ଦେଶରେ ପୁଣି ଜୋର ଧରୁଛି କରୋନାର ଗତି, ଗତ ୨୪ ଘଂଟା ମଧ୍ୟରେ ପୁଣି ୬୪,୫୩୧ ପଜିଟିଭ ଚିହ୍ନଟ, ୧୦୯୨ ଜଣଙ୍କର ମୃତ୍ୟୁ

ଦେଶରେ କରୋନା ଭାଇରସର ସଂକ୍ରମଣ ସଂଖ୍ୟା ପୁଣି ଥରେ ବୃଦ୍ଧି ପାଇଛି। ବୁଧବାର ଦିନ ୬୪,୫୩୧ ନୂତନ ପଜିଟିଭ ମାମଲା ଚିହ୍ନଟ ହୋଇଛି। ଏଥି ସହିତ ସଂକ୍ରମିତ ରୋଗୀଙ୍କ ସଂଖ୍ୟା ୨୭ ଲକ୍ଷ ୬୭ ହଜାରରେ ପହଞ୍ଚିଛି। କିନ୍ତୁ ଭଲ କଥା ହେଉଛି ସଂକ୍ରମଣରୁ ମୁକ୍ତି ପାଇଥିବା ଲୋକଙ୍କ ସଂଖ୍ୟା ଅଢ଼େଇ ଲକ୍ଷରୁ ଅଧିକ ହୋଇ ପରୀକ୍ଷଣ ମଧ୍ୟ ବୃଦ୍ଧି ପାଇଛି।

ବୁଧବାର ସକାଳେ ଅପଡେଟ୍ ହୋଇଥିବା ତଥ୍ୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ରେକର୍ଡ ୧,୦୯୨ ଜଣଙ୍କର ମୃତ୍ୟୁ ସହ ମୃତ୍ୟୁ ସଂଖ୍ୟା ୫୨,୮୮୯ କୁ ବୃଦ୍ଧି ପାଇଛି। ସେହିଭଳି ଦେଶରେ ଏପର୍ଯ୍ୟନ୍ତ ସଂକ୍ରମଣ ମାମଲା ୨୭,୬୭,୨୭୩ କୁ ବୃଦ୍ଧି ପାଇଛି, ସେଥିମଧ୍ୟରୁ ୬,୭୬,୫୧୪ ଲୋକ ଚିକିତ୍ସିତ ହେଉଛନ୍ତି ଏବଂ ୨୦,୩୭,୮୭୦ ଲୋକ ଚିକିତ୍ସା ପରେ ଏହି ରୋଗରୁ ସୁସ୍ଥ ହୋଇଛନ୍ତି। ସମୁଦାୟ ସଂକ୍ରମଣ କ୍ଷେତ୍ରରେ ବିଦେଶୀ ନାଗରିକମାନେ ମଧ୍ୟ ସାମିଲ ଅଛନ୍ତି। ତଥ୍ୟ ଅନୁଯାୟୀ ରୋଗୀଙ୍କ ସୁସ୍ଥ ହାର ୭୩.୬୪ ପ୍ରତିଶତକୁ ବୃଦ୍ଧି ପାଇଛି।

ଗତ ୨୪ ଘଣ୍ଟା ମଧ୍ୟରେ ଆଠ ଲକ୍ଷରୁ ଅଧିକ ନମୁନା ପରୀକ୍ଷା କରାଯାଇ
ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ (ଆଇସିଏମ୍ଆର) ଦ୍ୱାରା ପ୍ରକାଶିତ ତଥ୍ୟ ଅନୁଯାୟୀ, ଅଗଷ୍ଟ ୧୮ ପର୍ଯ୍ୟନ୍ତ ସମଗ୍ର ଦେଶରେ ସମୁଦାୟ ୩,୧୭,୪୨,୭୮୨ ନମୁନା ପରୀକ୍ଷା କରାଯାଇଥିଲା, ଯେଉଁଥିରେ ସୋମବାର ଦିନ କେବଳ ଗୋଟିଏ ଦିନରେ ୮,୦୧,୫୧୮ ନମୁନା ପରୀକ୍ଷା କରାଯାଇଛି |