କିସମିସରେ ଭରି ରହିଛି ଏହି ସବୁ ଔଷଧୀୟ ଗୁଣ

କିସମିସ ଏକପ୍ରକାର ଡ୍ରାଏଫ୍ରୁଟ ହୋଇଥାଏ । ଅଙ୍ଗୁରକୁ ଶୁଖାଇ ଏହାକୁ ପ୍ରସ୍ତୁତ କରାଯାଇଥାଏ । ଏଥିରେ ସେହି ସବୁ ଗୁଣ ଭରି ରହିଛି, ଯାହା ଅଙ୍ଗୁରରେ ରହିଥାଏ । କିସମିସ ସ୍ୱାସ୍ଥ୍ୟପାଇଁ ବହୁ ଲାଭଦାୟକ ହୋଇଥାଏ । ବିଶେଷକରି ଥଣ୍ଡାଦିନେ ଏହା ଖାଇବା ଦ୍ୱାରା ବହୁ ରୋଗ ବେମାରୀରୁ ରକ୍ଷାମିଳିଥାଏ । କିସମିସରେ ଭରପୂର ମାତ୍ରାରେ ଆଇରନ, ପୋଟାସିୟମ, କ୍ୟାଲସିୟମ, ମାଗ୍ନେସିୟମ ଓ ଫାଇବର ରହିଛି । ମୁଖ୍ୟ ରୂପରେ ମିଠାଇ ପ୍ରସ୍ତୁତି, ଖିରି ଓ ଅନ୍ୟ ମିଠା ଜିନିଷ ପ୍ରସ୍ତୁତିରେ ଆମେ କିସମିସ ଉପଯୋଗ କରିଥାଉ । ବହୁ ଲୋକ କିସମିସକୁ ଶୁଖିଲା ଖାଇଥାନ୍ତି । କିନ୍ତୁ ଏହାକୁ ରାତିସାରା ପାଣିରେ ଭିଜାଇ ସକାଳେ ଖାଲିପେଟରେ ଖାଇବା ଦ୍ୱାରା ଆମକୁ ବହୁତ ସ୍ୱାସ୍ଥ୍ୟଗତ ଫାଇଦା ମିଳିଥାଏ ।
ସ୍ୱାସ୍ଥ୍ୟ ବିଶେଷଜ୍ଞ ମତ କିସମିସକୁ ସର୍ବଦା ପାଣିରେ ବୁଡାଇ ଖାଇବା ଉଚିତ । ଏପରି କରିବା ଦ୍ୱାରା କିସମିସରେ ଆଣ୍ଟି ଅକ୍ସିଡାଣ୍ଟ ଓ ନ୍ୟୁଟ୍ରିଏଣ୍ଟସର ମାତ୍ରା ବଢି ଯାଇଥାଏ । ତେବେ ଆସନ୍ତୁ କିସମିସକୁ ପାଣିରେ ବୁଡାଇ ଖାଇଲେ ଏହା ଆପଣଙ୍କୁ କ’ଣ ଫାଇଦା ଯୋଗାଇବା ତାହା ସଂପର୍କରେ ଜାଣିବା ।

ରକ୍ତଚାପ ସ୍ୱାଭାବିକ କରିଥାଏ –

କିସମିସକୁ ପାଣିରେ ବୁଡାଇ ଖାଇବା ଦ୍ୱାରା ଏହା ରକ୍ତଚାପ ସ୍ୱଭାବିକ କରିଥାଏ । ଏଥିରେ ଥିବା ପୋଟାସିୟମ ଶରୀରରେ ଲୁଣର ମାତ୍ରକୁ ନିୟନ୍ତ୍ରଣ କରିବା ସହ ରକ୍ତ ଚାପକୁ ସ୍ୱାଭାବିକ ରଖିବାରେ ସାହାଯ୍ୟ କରିଥାଏ ।

ହଜମ ପ୍ରକ୍ରିୟାକୁ ଠିକ କରିଥାଏ –

କିସମିସରେ ଭରପୁର ମାତ୍ରାରେ ଫାଇବର ରହିଛି । ହଜମ ପ୍ରକ୍ରିୟାକୁ ସ୍ୱାଭାବିକ କରିବା ପାଇଁ ୨ରୁ ୪ଟି କିସମିସ ରାତିସାରା ପାଣିରେ ଭିଜାଇ ସକାଳେ ଖାଲି ପେଟରେ ସେବନ କରନ୍ତୁ ଓ ସେହି ପାଣିକୁ ମଧ୍ୟ ପିଇ ଦିଅନ୍ତୁ । ଏପରି କରିବା ଦ୍ୱାରା ଖୁବ କମ ସମୟ ମଧ୍ୟରେ ହଜମଜନିତ ସମସ୍ୟା ଦୂର ହୋଇଥାଏ ।

ରୋଗପ୍ରତିରୋଧକ ଶକ୍ତି ମଜବୁତ କରିଥାଏ –

କିସମିସରେ ବିଭିନ୍ନ ପ୍ରକାରର ପୁଷ୍ଟିକାରକ ତତ୍ତ୍ୱ ଭରି ରହିଛି, ଯାହା ଆମ ଶରୀରର ରୋଗପ୍ରତିରୋଧକ ଶକ୍ତିକୁ କମ କରିଥାଏ । ଥଣ୍ଡାଦିନ ଦୈନିକ କିସମିସ ସେବନ କରିବା ଦ୍ୱାରା ଆମ ଶରୀରରେ ବିଭିନ୍ନ ବ୍ୟାକ୍ଟେରିଆ ଯୋଗୁଁ ହେଉଥିବା ସଂକ୍ରମଣରୁ ମଧ୍ୟ ରକ୍ଷା ମିଳିଥାଏ ।

ଓଜନ କମ କରନ୍ତୁ –

Iଏଥିରେ ପ୍ରାକୃତିକ ସୁଗର ରହିଛି । ଏହା ଖାଇବା ଦ୍ୱାରା ମିଠା ଖାଇବାର ଇଚ୍ଛା ତ ପୂରଣ ହୋଇଥାଏ ଏହା ସହ କିସମିସ ଖାଇଲେ ଶରୀରରେ କ୍ୟାଲୋରୀ ମଧ୍ୟ ବୃଦ୍ଧି ପାଇ ନଥାଏ । ଏହା ଆମ ଶରୀରରେ ରକ୍ତ ଶର୍କରା ସ୍ତର ସ୍ୱଭାବିକ ରଖିବା ସହ ଓଜନ କମ କରିବାରେ ମଧ୍ୟ ସାହାଯ୍ୟ କରିଥାଏ ।

ଅସ୍ଥ୍ି ମଜବୁତ କରିଥାଏ –

ବୋରୋନ ଯାହା ଆମ ଅସ୍ଥିକୁ ମଜବୁତ ରଖିବାରେ ସହାୟକ ହୋଇଥାଏ ତାହା କିସମିସରେ ଭରପୂର ମାତ୍ରାରେ ରହିଛି । ଏହା ସହିତ କିସମିସରେ କ୍ୟାଲସିୟମ ମଧ୍ୟ ରହିଛି ଯାହା ଆମ ଅସ୍ଥି ପାଇଁ ବହୁତ ଆବଶ୍ୟକ ରହିଥାଏ ।

ଦୃଷ୍ଟି ଶକ୍ତି ଠିକ ରଖେ –

ଆଣ୍ଟିଅକ୍ସିଡାଣ୍ଟ, ଭିଟାମିନ-ଏ ଓ ବିଟା କ୍ୟାରୋଟିନରେ ଭରପୁର କିସମିସରେ ଅନ୍ୟ ସମସ୍ତ ନ୍ୟୁଟ୍ରିଏଣ୍ଟଓ ମଧ୍ୟ ଭରି ରହିଥାଏ, ଯାହା ଆପଣଙ୍କ ଦୃଷ୍ଟିଶକ୍ତି ଠିକ କରିଥାଏ ।

Comments are closed.