ଭୁବନେଶ୍ୱର: ଭାରତର ଅଗ୍ରଣୀ ବିବିଧ ପ୍ରାକୃତିକ ସଂପଦ କମ୍ପାନି ବେଦାନ୍ତ ଲିମିଟେଡ ପକ୍ଷରୁ ୨୦୨୫-୨୬ ଆର୍ôଥକ ବର୍ଷରେ ସରକାରୀ ରାଜକୋଷକୁ ୬୨,୭୨୨ କୋଟି ଟଙ୍କାର ଅବଦାନ ପ୍ରଦାନ କରାଯାଇଛି। କମ୍ପାନି ପକ୍ଷରୁ ଜାରି କରାଯାଇଥିବା ୧୧ତମ ଟିକସ ସ୍ୱଚ୍ଛତା ରିପୋର୍ଟ ଅନୁସାରେ ଏହି ଅବଦାନ ହେଉଛି କମ୍ପାନିର ପରିଚାଳନା ରାଜସ୍ୱର ୩୬ ପ୍ରତିଶତ ଯାହା ଭାରତର ଅର୍ଥନୈତିକ ବିକାଶରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରୁଛି।
ପୂର୍ବ ଆର୍ôଥକ ବର୍ଷ ତୁଳନାରେ ଏହି ଅବଦାନ ୧୩.୩ ପ୍ରତିଶତ ଅଧିକ ରହିଛି। ଏଥି ସହିତ ବିଗତ ୧୦ ବର୍ଷରେ ସରକାରୀ ରାଜକୋଷକୁ ବେଦାନ୍ତର ଅବଦାନ ପରିମାଣ ୪,୮୩,୦୩୪ କୋଟି ଟଙ୍କାରୁ ଅଧିକ ହୋଇଛି। ଆର୍ôଥକ ଶୃଙ୍ଖଳା, ରାଷ୍ଟ୍ର ଗଠନ ଓ ବିକଶିତ ଭାରତ ପ୍ରତି ସହାୟତା ପ୍ରତି କମ୍ପାନି ଅତୁଟ ଗୁରୁତ୍ୱ ପ୍ରଦାନ କରିଛି। ଜାତୀୟ ରାଜକୋଷକୁ ଅବଦାନ ଦେଉଥିବା ଶ୍ରେଷ୍ଠ ତିନି ଘରୋଇ କ୍ଷେତ୍ର କମ୍ପାନି ମଧ୍ୟରେ ବେଦାନ୍ତ ଗ୍ରୁପ ରହିଛି।
୨୦୨୫-୨୬ ଆର୍ôଥକ ବର୍ଷରେ ବେଦାନ୍ତ ଐତିହାସିକ ଆର୍ôଥକ ପ୍ରଦର୍ଶନ କରିଥିଲା। କମ୍ପାନିର ରାଜସ୍ୱ ୧୫ ପ୍ରତିଶତ ବୃଦ୍ଧି ପାଇ ୧,୭୪,୦୭୫ କୋଟି ଟଙ୍କା ହୋଇଥିଲା ଯାହା ତାହାର ଇତିହାସରେ ସର୍ବାଧିକ। ଏବିଟଡା ୨୯ ପ୍ରତିଶତ ବୃଦ୍ଧି ପାଇ ୫୫,୯୭୬ କୋଟି ଟଙ୍କା ଓ ଟିକସ ପରବର୍ତୀ ଲାଭ (ପିଏଟି) ୨୨ ପ୍ରତିଶତ ବୃଦ୍ଧି ପାଇ ୨୫,୦୯୬ କୋଟି ଟଙ୍କା ହୋଇଛି। ଏବିଟଡାକୁ ନିଟ ଋଣ ୧.୨୨ଗୁଣାରୁ ୦.୯୫ ଗୁଣା ଭଳି ଉନ୍ନତ ସ୍ତରକୁ ଆସିଛି ଯାହା ଗତ ୧୪ଟି ତ୍ରୈମାସିକରେ ଶ୍ରେଷ୍ଠ।
ଜିଙ୍କ ଆଧାରିତ ସିଲଭର, ଆଲୁମିନିୟମ, ତମ୍ବା, ଲୁହାପଥର, ଇସ୍ପାତ, ଶକ୍ତି, ନିକେଲ, କ୍ରୋମ ଏବଂ ତୈଳ ଓ ଗ୍ୟାସ ବ୍ୟବସାୟରେ ବେଦାନ୍ତ ଦୃଢ଼ ଆର୍ôଥକ ପ୍ରଦର୍ଶନ କରିଛି। ଜିଙ୍କର ଅବଦାନ ସର୍ବାଧିକ ୧୯,୦୫୩ କୋଟି ଟଙ୍କା, ଆଲୁମିନିୟମର ୧୫,୭୮୮ କୋଟି ଟଙ୍କା ଏବଂ ତୈଳ ଓ ଗ୍ୟାସ ବ୍ୟବସାୟର ଅବଦାନ ୧୧,୬୯୭ କୋଟି ଟଙ୍କା ରହିଛି।
କମ୍ପାନି ପକ୍ଷରୁ ସରକାରୀ ରୟାଲଟି ଓ ଲାଭ ପେଟ୍ରୋଲିୟମ ବାବଦରେ ରାଜସ୍ଥାନ, ଓଡ଼ିଶା, ଗୁଜରାଟ, ଆନ୍ଧ୍ରପ୍ରଦେଶ, ଛତିଶଗଡ଼, ଗୋଆ, କର୍ଣ୍ଣାଟକ ଓ ଆସାମ ସରକାରଙ୍କୁ ୧୪,୮୪୦ କୋଟି ଟଙ୍କା ପ୍ରଦାନ କରାଯାଇଛି। ଆୟ ଓ ପୁଞ୍ଜି ଉପରେ ୮୨୯୦ କୋଟି ଟଙ୍କାର ଟିକସ ଦିଆଯାଇଛି। ଏଥି ସହିତ ଗ୍ରୁପ ପକ୍ଷରୁ ଆମଦାନୀ ଓ ରପ୍ତାନୀ ଉପରେ ୫୯୮୦ କୋଟି ଟଙ୍କାର ଶୁଳ୍କ, ତୈଳ ସେସ/ଏନସିସିଡି ଭାବେ ୨୫୦୩ କୋଟି ଟଙ୍କା, ୧୨୫୨ କୋଟି ଟଙ୍କାର ବିଦ୍ୟୁତ ଶୁଳ୍କ ଓ ୧୬୬୩ କୋଟି ଟଙ୍କାର ଅଯୋଗ୍ୟ ଜିଏସଟି ଦିଆଯାଇଛି। ମୋଟ ଉପରେ ଅନ୍ୟାନ୍ୟ ଟିକସ ଭାବେ କମ୍ପାନି ୧୧,୮୯୭ କୋଟି ଟଙ୍କା ଦେଇଛି। ପରୋକ୍ଷ ଟିକସ ଆକାରରେ ୨୧,୭୭୭ କୋଟି ଟଙ୍କା ପ୍ରଦାନ କରାଯାଇଛି ଓ ୩,୧୮୮ କୋଟି ଟଙ୍କାର ୱିଥହୋଲଡିଂ ଟିକସ ଦିଆଯାଇଛି। ହିନ୍ଦୁସ୍ତାନ ଜିଙ୍କରେ ଭାରତ ସରକାରଙ୍କ ୨୭.୯୨ ପ୍ରତିଶତ ଅଂଶଧନ ଥିବାରୁ ସରକାରଙ୍କୁ ଲାଭାଂଶ ବାବଦରେ ୧୧୮୦ କୋଟି ଟଙ୍କା ପ୍ରଦାନ କରାଯାଇଛି।
ବେଦାନ୍ତର ବ୍ୟାପକ ପରିବେଶ, ସାମାଜିକ ଓ ପ୍ରଶାସନ (ଇଏସଜି) ଏଜେଣ୍ଡାର ମୂଳରେ ରହିଛି ଟିକସ ସ୍ୱଚ୍ଛତା। ଲାଗାତାର ୧୧ ବର୍ଷ ପର୍ଯ୍ୟନ୍ତ ବଜାୟ ରହିଥିବା ଏହାର ସ୍ୱେଚ୍ଛାକୃତ ଓ ପ୍ରତ୍ୟକ୍ଷ ଘୋଷଣା ଜରିଆରେ କମ୍ପାନି ଅଂଶୀଦାରଙ୍କ ବିଶ୍ୱାସ ଦୃଢ଼ କରିବା ଏବଂ କର୍ପୋରେଟ ପ୍ରଶାସନର ଉଚ୍ଚତର ମାନକ ବଜାୟ ରଖିବାକୁ ଲକ୍ଷ୍ୟ ରଖିଛି। ବି-ଟି ରେସପନସିବଲ ଟ୍ୟାକ୍ସ ପ୍ରିନସିପଲ ଓ ଏକ୍ସଟ୍ରାକ୍ଟିଭ ଇଣ୍ଡଷ୍ଟ୍ରିଜ ଟ୍ରାନ୍ସପାରେନ୍ସି ଇନିସିଏଟିଭ (ଇଆଇଟିଆଇ) ସହିତ ବେଦାନ୍ତର ଟିକସ ନୀତି ଜଡ଼ିତ ରହିଛି।
About the Author
