଆ ଯାଇଛି । ଅନ୍ୟ ଏକ ରିପୋର୍ଟରେ ଏହି ଅଧିକାରୀ ମାନଙ୍କୁ ଆମେରିକା ପାଇଁ କାର୍ଯ୍ୟ କରୁଥିବା କୁହାଯାଇଛି । ତେବେ ଏହି ଖବର ସବୁକୁ ନେଇ ଉତ୍ତର କୋରିଆ ପକ୍ଷରୁ କୌଣସି ପ୍ରତିକ୍ରିୟା ଦିଆ ଯାଇନାହିଁ ।
ସୂଚନା ଯୋଗ୍ୟଯେ, ଆମେରିକା ଏବଂ ଉତ୍ତର କୋରିଆ ମଧ୍ୟରେ ବିବାଦ ଦୀର୍ଘ ଦିନ ହେବ ଲାଗି ରହିଛି । ତେବେ ଗତ ବର୍ଷ ଜୁନରେ ସିଙ୍ଗାପୁର ଠାରେ ଉଭୟ ରାଷ୍ଟ୍ର ମଧ୍ୟରେ ଦ୍ୱିପାକ୍ଷିକ ଆଲୋଚନା ସହ ଏକ ନୂଆ ଅଧ୍ୟାୟ ଆରମ୍ଭ ହୋଇଥିଲା । ଅତୀତରେ ମଧ୍ୟ ଶାସକ କିମ୍ ଜଙ୍ଗ ତାଙ୍କ ପଦ ଓ କ୍ଷମତାର ସୁରକ୍ଷା ପାଇଁ ନିଜ ଅଧିକାରୀ, ସାଧାରଣ ନାଗରିକ ଏବଂ ସମ୍ପର୍କୀୟଙ୍କୁ ମଧ୍ୟ ହତ୍ୟା କରିବାକୁ ପଛାଇ ନାହାନ୍ତି ।
Comments are closed.