୨୧ ଦିନିଆ ଲକଡାଉନକୁ ଆଜି ୧୩ ଦିନ ପୂରଣ ହେଉଥିବାବେଳେ ୧୫ ଏପ୍ରିଲରୁ ଦେଶର ଅନେକ ସ୍ଥାନରୁ ଏହାକୁ ହଟାଇବାକୁ ଅନେକ ଚର୍ଚ୍ଚା ମଧ୍ୟ ଆରମ୍ଭ ହୋଇଗଲାଣି । ଲକଡାଉନକୁ ନେଇ ଦେଶର ଅଧିକାଂଶ ଜନସାଧାରଣ ସରକାରଙ୍କର ସାମାଜିକ ଦୂରତା ନିୟମ ପାଳନ କରୁଥିବାବେଳେ ଅନ୍ୟ କେତେକ ଏହାକୁ ଉଲ୍ଲଘଂନ କରୁଥିବାର ମଧ୍ୟ ଦେଖିବାକୁ ମିଳିଛି । ଏହି ମଧ୍ୟରେ ଦେଶର ୬୯ କୋଟି ଲୋକ ଅଣ ସଂକ୍ରମିତ ରୋଗ (ଏନସିଡି) କବଳରେ ପୀଡିତ ଥିବାବେଳେ ସେମାନଙ୍କ ମଧ୍ୟରେ ୬୦ ବର୍ଷିୟ ଏବଂ ତା’ଠାରୁ ଉର୍ଦ୍ଧ୍ୱ ଲୋକ ବୟସର ଲୋକ ମଧ୍ୟ ସାମିଲ ରହିଛନ୍ତି ।
ସାରା ବିଶ୍ୱରେ କରୋନାର ମାରାତ୍ମକ ପ୍ରଭାବ ବୃଦ୍ଧ ଏବଂ ଶିଶୁଙ୍କ ସମେତ ମଧୁମେହ, ହାର୍ଟ, ହାଇପରଟେନସନ ଏବଂ କିଡନୀ ଜନୀତ ରୋଗୀଙ୍କ ଉପରେ ମଧ୍ୟ ପଡିଥାଏ । କେବଳ ଏତିକି ନୁହେଁ ଦେଶରେ କରୋନା ସଂକ୍ରମିତଙ୍କ ମଧ୍ୟରୁ ୧୬.୬୯ ପ୍ରତିଶତ ୬୦ ବର୍ଷିୟ ବୟସ୍କ ଅଟନ୍ତି । ସେଥିପାଇଁ ଦେଶର ୧୦ କୋଟି ବୃଦ୍ଧ, ୭.୭ କୋଟି ମଧୁମେହ, ୧୧.୩୫ କୋଟି କିଡନୀ ଏବଂ ୪୦ କୋଟି ହାଇ ବ୍ଲଡ ପ୍ରେସର ରୋଗୀଙ୍କୁ ଏହି ସମୟରେ ସବୁଠାରୁ ଅଧିଳ ସତର୍କତା ଅବଲମ୍ବନ କରିବା ପାଇଁ କୁହାଯାଇଛି । ଏହା ବାଦ୍ ନ୍ୟାସନାଲ ହେଲଥ ପ୍ରୋଫାଇଲ ଅନୁଯାୟୀ, ଦେଶର ମୋଟ ଜନସଂଖ୍ୟା ମଧ୍ୟରୁ ୮.୫ ପ୍ରତିଶତ ୦ରୁ ୪ବର୍ଷିୟ ଏବଂ ୮.୯ ପ୍ରତିଶତ ୫ରୁ ୯ ବର୍ଷିୟ ଶିଶୁ ଅଟନ୍ତି ।
ଏହି ଭାଇରସର ବିପଦ ସଂପୂର୍ଣ୍ଣ ଋପେ ନଟଳିବା ଯାଏଁ ଏମାନଙ୍କ ସ୍ୱାସ୍ଥ୍ୟ ପ୍ରତି ବେଶ ସତର୍କତା ଅବଲମ୍ବନ କରିବାର ଆବଶ୍ୟକତା ରହିଛି । କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ ପରିସ୍ଥିତି ବର୍ତ୍ତମାନ ଏଠାରେ ନିୟନ୍ତ୍ରଣରେ ରହିଛି ଏବଂ ଅଳ୍ପ କିଛି ଦିନି ମଧ୍ୟରେ ଏହାର ପ୍ରଭାବ ଜଣାପଡିବ ।
କରୋନା ଟାଇମ ଲାଇନ
ସଂକ୍ରମଣର ୫-୬ ମଧ୍ୟରେ ଲକ୍ଷଣ ଦେଖାଦେଇଥାଏ ।
ସାମାନ୍ୟ ବ୍ୟକ୍ତିଙ୍କ ପାଇଁ ୧୪ ଦିନ ଆଇସୋଲେସନରେ ରହିବାର ଆବଶ୍ୟକତା ରହିଛି ।
ସୁସ୍ଥ ହେବା ପାଇଁ ଲାଗିପାରେ ୨ରୁ୮ ସପ୍ତାହ
Comments are closed.