କରୋନାର ଦୈନିକ ମାମଲାରେ ବଡ଼ଧରଣର ହ୍ରାସ, ଗତ ୨୪ ଘଂଟା ମଧ୍ୟରେ ଦେଶରେ ୧୦୦୬୪ ନୂତନ ରୋଗୀ ଚିହ୍ନଟ

ମଙ୍ଗଳବାର ଦିନ କରୋନା ଭାଇରସର ମାତ୍ରା ହ୍ରାସ ପାଇଥିବା ଜଣାଯାଇଛି। ଗତ ୨୪ ଘଣ୍ଟା ମଧ୍ୟରେ ୧୦,୦୬୪ ନୂତନ ରୋଗୀ ଚିହ୍ନଟ ହୋଇଛନ୍ତି, ଗତ କିଛି ମାସ ମଧ୍ୟରେ ଗୋଟିଏ ଦିନରେ ସର୍ବନିମ୍ନ ସଂଖ୍ୟକ ସଂକ୍ରମଣ ରିପୋର୍ଟ ହୋଇଛି। ସୋମବାର ଦିନ ୧୩,୭୮୮ ଟି ନୂଆ ମାମଲା ଚିହ୍ନଟ ହୋଇଥିଲା। ଏଥି ସହିତ ସଂକ୍ରମଣମୁକ୍ତ ରୋଗୀଙ୍କ ସଂଖ୍ୟା ଏକ କୋଟିରୁ ଅଧିକରେ ପହଞ୍ଚିଛି।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟର ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ କରୋନା ଭାଇରସର ୧୦,୦୬୪ ନୂତନ ସଂକ୍ରମଣ ଚିହ୍ନଟ ହେବା ସହିତ ଦେଶରେ ସଂକ୍ରମିତଙ୍କ ସଂଖ୍ୟା ୧,୦୫,୮୧,୮୩୭ କୁ ବୃଦ୍ଧି ପାଇଛି। ଏଥି ସହିତ, ଏହି ସମୟ ମଧ୍ୟରେ ସଂକ୍ରମଣ ହେତୁ ୧୩୭ ଜଣ ଲୋକ ପ୍ରାଣ ହରାଇଛନ୍ତି, ଯାହା ପରେ କରୋନା ମୃତକଙ୍କ ସଂଖ୍ୟା ୧,୫୨,୬୬୫ କୁ ବୃଦ୍ଧି ପାଇଛି।

India reports 10,064 new #COVID19 cases, 17,411 discharges and 137 deaths in last 24 hours, as per Union Health Ministry

Total cases: 1,05,81,837
Active cases: 2,00,528
Total discharges: 1,02,28,753
Death toll: 1,52,556 pic.twitter.com/5XHUHHSq9u

— ANI (@ANI) January 19, 2021

ମନ୍ତ୍ରଣାଳୟର ତଥ୍ୟ ଅନୁଯାୟୀ, ଦେଶରେ ସଂକ୍ରମଣମୁକ୍ତ ରୋଗୀଙ୍କ ସଂଖ୍ୟା ୧,୦୨,୨୮,୭୫୩ କୁ ବୃଦ୍ଧି ପାଇଛି। ଗତ ୨୪ ଘଣ୍ଟା ମଧ୍ୟରେ ୧୭,୪୧୧ ରୋଗୀ ଏହି ଭାଇରସକୁ ହରାଇ ଚିକିତ୍ସା ପରେ ସୁସ୍ଥ ହୋଇ ଘରକୁ ଫେରିଛନ୍ତି। ଏଥି ସହିତ ଦେଶରେ କରୋନା ଭାଇରସର ସକ୍ରିୟ ମାମଲା ସଂଖ୍ୟା ତିନି ଲକ୍ଷରୁ କମ୍ ରହିଛି।