କେନ୍ଦ୍ରମନ୍ତ୍ରୀ ରାଜନାଥ ସିଂହଙ୍କ ସପକ୍ଷରେ ବାହାରିଲେ ପାକିସ୍ତାନ ସେନାର ମୁଖପାତ୍ର

ଭାରତର ପାରମ୍ପରିକ ପ୍ରତିଦ୍ୱନ୍ଦୀ ତଥା କାଶ୍ମୀର ମାମଲାରେ ଭାରତକୁ ସର୍ବଦା ସମାଲୋଚିତ କରିଆସୁଥିବା ପାକିସ୍ତାନର ଏବେ ଏକ ନୂଆ ରୂପ ଦେଖିବାକୁ ମିଳିଛି । ଭାରତକୁ ସବୁବେଳେ କଟାକ୍ଷ କରିଆସୁଥିବା ପାକିସ୍ତାନ ସେନାର ମୁଖପାତ୍ର “ଆସିଫ ଗଫୁର” ଗୁରୁବାର ଦିନ ରାଫେଲର ଶାସ୍ତ୍ରିୟ ପୂଜାକୁ ନେଇ ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କୁ ସମର୍ଥନ ଜଣାଇଛନ୍ତି । ଫ୍ରାନ୍ସରେ ଯୁଦ୍ଧ ବିମାନ ରାଫେଲର ଶାସ୍ତ୍ରିୟ ପୂଜା କରୁଥିବା ରାଜନାଥ ସିଂହଙ୍କୁ ପାକିସ୍ତାନ ସେନାର ମୁଖପାତ୍ର “ଆସିଫ ଗଫୁର” ସମର୍ଥନ ଜଣାଇଛନ୍ତି ।

Nothing wrong in #RafalePuja as it goes by the religion and that must be respected.
Please remember….it’s not the machine alone which matters but competence, passion & resolve of the men handling that machine.
Proud of our PAF Shaheens.#PAFtheMenAtTheirBest

— Asif Ghafoor (@peaceforchange) October 10, 2019

ସେ ସମର୍ଥନ ଜଣାଇ କହିଛନ୍ତି ଯେ, “ଏହି ଶାସ୍ତ୍ରିୟ ପୂଜାରେ କୌଣସି ଭୁଲ ଏହା ଧର୍ମ ସଙ୍ଗତ ଅଟେ ।”ଆସିଫ ଟ୍ୱିଟ କରି କହିଛନ୍ତି ଯେ, “ରାଫେଲ ପୂଜାରେ କୌଣସି ଭୁଲ ନାହିଁ, କାରଣ ଏହା ଧର୍ମ ସଙ୍ଗତ ଅଟେ । ଦୟାକରି ମନେ ରଖନ୍ତୁ ….. ଏହା କେବଳ ଗୋଟିଏ ଯନ୍ତ୍ର, ଏହାର ଚାଳକର ମହତ୍ତ୍ୱ ବେଶ ଗୁରୁତ୍ୱପୂର୍ଣ୍ଣ ଅଟେ । ” ସବୁଠାରୁ ଆଶ୍ଚର୍ଯ୍ୟର କଥା ଏହା ଯେ, ଆସିଫଙ୍କ ଏହି ବୟାନ ସେହି ସମୟରେ ଆସିଛି, ଯେଉଁ ସମୟରେ ଏସିଆ ମହାଦେଶର ଦୁଇ ଶକ୍ତିଶାଳୀ ରାଷ୍ଟ୍ର ଭାରତ ଏବଂ ପାକିସ୍ତାନ ନିଜ ନିଜର ସୀମା ବିବାଦକୁ ନେଇ ଅଧିକ ସମ୍ବଦନଶୀଳ ରହିଛନ୍ତି । ଭାରତ, କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ପାକିସ୍ତାନ ବର୍ତ୍ତମାନ ରାଗରେ ଟାଟିଆ କାମୁଥିବାବେଳେ ଅନ୍ୟପଟେ ପାକିସ୍ତାନ ଧାରା ୩୭୦ ଉଚ୍ଛେଦକୁ ନେଇ ସାରା ବିଶ୍ୱ ସମୂହରେ ଭାରତ ବିରୋଧରେ ବିଷ ଓଗାଳୁଛି ।