ସିଏଏ ଏବଂ ଏନଆରସି ପରେ ବର୍ତ୍ତମାନ ଦେଶରେ ଏନପିଆର ଲାଗୁ କରାଇବା ପାଇଁ ଚାହୁଁଛନ୍ତି ମୋଦି ସରକାର

ରାଷ୍ଟ୍ରିୟ ନାଗରିକ ରେଜିଷ୍ଟର (ଏନଆରସି) ଏବଂ ନାଗରିକତା ସଂଶୋଧନ ଆଇନ(ସିଏଏ) ପରେ ବର୍ତ୍ତମାନ ମୋଦି ସରକାର ଦେଶରେ ଏନପିଆର ଲାଗୁ କରିବା ପାଇଁ ପ୍ରସ୍ତୁତି ଚଳାଇଛନ୍ତି । କିଛି ଦିନ ପୂର୍ବରୁ ଦେଶର ରେଜିଷ୍ଟାର ଜେନେରାଲ ଏବଂ ଜନଗଣନା ଆୟୁକ୍ତ ବିବେକ ଜୋଶୀ ଏହି ସଂପର୍କରେ ସୂଚନା ଦେଇ ସାରିଥିଲେ । ଏହି ସଂପର୍କରେ ସେ ସୂଚନା ଦେଇ କହିଥିଲେ ଯେ, ଆସାମକୁ ଛାଡି ଦେଶର ସମସ୍ତ ଅଞ୍ଚଳରେ ଏନପିଆର ପ୍ରକ୍ରିୟା ଆରମ୍ଭ କରାଯିବ ।
ବର୍ତ୍ତମାନ ପ୍ରଶ୍ନ ଉଠୁଛି ଏହି ଏନପିଆର କ’ଣ ? ଏହା ଲାଗୁ ହେବା ପରେ ଜନଗଣନାରେ କ’ଣ ପରିବର୍ତ୍ତନ ହେବ ? ସରକାର ଏନପିଆର କ’ଣ ପାଇଁ ଲାଗୁ କରିବାକୁ ଚାହୁଁଛନ୍ତି ?
୧. ରାଷ୍ଟ୍ରିୟ ଜନସଂଖ୍ୟା ରେଜିଷ୍ଟର ଦ୍ୱାରା ଦେଶର ସମସ୍ତ ନାଗରିକଙ୍କ ତଥ୍ୟ ସରକାର ରଖିପାରିବେ ।
୨. ଏହା ଦ୍ୱାରା ଭାରତୀୟ ନାଗରିକଙ୍କ ଏକ ବିୟୋମେଟ୍ରିକ ରେକର୍ଡ ନିଆଯିବ ଯେଉଁ ନିଜ ବଂଶାବଳୀଙ୍କ ସମସ୍ତ ତଥ୍ୟ ଦାଖଲ ହେବ ।
୩. ଯେଉଁମାନେ ୬ ମାସ କିମ୍ବା ତା’ଠାରୁ ଅଧିକ ସମୟ ଯାଏଁ ଅନ୍ୟ କୌଣସି ସ୍ଥାନରେ ରହୁଥିବେ ସେମାନେ ଏନପିଆରରେ ପଞ୍ଜିକରଣ କରାଇବା ଅନିବାର୍ଯ୍ୟ ।
୪. ଏନପିଆରକୁ ସରକାର, ରାଷ୍ଟ୍ରିୟ ସ୍ତର, ରାଜ୍ୟ ସ୍ତର, ଜିଲ୍ଲା, ଉପ-ଜିଲ୍ଲା ଏବଂ ସ୍ଥାନୀୟ ସ୍ତରରେ ଲାଗୁ କରାଇବେ ।
୫. ଏନପିଆରକୁ ଦୁଇଟି ଚରଣରେ ଲାଗୁ କରାଯିବ । ପ୍ରଥମ ଚରଣ ଅପ୍ରେଲ ୨୦୨୦ରୁ ନେଇ ୩୦ ଡିସେମ୍ବର ୨୦୨୦ ପର୍ଯ୍ୟନ୍ତ ରହିବ । ଏଥିରେ କେନ୍ଦ୍ର ଏବଂ ରାଜ୍ୟ ସରକାରଙ୍କ କର୍ମଚାରୀ ଘରେ ଘରେ ପହଞ୍ଚି ଗଣନା କରିବେ ।
୬. ଦ୍ୱିତୀୟ ଚରଣ ୯ ଫେବୃଆରୀ ୨୦୨୧ରୁ ୨୮ ଫେବୃଆରୀ ୨୦୨୧ ପର୍ଯ୍ୟନ୍ତ ହେବ । ଏହା ପରେ ତୃତୀୟ ଚରଣ ହେବ, ଯେଉଁଥିରେ ସଂଗ୍ରହ କରାଯାଇଥିବା ଗଣନାରେ ସଂଶୋଧନ କରାଯିବ ।

Comments are closed.