ଭାରତୀୟ କ୍ରିକେଟ ଦଳର ପୂର୍ବତ୍ତନ ଅଧିନାୟକ ମହେନ୍ଦ୍ର ସିଂହ ଧୋନୀ ବିଶ୍ୱକପ ପର ଠାରୁ ଦଳରୁ ଦୂରେଇ ରହିଥିବାବେଳେ ତାଙ୍କର ଆଗାମୀ କ୍ରିକେଟ ଭବିଷ୍ୟତକୁ ନେଇ ନାନାଦି ଆଲୋଚନା ମଧ୍ୟ ହେବାରେ ଲାଗିଲାଣି । ତେବେ ଏହି ସବୁ ଚର୍ଚ୍ଚା ମଧ୍ୟରେ ବର୍ତ୍ତମାନ ଚାଞ୍ଚଲ୍ୟକର ବୟାନ ଦେଇଛନ୍ତି ଦଳର ମୁଖ୍ୟ କୋଚ ରବି ଶାସ୍ତ୍ରୀ । ଶାସ୍ତ୍ରୀ ସାମ୍ବାଦିକମାନଙ୍କୁ ସୂଚନା ଦେଇ କହିଛନ୍ତି ଯେ, ଧୋନୀଙ୍କ ସହ ତାଙ୍କର ବ୍ୟକ୍ତିଗତ ଆଲୋଚନା ହୋଇଛି, ଯେଉଁଥିରେ ଧୋନୀ, ଦିନିକିଆ କ୍ରିକେଟକୁ ସବୁଦିନ ପାଇଁ ଆଦବିଦା କହିବାର ନିଷ୍ପତି ଖୁବ ଶୀଘ୍ର ନେଇପାରନ୍ତି ।
ଶାସ୍ତ୍ରୀ ଆହୁରୀ ମଧ୍ୟ କହିଛନ୍ତି ଯେ, ଧୋନୀ ଦେଶ ପାଇଁ ପ୍ରତି ଫର୍ମାଟରେ ଅବିରତ ଭାବେ ଖୁଳି ଆସୁଥିବାରୁ ତାଙ୍କୁ ସମ୍ମାନ ଦେବା ଉଚିତ । ତାଙ୍କ ବୟସକୁ ନଜର ରଖିଲେ ସେ କେବଳ ଟି-୨୦ ଖେଳିପାରିବେ । ଆଗାମୀ ଆଇପିଏଲରେ ଧୋନୀ ପ୍ରଦର୍ଶନକୁ ନେଇ ତାଙ୍କର ପରବର୍ତ୍ତୀ ଭବିଷ୍ୟ କ’ଣ ରହିବ ତାହା ନିର୍ଭର କରିବ । ସେ ଯଦି ଆଇପିଏଲରେ ଭଲ ପ୍ରଦର୍ଶନ କରିବେ ତେବେ ସେ ନିଶ୍ଚୟ ଟି-୨୦ ଦୌଡରେ ରହିବେ ।
ପ୍ରକାଶ ଥାଉକି, ଧୋନୀ ଭାରତୀୟ ଦଳର ଏଭଳି ଜଣେ ସଫଳ ଅଧିନାୟକ ଯିଏକି ଦଳ ପାଇଁ ଆଇସିସି ବିଶ୍ୱକପ, ଆଇସିସି ଚାମ୍ପିଆନ୍ସ ଟ୍ରଫି, ଟି-୨୦ ବିଶ୍ୱକପ ଟାଇଟେଲ ହାସଲ କରାଇବାରେ ସଫଳ ହୋଇଛନ୍ତି ।
Comments are closed.