ଶୌଚାଳୟ ଭିତରୁ ବାହାରିଲା ବିରାଟକାୟ ନାଗ ସାପ

କଳ୍ପନା କଲେ ସକାଳୁ ସକାଳୁ ଆପଣଙ୍କୁ ଜୋରସେ ଲାଗୁଥିବା ଏବଂ ଆପଣ ଖଟରୁ ସିଧା ଉଠି ଟଏଲେଟ କବାଟ ଖୋଲୁ ଖୋଲୁ ଆପଣଙ୍କ ନଜର ସିଧା ପାଇଖାନା ଉପରେ ପଡିଥାଏ । ଟିକେ ଭାବିଲେ ସେହି ପାଇଖାନା ଭିତରେ ଯଦି ଏକ ବିଶାଳକାୟ ବିଷାକ୍ତ ସାପ ଲୁଚି ରହିଥିବ ତେବେ ଆପଣଙ୍କୁ କେମିତି ଲାଗିବ । ଆଜ୍ଞା ହଁ ଆମେ ଏହା କୌଣସି କାଳ୍ପନିକ କଥା ଆପଣଙ୍କୁ କହୁ ନାହୁଁ ବରଂ ଏହା ଏକ ସତ୍ୟ ଘଟଣା ।
ପ୍ରକାଶ ଥାଉକି, ବେଙ୍ଗାଲୁରୁସ୍ଥିତ ଜିପି ନଗର ୭ଟିଏଚ ଫେଜର ଏଭଳି ଏକ ଘଟଣା ଘଟିଥିବାର ଖବର ସାମନାକୁ ଆସିଛି । ଘଟଣାଟି ୯ ଜୁନର ଅଟେ । ଏଭଳି ଏକ ଘଟଣାର ରେସକିୱୁ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଶୌଚାଳୟ ଭିତରେ ବିରାଟକାୟ ନାଗ ସାପ ଦେଖିବା ପରେ ପ୍ରଦୀପ କୁମାର ନାମକ ଜଣେ ଯୁବକ ବନ ବିଭାଗକୁ ଏହି ସଂପର୍କରେ ସୂଚନା ଦେଇଥିଲେ ।

ଭାଇରାଲ ଭିଡିଓରେ ଦେଖିବାକୁ ମିଳୁଛି ଯେ, କମଡ ପାଇଖାନା ଭିତରୁ ବନ ବିଭାଗ କର୍ମଚାରୀ ଜଣକ ହାତରେ ନାଗ ସାପଟିର ପଛପଟକୁ ଧରିକି ବାହାର କରିବା ପାଇଁ ଚେଷ୍ଟା ଚଳାଛନ୍ତି କିନ୍ତୁ ସେ ଏଥିରେ ସଫଳ ହୋଇ ପାରୁ ନାହାନ୍ତି । ଏବଂ ସେ ଏହା ପରେ ଏକ ଉପକରଣ ସାହାଯ୍ୟରେ ସାପଟିକୁ ବାହାର କରୁଛନ୍ତି ଏବଂ ତାକୁ ଜଙ୍ଗଲରେ ନେଇକି ଛାଡି ଦେଉଛନ୍ତି ।