ଆପଣଙ୍କ କ୍ୟାରିୟରରେ ଉନ୍ନତି ସମ୍ପର୍କରେ ବାସ୍ତୁ କଣ କହେ ଜାଣନ୍ତୁ

ପ୍ରତ୍ୟେକଙ୍କ ଜୀବନର ଆଭିମୁଖ୍ୟ ଅନୁଯାୟୀ ବାସ୍ତୁ ଶାସ୍ତ୍ର ମଧ୍ୟ ଆପଣଙ୍କର ଉନ୍ନତି ଏବଂ ପ୍ରଫେସନାଲ କ୍ୟାରିୟରକୁ ଆଗେଇ ନେବା ପାଇଁ ଅନେକ ଉପାୟ ଯୋଗାଇ ଦେଇଥାଏ । ଯଦି ଆପଣଙ୍କ ଜୀବନ ଆପଣଙ୍କ ଦୃଷ୍ଟିକୋଣ ଅନୁଯାୟୀ ପରିଚାଳିତ ହେଉନାହିଁ ତେବେ ଏହାର କାରଣ ଆପଣଙ୍କ ପରିବେଶ ସହିତ ଆପଣଙ୍କ ଉପଯୁକ୍ତ ତାଳମେଳର ଅଭାବ । ତେବେ ନିମ୍ନରେ ଏକ ଉଜ୍ଜ୍ୱଳ ସୁଯୋଗକୁ ଆକୃଷ୍ଟ କରିବା ପାଇଁ କେତେକ ଟିପ୍ସ ବିଷୟରେ ଜାଣନ୍ତୁ । ଶୋଇବା ସମୟରେ ସବୁବେଳେ ପୂର୍ବ ଦିଗକୁ ମୁଣ୍ଡ କରି ଶୁଅନ୍ତୁ ଏହା ଆପଣଙ୍କ କ୍ୟାରିୟରରେ ଉନ୍ନତି ଆଣିଥାଏ । ଆପଣଙ୍କ ଗୃହର ଉତ୍ତର ଭାଗରେ ଶୌଚାଳୟ ରହିବା ଦ୍ୱାରା ଆପଣଙ୍କ କ୍ୟାରିୟର ଏବଂ ଚାକିରୀର ସୁଯୋଗରେ ବାଧା ସୃଷ୍ଟି ହୋଇଥାଏ । ତେଣୁ ଅଧିକ ସଫଳତା ପାଇଁ ଏହାକୁ ବାସ୍ତୁ ନିୟମ ଅନୁଯାୟୀ ସମାଧାନ କରିନିଅନ୍ତୁ । ଯଦି ଆପଣ ନିଜ ଚାକିରୀରେ ପ୍ରମୋସନ ଅପେକ୍ଷାରେ ଅଛନ୍ତି ତେବେ ନିଜର ବସିବା ସ୍ଥାନର ଦିଗ ପ୍ରତି ଧ୍ୟାନ ଦିଅନ୍ତୁ । ସବୁବେଳେ ପୂର୍ବ କିମ୍ବା ଉତ୍ତର ଦିଗକୁ ମୁହଁ କରି ବସନ୍ତୁ । ଏହା ଆପଣଙ୍କ ପରିଶ୍ରମ ପ୍ରତି ଆପଣଙ୍କ ସିନିୟର ମାନଙ୍କ ଦୃଷ୍ଟି ଆକର୍ଷଣ କରିବାରେ ସହାୟକ ହୋଇଥାଏ । ଯାହା ଆପଣଙ୍କ ପ୍ରମୋସନରେ ସାହଯ୍ୟ କରିପାରେ । କ୍ୟାରିୟରରେ ଏକ ସକାରାତ୍ମକ ଦିଗରେ ଉନ୍ନତି ପାଇଁ ଆପଣଙ୍କ ଗୃହର ମୂଖ୍ୟ ଦ୍ୱାର ମଧ୍ୟ ଏକ ସକାରତ୍ମକ ଦିଗରେ ରହିବା ଆବଶ୍ୟକ । ପ୍ରବେଶ ସ୍ଥାନ ଅନୁପଯୁକ୍ତ ଦିଗରେ ରହିବା ଆପଣଙ୍କ କ୍ୟାରିୟର ଉନ୍ନତି ଦିଗରେ ବାଧା ସୃଷ୍ଟି କରିପାରେ । କେବେହେଲେ ମଧ୍ୟ ଘରେ କିମ୍ବା ଅଫିସରେ କାମ କରିବା ସମୟରେ ରଶ୍ମୀ ତଳେ ବସନ୍ତୁ ନାହିଁ । ଏହା କାମ କରିବା ସମୟରେ ଆପଣଙ୍କୁ ଅନାବଶ୍ୟକ ଚାପ ପକାଇଥାଏ । ଚାକିରୀ କ୍ଷେତ୍ରରେ ଅଧିକ ଫୂର୍ତ୍ତୀର ସହ କାମକରିବା ଏବଂ ପ୍ରମୋସନ ପାଇଁ କେତେକ ଶକ୍ତିଶାଳୀ କ୍ରିଷ୍ଟାଲର ବ୍ୟବହାର କରନ୍ତୁ । ଆପଣ ନିଜ ଜନ୍ମ ତାରିଖ ଅନୁଯାୟୀ ଧାତୁ କିମ୍ବା ପକେଟ ଷ୍ଟୋନର ବ୍ୟବହାର ମଧ୍ୟ କରିପାରିବେ ।