ଚୀନରୁ ବ୍ୟାପିଥିବା ମହାମାରୀ କରୋନା ଭାଇରସ ସାରା ବିଶ୍ୱରେ ଆତଙ୍କ ଖେଳାଇଦେଇଥିବାବେଳେ ଭାରତରେ ମଧ୍ୟ ଏହି ଭାଇରସ ଦ୍ୱାରା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବଢିବାରେ ଲାଗିଛି । ଶୁକ୍ରବାର ଦିନ ମିଳିଥିବା ତାଜା ସୂଚନା ମୁତାବକ ଏହି ଭାଇରସ ଦ୍ୱାରା ଦେଶରେ ସଂକ୍ରମିତଙ୍କ ସଂଖ୍ୟା ବର୍ତ୍ତମାନ ୭୨୪ରେ ଆସି ପହଞ୍ଚିଛି ଏବଂ ମୃତକଙ୍କ ସଂଖ୍ୟା ୧୭ରେ ।
ସ୍ୱାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଜାରି ସୂଚନା ମୁତାବକ, ଭାରତରେ ସଂକ୍ରମିତଙ୍କ ସଂଖ୍ୟାରେ ବୃଦ୍ଧି ଘଟି ଏହା ବର୍ତ୍ତମାନ ୭୨୪ରେ ପହଞ୍ଚିଛି । ଏଥି ମଧ୍ୟରୁ ୪୫ ଜଣ ସୁସ୍ଥ ହୋଇ ଡିସଚାର୍ଜ ହୋଇଥିବାବେଳେ ବର୍ତ୍ତମାନ ସୁଧା ୧୭ ଜଣଙ୍କ ମୃତ୍ୟୁ ଘଟିଛି ବୋଲି ଜଣା ପଡିଛି । ତେବେ ଏହି ସଂକ୍ରମିତଙ୍କ ମଧ୍ୟରୁ ୬୪୭ ଜଣ ଭାରତୀୟ ଥିବାବେଳେ ୪୭ ଜଣ ହେଉଛନ୍ତି ବିଦେଶୀ ।
ବର୍ତ୍ତମାନ ସାରା ବିଶ୍ୱରେ ସଂକ୍ରମିତଙ୍କ ସଂଖ୍ୟା ବଢି ୫ ଲକ୍ଷ ଉର୍ଦ୍ଧ୍ୱକୁ ଚାଲିଯାଇଥିବାବେଳେ ଏଥିରେ ୨୨,୦୦୦ରୁ ଉର୍ଦ୍ଧ୍ୱ ଲୋକେ ପ୍ରାଣ ହରାଇ ସାରିଲେଣି । ତେବେ ସାରା ବିଶ୍ୱରେ ବର୍ତ୍ତମାନ ସୁଧା ୧.୨୧ ଲକ୍ଷ ସଂକ୍ରମିତ ଠିକ ହୋଇ ଘରକୁ ଫେରି ସାରିଲେଣି ।
Comments are closed.