କାଶ୍ମୀର ପ୍ରସଙ୍ଗକୁ ନେଇ ବର୍ତ୍ତମାନ ପାକିସ୍ତାନ, ଆନ୍ତର୍ଜାତିକ ନ୍ୟାୟାଳୟ (ଆସିଜି)ର ଦ୍ୱାରସ୍ଥ ହେବ ବୋଲି ଦାବୀ କରୁଥିବାବେଳେ ଏହି ପ୍ରସଙ୍ଗରେ ଚୀନକୁ ଛାଡିଦେଲେ ଅନ୍ୟ କୌଣସି ଦେଶ ମଧ୍ୟ ପାକିସ୍ତାନକୁ ସମର୍ଥନ କରୁନାହାନ୍ତି । ସେହିଭଳି ବର୍ତ୍ତମାନ ପୁଣିଥରେ ପାକିସ୍ତାନକୁ ଆଉ ଏକ ଝଟକା ଲାଗିଛି । କାରଣ ଅନ୍ୟଦେଶ ମାନଙ୍କ ଭଳି ବର୍ତ୍ତମାନ ବାଙ୍ଗଲାଦେଶ ମଧ୍ୟ ପାକିସ୍ତାନ ଠାରୁ ମୁହଁ ଫେରାଇ ନେଇଛି ।
କାଶ୍ମୀର ପ୍ରସଙ୍ଗରେ ଧାରା ୩୭୦ ଉଚ୍ଛେଦକୁ ନେଇ ବାଙ୍ଗଲାଦେଶ, “ଏହା ଉଭୟ ଦେଶଙ୍କ ମଧ୍ୟରେ ଆଭ୍ୟନ୍ତରୀଣ ମାମଲା ବୋଲି ଏବଂ ଏଥିରେ ସେ ମୁଣ୍ଡ ପୁରାଇବ ନାହିଁ” ବୋଲି ସ୍ପଷ୍ଟ ରୂପେ ମନା କରିଦେଇଛି ।
ଏହି ଘଟଣାକୁ ନେଇ ବାଙ୍ଗଲାଦେଶ ବିଦେଶ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ, “ଭାରତ ସରକାରଙ୍କ ଦ୍ୱାରା ଧାରା ୩୭୦ ଉଚ୍ଛେଦ ପ୍ରସଙ୍ଗ ଏହା ଭାରତର ଆଭ୍ୟନ୍ତରୀଣ ମାମଲା । ସିଦ୍ଧାନ୍ତ ରୂପରେ ବାଙ୍ଗଲାଦେଶ ସର୍ବଦା ଏହି ପ୍ରସଙ୍ଗକୁ ଗୁରୁତ୍ୱ ଦେଇଛି ଏବଂ ଶାନ୍ତି ଓ ସ୍ଥିରତା ବଜାୟୀ ରଖିବା ତଥା ବିକାଶ ସମସ୍ତ ଦେଶଙ୍କ ପାଇଁ ପ୍ରାଥମିକତା ହେବା ଆବଶ୍ୟକ ।”
Comments are closed.