ଫିଲ୍ମ ନିର୍ମାତା ମହେଶ ଭଟ୍ଟଙ୍କ ବଡ ଝିଅ ତଥା ଅଭିନେତ୍ରୀ ପୂଜା ଭଟ୍ଟ ହୁଏତ ବର୍ତ୍ତମାନ ଫିଲ୍ମ ଜଗତରୁ ଦୂରେଇ ରହିଛନ୍ତି କିନ୍ତୁ ସେ ଖୁବ ଶୀଘ୍ର ନିଜର ଆଗାମୀ ଫିଲ୍ମ “ସଡକ ୨”ରେ ନଜର ଆସିବାକୁ ଯାଉଛନ୍ତି । ଏହି ଫିଲ୍ମରେ ତାଙ୍କ ସହିତ ଆଲିଆ ଭଟ୍ଟ ଏବଂ ସଞ୍ଜୟ ଦତ୍ତ ମଧ୍ୟ ନଜର ଆସିବେ । ସବୁବେଳେ ନିଜକୁ ବିବାଦରୁ ଦୂରେଇ ରଖୁଥିବା ପୂଜା ଭଟ୍ଟ ଇଣ୍ଡିଆ ଟୁଡେ କନକ୍ଲେଭରେ ନିଜ ଜୀବନକୁ ନେଇ ଏଭଳି କିଛି ତଥ୍ୟ ସାମନାକୁ ଆଣିଛନ୍ତି, ଯାହାକି ବର୍ତ୍ତମାନ ଚର୍ଚ୍ଚାର ବିଷୟ ପାଲଟିଯାଇଛି ।
ସେ ଏହି କନକ୍ଲେଭ କହିଛନ୍ତି ଯେ, “ସେ ଜଣେ ମଦୁଆଙ୍କ ସହିତ ସମ୍ପର୍କରେ ଥଲେ ଏବଂ ତାଙ୍କ ଠାରୁ ଉତ୍ପୀଡନର ଶୀକର ମଧ୍ୟ ହୋଇଛନ୍ତି । ମୁଁ ଭଲ ପାଉଥିବା ଉକ୍ତ ବ୍ୟକ୍ତି ଜଣକ ସବୁବେଳେ ମଦ ପିଇ ମୋତେ ମାରୁଥିଲା କିନ୍ତୁ ମୁଁ ଯେତେବେଳେ ଏହି କଥା ଲୋକଙ୍କ ସାମନାରେ କହିବାକୁ ଚାହିଁଲି ସେତେବେଳେ ସମସ୍ତେ ମୋ ଉପରେ ପ୍ରଶ୍ନ ଉଠାଇଲେ । କେବଳ ଏତିକି ନୁହେଁ ମୁଁ ମହେଶ ଭଟ୍ଟଙ୍କ ଭଳି ବଡ ଫିଲ୍ମ ନିର୍ଦ୍ଦେଶକଙ୍କ ଝିଅ ହେବା ସତ୍ତେ୍ୱ ବି ମୋ ସହ ହୋଇଥିବା ଏହି ଖରାପ ବ୍ୟବହାର ପାଇଁ ମୁଁ ଖୁବ ଦୁଃଖିତ ଥିଲି । ”
ଏହି ଅବସରରେ ଉତ୍ପୀଦନର ଶୀକାର ହୋଇଥିବା ମହିଳାଙ୍କ ସହ ପୂଜା ଖୋଲାଖୋଲି କଥା ହୋଇଥିଲେ । ସେ ଏହି ପରୀପ୍ରେକ୍ଷୀରେ କହିଥିଲେ ଯେ, ୯୦ ପ୍ରତିଶତ ମହିଳା ଘରେ ମଧ୍ୟ ସୁରକ୍ଷିତ ନାହାନ୍ତି । ସେମାନେ ଘରେ ଥାଇ ମଧ୍ୟ ଉତ୍ପୀଡନର ଶୀକାର ହୋଇଥାନ୍ତି ଏବଂ ଡରି ମରି ତାଙ୍କ ସହିତ ହିଁ ରହିବାକୁ ପସନ୍ଦ କରନ୍ତି । ଯେଉଁଟାକି ଯାମାରୁବି ଠିକ ନୁହେଁ ।
ଶାରୀରିକ ଉତ୍ପୀଡନ ସଂପର୍କରେ ପୂଜା ନିଜ ସମ୍ବନ୍ଧରେ କହିଛନ୍ତି ଯେ, “ଥରେ ସେ ତାଙ୍କ ସାଙ୍ଗଙ୍କ ସହିତ ଫ୍ଲାଇଟରେ ଯିବା ସମୟରେ ଉକ୍ତ ସାଙ୍ଗ ଜଣକ ତାଙ୍କ ଛାତି ହାତ ମାରିବାକୁ ଚେଷ୍ଟା କରିଥିଲେ । ”
ପୂଜା କହିଛନ୍ତି ଯେ, ୧୧ ବର୍ଷ ଏକାଠି ରହିବା ପରେ ୨୦୧୪ରେ ତାଙ୍କ ବିବାହ ଭାଙ୍ଗିଯାଇଥିଲା । ପ୍ରକାଶ ଥାଉକି ପୂଜା, ୨୦୦୩ରେ ପୂଜା ବିଶିଷ୍ଟ ବ୍ୟବସାୟୀ ମନୀଷ ମାଖିଜୀଙ୍କୁ ବିବାହ କରିଥିଲେ । ୨୦୧୪ରେ ଉଭୟ ପରସ୍ପର ଠାରୁ ଅଲଗା ହୋଇଯାଇଥିଲେ ।
Comments are closed.