ନିଜ ପ୍ରିୟ କୁକୁରର ୫୦ ଫୁଟ ଉଚ୍ଚର ‘ସୁନା’ ପ୍ରତିମୂର୍ତ୍ତି ସ୍ଥାପନ କରିଛନ୍ତି ଏହି ରାଷ୍ଟ୍ରପତି

ଆପଣ ଅନେକ ସ୍ଥାନରେ ନେତାଙ୍କ ପ୍ରତିମା ଦେଖିଥିବେ ନିଶ୍ଚୟ ଏବଂ ଏହା କେବଳ ଭାରତରେ ନୁହେଁ ବିଦେଶରେ ମଧ୍ୟ ଦେଖାଯାଏ | ଏହି କ୍ରମରେ ତୁର୍କମେନିସ୍ତାନର ଶାସକ ତାଙ୍କ ପ୍ରିୟ କୁକୁରର ପ୍ରାୟ ୫୦ ଫୁଟ ଉଚ୍ଚରେ ଏକ ପ୍ରତିମୂର୍ତ୍ତି ତିଆରି କରିଛନ୍ତି। ଆଉ ଆପଣ ଶୁଣି ଆଶ୍ଚର୍ଯ୍ୟ ହେବେ ଯେ କୁକୁରର ଏହି ପ୍ରତିମା ସୁନାରେ ନିର୍ମିତ ।

କେବଳ ଏତିକି ନୁହେଁ ତୁର୍କମେନିସ୍ତାନର ରାଜଧାନୀ ଅଶଗାବତର ନୂତନ ଅଞ୍ଚଳରେ ଏହି ପ୍ରତିମୂର୍ତ୍ତି ସ୍ଥାପନ କରାଯାଇଛି। ୨୦୦୭ ମସିହାରୁ ଦେଶରେ କ୍ଷମତାରେ ଥିବା ଗୁରୁବାଙ୍ଗୁଲି ବର୍ଦ୍ଦମୁକେଡୋଭ ବୁଧବାର ଦିନ ଏହି ଆଲବିନ ପ୍ରଜାତିର ଏକ ବିରାଟ ପ୍ରତିମୂର୍ତ୍ତିକୁ ଉନ୍ମୋଚନ କରିଛନ୍ତି।

ସେଠାରେ ଥିବା ସରକାରଙ୍କ ଅନୁଯାୟୀ, ଏହି ପ୍ରତିମୂର୍ତ୍ତି ପିତ୍ତଳରୁ ନିର୍ମିତ ଏବଂ ଏହା ଉପରେ ୨୪ କ୍ୟାରେଟ୍ ସୁନାର ସ୍ତର ଲଗାଯାଇଛି। ମୂର୍ତ୍ତିର ଉଚ୍ଚତା ୨୦ ଫୁଟ | କୁକୁରର ଏହି ପ୍ରତିମୂର୍ତ୍ତିକୁ ନୂତନ ଅଶଗାବତରେ ସ୍ଥାପନ କରାଯାଇଛି ଯେଉଁଠାରେ ସରକାରୀ କର୍ମଚାରୀମାନେ ରହିବାକୁ ବ୍ୟବସ୍ଥା କରାଯାଇଛି ।

ପ୍ରକାଶଥାଉ ଯେ ଏହି ପ୍ରଜାତିର କୁକୁରକୁ ସେଠାରେ ବହୁତ ପସନ୍ଦ କରନ୍ତି | ଏହି ପ୍ରଜାତିର କୁକୁରମାନେ କେବଳ ସେଠାରେ ଜନ୍ମଗ୍ରହଣ କରନ୍ତି, ତେଣୁ ସେମାନେ ତୁର୍କମେନିସ୍ତାନର ଜାତୀୟ ପରିଚୟ ସହିତ ଜଡିତ ଥିବା ମଧ୍ୟ ଦେଖାଯାଏ |

ତୁର୍କମେନିସ୍ତାନ ସରକାର କୁକୁର ପାଇଁ ରାଜକୋଷ ଖୋଲିଥିବାବେଳେ ଦେଶର ଲୋକମାନେ ଦାରିଦ୍ରରେ ଜୀବନଯାପନ କରିବାକୁ ବାଧ୍ୟ ହେଉଛନ୍ତି। ତୈଳ ଏବଂ ପ୍ରାକୃତିକ ଗ୍ୟାସ ଯୋଗୁଁ ଦେଶର ଅର୍ଥନୀତି ବିସ୍ତାରିତ ହେଉଛି, ମାତ୍ର କେବଳ ଧନୀ ଲୋକମାନେ ଏହାର ଲାଭ ପାଇଛନ୍ତି |