ବିଜେପିର ବିଜୟ ପରେ ପଥଚାରୀଙ୍କ ଜୋତା ପଲିସ କଲେ ବିଜେପି ନେତା

ଚଳିତ ନିର୍ବାଚନରେ ବିଜେପିକୁ ବିପୁଳ ବହୁମତ ମିଳିବା ପରେ ଏବଂ ନରେନ୍ଦ୍ର ମୋଦି ଦ୍ୱିତୀୟ ଥର ପାଇଁ ଦେଶର ପ୍ରଧାନମନ୍ତ୍ରୀ ରୂପେ ଶପଥ ଗ୍ରହଣ କରିବା ଖୁସିରେ ମଧ୍ୟପ୍ରଦେଶର ବିଜେପି କର୍ମକର୍ତ୍ତାମାନେ ମାଗଣାରେ ଲୋକମାନଙ୍କର ଜୋତା ପଲିସ କରୁଛନ୍ତି । ଗତ କାଲି ଭୋପାଲର ରେଡିଏସନ ଚୌରାହରେ ବିଜେପି କର୍ପୋରେଟର ସଞ୍ଜୟ କଟରିଆ ନିଜ ସମର୍ଥକଙ୍କ ସହ ରାସ୍ତାରେ ବସି ପଥଚରୀଙ୍କ ଜୋତା ପଲିସ କରଥିବାର ଏକ ଦୃଶ୍ୟ ଦେଖିବାକୁ ମିଳିଥିଲା ।
ଏହି ଅବସରରେ ବିଜେପି ନେତା କଟରିଆ କହିଛନ୍ତି ଯେ, “ପୁଣି ଥରେ ନରେନ୍ଦ୍ର ମୋଦି ଦେଶର ପ୍ରଧାନମନ୍ତ୍ରୀ ରୂପେ ଶପଥ ଗ୍ରହଣ କରିଥିବା ହେତୁ ମୁଁ ଖୁସିରେ ସମର୍ଥକଙ୍କ ସହ ବସି ପଥଚାରୀଙ୍କ ଜୋତା ପଲିସ କରୁଛି । ” କଟରିଆ ଆହୁରୀ ମଧ୍ୟ କହିଛନ୍ତି ଯେ, ‘ମୋଦି କହିଥିଲେ କୌଣସି କାମ ଛୋଟ କିମ୍ବା ବଡ ହୋଇନଥାଏ । ସ୍ୱଚ୍ଛତା ପାଇଁ ପ୍ରଧାନମନ୍ତ୍ରୀ ଝାଡୁ ମଧ୍ୟ ଧରିଛନ୍ତି ।’ ଦେଶ ଏଭଳି ଜଣେ ବ୍ୟକ୍ତିଙ୍କୁ ପ୍ରଧାନମନ୍ତ୍ରୀ କରିଛି, ଯିଏକି ଭିଆଇପି ପରମ୍ପରାକୁ ଅନ୍ତ କରିବାରର କାର୍ଯ୍ୟ କରୁଛନ୍ତି ।