ଗତ ୨୪ ଘଣ୍ଟା ମଧ୍ୟରେ ଦେଶରେ ୭୦୪୯୬ ପଜିଟିଭ ଚିହ୍ନଟ, ୯୬୪ ରୋଗୀଙ୍କ ମୃତ୍ୟୁ

ଗତ ୨୪ ଘଣ୍ଟା ମଧ୍ୟରେ ଦେଶରେ କୋଭିଡ-୧୯ ର ୭୦,୪୯୬ ଟି ନୂଆ ରୋଗୀ ରିପୋର୍ଟ ହେବା ପରେ ଶୁକ୍ରବାର ସଂକ୍ରମିତ ଲୋକଙ୍କ ସଂଖ୍ୟା ୬୯ ଲକ୍ଷ ଅତିକ୍ରମ କରିଛି। ଭାଇରସ ଯୋଗୁଁ ଗୋଟିଏ ଦିନରେ ୯୬୪ ରୋଗୀଙ୍କର ମୃତ୍ୟୁ ହୋଇଥିଲା। ଏଥି ସହିତ, ସଂକ୍ରମଣରୁ ସୁସ୍ଥ ହେଉଥିବା ରୋଗୀଙ୍କ ସଂଖ୍ୟା ୫୯,୦୬,୦୭୦ ହୋଇଛି।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରକାଶିତ ସଦ୍ୟତମ ତଥ୍ୟ ଅନୁଯାୟୀ, ବର୍ତ୍ତମାନ ପର୍ଯ୍ୟନ୍ତ ଦେଶରେ କୋଭିଡ୍-୧୯ ର ୬୯,୦୬,୧୫୨ ମାମଲା ଚିହ୍ନଟ କରାଯାଇଛି। ଏଥି ସହିତ, ଗତ ୨୪ ଘଣ୍ଟା ମଧ୍ୟରେ ସଂକ୍ରମଣ ହେତୁ ୯୬୪ ଜଣଙ୍କ ମୃତ୍ୟୁ ପରେ ମୃତକଙ୍କ ସଂଖ୍ୟା ୧,୦୬,୪୯୦ କୁ ବୃଦ୍ଧି ପାଇଛି।

ତଥ୍ୟ ଅନୁଯାୟୀ, ଦେଶରେ ସଂକ୍ରମଣରୁ ସୁସ୍ଥ ହେଉଥିବା ଲୋକଙ୍କ ସଂଖ୍ୟା ୫୯,୦୬,୦୭୦ କୁ ବୃଦ୍ଧି ପାଇଛି। ବର୍ତ୍ତମାନ ୮,୯୩,୫୯୨ ରୋଗୀଙ୍କର ଚିକିତ୍ସା ଚାଲିଛି। ଗୁରୁବାର ଦିନ ରିପୋର୍ଟ ହୋଇଥିବା ନୂତନ ମାମଲା ଓ ମୃତ୍ୟୁ ସଂଖ୍ୟା ଶୁକ୍ରବାର କମ୍ ରହିଛି। ଗୁରୁବାର ଦିନ ୭୮,୫୨୪ ସଂକ୍ରମଣ ଏବଂ ୯୭୧ ଜଣଙ୍କର ମୃତ୍ୟୁ ଘଟିଥିଲା।