Ajax Engineering Limited: Initial public offering to open on Monday, February 10, 2025
ଭୁବନେଶ୍ୱର: ଆଜାକ୍ସ ଇଞ୍ଜିନିୟରିଂ ଲିମିଟେଡର ଇନିସିଆଲ୍ ପବ୍ଲିକ୍ ଅଫର ୨୦୨୫ ଫେବ୍ରୁଆରି ୧୦, ସୋମବାର ଖୋଲିବ। ଆଙ୍କର ନିବେଶକମାନେ ଅଫରର ଗୋଟିଏ କାର୍ଯ୍ୟଦିବସ ପୂର୍ବରୁ ଅର୍ଥାତ ୨୦୨୫ ଫେବ୍ରୁଆରି ୭ ତାରିଖରେ ବିଡ ଦାଖଲ କରିପାରିବେ। ଅଫରର ବିଡ ୨୦୨୫ ଫେବ୍ରୁଆରି ୧୨, ବୁଧବାର ଦିନ ବନ୍ଦ ହେବ।
ଏହି ଅଫରରେ ଇକ୍ୱିଟି ସେୟାର ପିଛା ଦାମ୍ ୫୯୯ ଟଙ୍କାରୁ ୬୨୯ ଟଙ୍କା ମଧ୍ୟରେ ନିର୍ଧାରଣ କରାଯାଇଛି । ନିବେଶକମାନେ ସର୍ବନିମ୍ନ ୨୩ଟି ଇକ୍ୱିଟି ସେୟାର ପାଇଁ ବିଡ୍ ଦାଖଲ କରିପାରିବେ ଏବଂ ଏହା ପରେ ୨୩ଟି ଲେଖାଏଁ ଇକ୍ୱିଟି ସେୟାର ସେଥିରେ ଯୋଡ଼ିପାରିବେ ।
ଏହି ଇନିସିଆଲ ପବ୍ଲିକ୍ ଅଫରିଂର ଅଫର ଫର ସେଲର ୨୦,୧୮୦,୪୪୬ ଇକ୍ୱିଟି ସେୟାର ବିକ୍ରି କରାଯିବ। କ୍ରିଷ୍ଣସ୍ୱାମୀ ବିଜୟ ୧,୭୧୬,୧୦୨ ଇକ୍ୱିଟି ସେୟାର, କଲ୍ୟାଣୀ ବିଜୟ ୧,୭୧୬,୧୦୨ ଇକ୍ୱିଟି ସେୟାର, ଜ୍ୟାକବ ଜିତେନ ଜନ ୨,୨୮୮,୧୩୬ ଇକ୍ୱିଟି ସେୟାର, ଜ୍ୟାକବ ହାନସେନ ଫାମିଲି ଟ୍ରଷ୍ଟ ୫,୫୯୨,୨୨୧ ଇକ୍ୱିଟି ସେୟାର, ସୁସି ଜନ ୧,୪୩୦,୦୮୫ ଇକ୍ୱିଟି ସେୟର ଓ କେଦାର କ୍ୟାପିଟାଲ ଫଣ୍ଡ ୨ ଏଲଏଲପି ୭,୪୩୬,୮୦୦ ଇକ୍ୱିଟି ସେୟାର ବିକ୍ରି କରିବେ।
ଭାରତୀୟ ପ୍ରତିଭୂତି ଓ ବିନିମୟ ବୋର୍ଡ (ସେବି) ନିୟମ ଅନୁସାରେ ଏହି ଅଫରର ୫୦ ପ୍ରତିଶତ ଇକ୍ୱିଟି ସେୟାରକୁ ଯୋଗ୍ୟ ସଂସ୍ଥାଗତ କ୍ରେତା (କ୍ୟୁଆଇବି)ମାନଙ୍କ ଲାଗି ସଂରକ୍ଷିତ ରଖାଯିବ । ତାହାର ୬୦ ପ୍ରତିଶତ ଇକ୍ୱିଟି ସେୟାରକୁ ସମାନୁପାତିକ ଭିତିରେ ଆଙ୍କର ନିବେଶକଙ୍କୁ ଦିଆଯାଇପାରିବ । ସେଥିରୁ ଏକ ତୃତୀୟାଂଶ ଇକ୍ୱିଟି ସେୟାର ଘରୋଇ ମ୍ୟୁଚୁଆଲ ଫଣ୍ଡ ଲାଗି ସଂରକ୍ଷିତ ରହିବ । ନିଟ କ୍ୟୁଆଇବିର ୫ ପ୍ରତିଶତ ଇକ୍ୱିଟି ସେୟାରକୁ ସମାନୁପାତିକ ଭିତିରେ ମ୍ୟୁଚୁଆଲ ଫଣ୍ଡ ଲାଗି ରଖାଯିବ । ଯଦି ମ୍ୟୁଚୁଆଲ ଫଣ୍ଡର ହାରାହାରି ଭାଗ କ୍ୟୁଆଇବି ଭାଗର ୫ ପ୍ରତିଶତରୁ କମ ରହିବ ତେବେ ତାହାକୁ କ୍ୟୁଆଇବି ଭାଗରେ ଯୋଡ଼ାଯିବ । ନିଟ ଅଫରର ୧୫ ପ୍ରତିଶତ ରାଶିକୁ ଅଣ ସଂସ୍ଥାଗତ ନିବେଶକମାନଙ୍କ ଲାଗି ରଖାଯିବ । ସେଥିରୁ ୩୫ ପ୍ରତିଶତ ଇକ୍ୱିଟି ସେୟାର ଖୁଚୁରା ନିବେଶକମାନଙ୍କ ଲାଗି ରହିବ ।
ଏହି ଅଫରର ବୁକ୍ ରନିଂ ଲିଡ୍ ମ୍ୟାନେଜର ହେଉଛନ୍ତି ଆଇସିଆଇସିଆଇ ସୁକ୍ୟୁରିଟିଜ ଲିମିଟେଡ, ସିଟିଗ୍ରୁପ ଗ୍ଲୋବାଲ ମାର୍କେଟସ ଇଣ୍ଡିଆ ପ୍ରାଇଭେଟ ଲିମିଟେଡ, ଜେଏମ ଫାଇନାନ୍ସିଆଲ ଲିମିଟେଡ, ନୁଭାମା ୱେଲଥ ମ୍ୟାନେଜମେଂଟ ଲିମିଟେ ଓ ଏସବିଆଇ କ୍ୟାପିଟାଲ ମାର୍କେଟସ ଲିମିଟେଡ। କମ୍ପାନିର ଇକ୍ୱିଟି ସେୟାରକୁ ବିଏସଇ ଲିମିଟେଡ ଓ ଏନଏସଇରେ ତାଲିକାଭୁକ୍ତ କରିବା ପ୍ରସ୍ତାବ ରହିଛି।
About the Author
