ଭାଲେଣ୍ଟାଇନ ଡେ’କୁ ନେଇ ଆଜି ସମସ୍ତ ଚଳ ଚଞ୍ଚଳ ଥିବାବେଳେ ଆଜିର ଏହି ଦିନରେ ଲୋକେ ନିଜ ପ୍ରିୟ ସାଥୀଙ୍କପ କିଛି ସ୍ୱତନ୍ତ୍ର ଉପହାର ଦେଇ ସରପ୍ରାଇଜ କରିବା ପାଇଁ ପସନ୍ଦ କରିଥାନ୍ତି । ପ୍ରାୟତଃ କୁହାଯାଏ ଯେ, ଭାଲେଣ୍ଟାଇନ ଡେ ପ୍ରେମୀ ଯୁଗଳଙ୍କ ପାଇଁ ସ୍ୱତନ୍ତ୍ର ଅଟେ । ବଲିଉଡରେ ମଧ୍ୟ ଏହି ଦିନକୁ ଆଡମ୍ବରରେ ପାଳନ କରାଯାଏ । ବଲିଉଡ କପଲ୍ସ ଏହି ଦିନକୁ ହାତ ଛଡା ନକରି ନିଜର ପ୍ରିୟ ସାଥୀଙ୍କ ସହ କିଛି ବିଶେଷ ମୂହୂର୍ତ୍ତ ବିତାଇବା ପାଇଁ ପସନ୍ଦ କରିଥାନ୍ତି । ତେବେ ଏହି ମଧ୍ୟ ବଲିଉଡ ଅଭିନେତ୍ରୀ ତଥା ଟାଇଗର ସର୍ଫଙ୍କ ଗାର୍ଲଫ୍ରେଣ୍ଡ ଦିଶା ପାଠନୀ ମଧ୍ୟ ଏହି ବିଶେଷ ଦିନକୁ ନେଇ ଶୁଭେଚ୍ଛା ମଧ୍ୟ ଜଣାଇଛନ୍ତି । କେବଳ ଏତିକି ନୁହେଁ ଦିଶା ନିଜ ଇନଷ୍ଟାଗ୍ରାମରେ ଏକ ଫଟୋ ସେୟାର କରି ନିଜ ପ୍ରିୟ ଲୋକଙ୍କ ସହ ଏହି ସ୍ୱତନ୍ତ୍ର ଦିନକୁ ପାଳନ କରୁଥିବାର ସୂଚନା ମଧ୍ୟ ଦେଇଛନ୍ତି ।
ଦିଶା ବର୍ତ୍ତମାନ ତାଙ୍କ ଆଗାମୀ ଫିଲ୍ମ ମଲଙ୍ଗର ଟିମ ସହ ଅଛନ୍ତି ଏବଂ ସେ ତାଙ୍କରି ସହ ଏହି ସ୍ୱତନ୍ତ୍ର ଦିନଟିକୁ ପାଳନ କରିଛନ୍ତି । ଦିଶାଙ୍କ ପକ୍ଷରୁ ସେୟାର କରାଯାଇଥିବା ଏହି ଫଟୋରେ ଫିଲ୍ମରେ ତାଙ୍କ କୋ-ଷ୍ଟାର ଆଦିତ୍ୟ କପୁର, ଅନିଲ କପୁର, କୁନାଲ ଖେମୁ, ଅମୃତା ଖାନଙ୍କୁ ଦେଖିବାକୁ ମିଳୁଛି । ଫଟୋର କ୍ୟାପସନରେ ଦିଶା ଲେଖିଛନ୍ତି ଯେ, ଭାଲେଣ୍ଟାଇନ ଡେ’ ମୋର ସବୁଠାରୁ ପ୍ରିୟ ଲୋକଙ୍କ ସହ ।
Comments are closed.