ନିଜ ଭୁଲକୁ ସ୍ୱିକାର କରିବା ପାଇଁ ମନାକଲେ କଙ୍ଗନା

ବଲିଉଡ ଅଭିନେତ୍ରୀ କଙ୍ଗନା ରଣାୱାତ ଏବଂ ସାମ୍ବାଦିକଙ୍କ ମଧ୍ୟ ବିବାଦ ଦିନକୁ ଦିନ ଘନେଇବାରେ ଲାଗିଛି । ଏଥିପାଇଁ ‘ଗିଲ୍ଡ ଅଫ ଇଣ୍ଡିଆ’ ପକ୍ଷରୁ କଙ୍ଗନାଙ୍କ ଫିଲ୍ମ ‘ଜଜମେଣ୍ଟାଲ ହେ କ୍ୟା’ର ପ୍ରସାରଣକୁ ସଂପୂର୍ଣ୍ଣ ରୂପେ ରୋକିବା ପାଇଁ ନିଷ୍ପତି ନେଇଛନ୍ତି । ଏହି ଫିଲ୍ମ ପାଇଁ ସଙ୍ଗଠନ ପକ୍ଷରୁ କୌଣସି ମିଡିଆ କଭରେସ ବାହାର କରାଯିବ ନାହିଁ ବୋଲି ନିଷ୍ପତି ନିଆଯାଇଛି ।
ଏଣ୍ଟରଟେନମେଣ୍ଟ ଜର୍ନାଲିଷ୍ଟ ସଙ୍ଘ ‘ଗିଲ୍ଡ ଅଫ ଇଣ୍ଡିଆ’ ପକ୍ଷରୁ ଫିଲ୍ମର ନିର୍ମାତା ଏକତା କପୁରଙ୍କୁ ଏକ ଚିଠି ମଧ୍ୟ ପଠାଯାଇଛି, ଯେଉଁଥିରେ ସ୍ପଷ୍ଟ ରୂପେ ଫିଲ୍ମକୁ ସଂପୂର୍ଣ୍ଣ ବୟକଟ କରିବା ପାଇଁ କାରଣ ମଧ୍ୟ ଦର୍ଶାଯାଇଛି । ଏହା ସହ ସାର୍ବଜନୀକ ସ୍ତରରେ କଙ୍ଗନା କ୍ଷମା ମାଗନ୍ତୁ ବୋଲି ଗିଲ୍ଡ ଦାବୀ ମଧ୍ୟ କରିଛି ।

Here’s a vidoe message from Kangana to all the media folks who have banned her, P.S she has got viral fever hence the heavy voice 🙂…(contd) pic.twitter.com/U1vkbgmGyq

— Rangoli Chandel (@Rangoli_A) July 11, 2019

(Contd)….🙏🏻🙏🏻🙏🏻 pic.twitter.com/nzQoVN8llU

— Rangoli Chandel (@Rangoli_A) July 11, 2019

ଘଟଣାଟି ଦିନକୁ ଦନ ସଙ୍ଗୀନ ହେଉଥିବାର ଦେଖି ଏକତା କପୁର ନିଜର ପ୍ରଡକ୍ସନ ହାଉସ ‘ବାଲାଜୀ ଟେଲିଫିଲ୍ମସ’ ଦ୍ୱାରା ସୋସିଆଲ ମିଡିଆରେ ଏହି ଘଟଣାକୁ ନେଇ କ୍ଷମା ପ୍ରାର୍ଥନା କରିଥିବାବେଳେ ଅନ୍ୟପଟେ କଙ୍ଗନା କ୍ଷମା ନମାଗିବା ପାଇଁ ସିଧାସିଧି ମନା କରିଦେଇଛନ୍ତି ।
କଙ୍ଗନାଙ୍କ ଭଉଣୀ ରଙ୍ଗୋଲୀ ଟ୍ୱିଟରରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ କଙ୍ଗନା ଏହି ଘଟଣାକୁ ନେଇ ନିଜ ମତ ରଖୁଥିବାର ଦେଖିବାକୁ ମିଳିଛି ।