ଚିନି ବଦଳରେ ବ୍ୟବହାର କରନ୍ତୁ ଏହି ଜିନିଷ, ଓଜନ ନିୟନ୍ତ୍ରଣରେ ରହିବା ସହ ବଢ଼ିବ ଇମ୍ୟୁନିଟି

ମେଦବହୁଳତା ଶରୀରର ସୌନ୍ଦର୍ଯ୍ୟ ଖରାପ କରିବା ସହିତ ରୋଗକୁ ଆମନ୍ତ୍ରଣ କରିଥାଏ । ଅତ୍ୟଧିକ ଚିନି ଖାଇବା ଦ୍ୱାରା ଓଜନ ବୃଦ୍ଧି ହେବାର ମୁଖ୍ୟ କାରଣ ବୋଲି ବିବେଚନା କରାଯାଏ । ଏହାକୁ ଅଧିକ ଖାଇବା ଦ୍ୱାରା ଓଜନ ବୃଦ୍ଧି ସହିତ ଟାଇପ୍-୨ ମଧୁମେହ ଏବଂ ଅନ୍ୟାନ୍ୟ ରୋଗ ହେବାର ଆଶଙ୍କା ବଢିଥାଏ । ତେଣୁ ଆପଣ ଅଧିକ ଚିନି ଖାଇବାକୁ ନିୟନ୍ତ୍ରଣ କରିବା ପାଇଁ, ଦୈନନ୍ଦିନ ଖାଦ୍ୟରେ ଚିନି ବଦଳରେ ପ୍ରାକୃତିକ ଜିନିଷ ଅନ୍ତର୍ଭୁକ୍ତ କରିପାରିବେ । ଏହି ଉପାୟରେ ଆପଣ ସ୍ୱାଦରେ ଓଜନ ହ୍ରାସ କରିପାରିବେ । ଏହା ସହିତ, ଆପଣଙ୍କର ରୋଗ ପ୍ରତିରୋଧକ ଶକ୍ତି ବଢି ବିଭିନ୍ନ ରୋଗରୁ ରକ୍ଷା ମିଳିଥାଏ ।

ମହୁ ଏବଂ ନଡିଆ ଚିନି :

ଆପଣ ଦୈନନ୍ଦିନ ଖାଦ୍ୟରେ ଚିନି ବଦଳରେ ମହୁ, ନଡ଼ିଆ ଚିନି ଅନ୍ତର୍ଭୁକ୍ତ କରିପାରିବେ । ଏହି ଜିନିଷଗୁଡ଼ିକ ଚିନି ଅପେକ୍ଷା କମ୍ ମିଠା । ଏହା ଆପଣଙ୍କ ରୋଗ ପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିଥାଏ । ଏହାର ବ୍ୟବହାର ଦ୍ୱାରା ହଜମ ଭଲ ହୋଇଥାଏ ।

ଗୁଡ :

ଦୈନନ୍ଦିନ ଚା’ରେ ଆପଣ ଚିନି ବଦଳରେ ଗୁଡ ଅନ୍ତର୍ଭୁକ୍ତ କରିପାରିବେ । ଏହା ଆପଣଙ୍କ ସ୍ୱାଦକୁ ବଜାୟ ରଖିବାରେ ସାହାଯ୍ୟ କରିବା ସହିତ ବିଭିନ୍ନ ରୋଗରୁ ରକ୍ଷା କରିଥାଏ । ଏହାକୁ ଖାଇବା ଦ୍ୱାରା ଆପଣଙ୍କ ଓଜନ ନିୟନ୍ତ୍ରଣରେ ରହିଥାଏ । ଗୁଡରେ ଥିବା ଆଣ୍ଟି-ବ୍ୟାକ୍ଟେରିଆଲ୍, ଆଣ୍ଟି-ଭାଇରାଲ୍ ଗୁଣ ହଜମ ଠିକ୍ କରିବା ଏବଂ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସାହାଯ୍ୟ କରିଥାଏ ।

ଋତୁ କାଳୀନ ଫଳ ଖାଇବା :

ସ୍ୱାଦ ଏବଂ ସ୍ୱାସ୍ଥ୍ୟ ବଜାୟ ରଖିବା ପାଇଁ ଦୈନନ୍ଦିନ ଖାଦ୍ୟରେ ଆପଲ୍, କଦଳୀ, ଡାଳିମ୍ବ, ଅଙ୍ଗୁର, ନଡିଆ ପାଣି ଇତ୍ୟାଦି ଋତୁକାଳୀନ ଫଳ ଖାଇପାରିବେ । ଏହାଦ୍ୱାରା ଚିନି ପାଇଁ ଲାଳସା କମ୍ ହୋଇଥାଏ । ଏଥି ସହିତ, ପୋଷକ ତତ୍ତ୍ୱ ଏବଂ ଆଣ୍ଟି-ଅକ୍ସିଡାଣ୍ଟରେ ଭରପୂର ଏହି ଜିନିଷଗୁଡ଼ିକ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବାରେ ସହାୟକ ହୋଇଥାଏ । ଆହୁରି ମଧ୍ୟ, ଓଜନ ବୃଦ୍ଧି ସମସ୍ୟାରୁ ମୁକ୍ତି ମିଳିଥାଏ ।