ନିଜ ବ୍ରେକଫାଷ୍ଟରେ ସାମିଲ କରନ୍ତୁ ଗଜାମୁଗ, ଯାହା ଆପଣଙ୍କୁ ପୁରାଦିନ ରଖିଥାଏ ସତେଜ

0

ସକାଳ ଜଳଖିଆ ଆପଣଙ୍କୁ ଦିନରେ କାମ କରିବାକୁ ଶକ୍ତି ଯୋଗାଇଥାଏ | ତେଣୁ ସକାଳେ ଏକ ସୁସ୍ଥ ଜଳଖିଆ ଖାଇବା ଜରୁରୀ ଅଟେ | କିଛି ଲୋକ ସକାଳରେ ଜଳଖିଆ କରନ୍ତି ନାହିଁ ଏବଂ ଯଦି କରନ୍ତି, ତେବେ ସେମାନେ କେବଳ ଅଧା ପେଟ ଖାଇଥାନ୍ତି | କିନ୍ତୁ ଏହା କରିବା ସ୍ୱାସ୍ଥ୍ୟ ପାଇଁ ଖରାପ ହୋଇପାରେ | ତେଣୁ, ସକାଳେ ଜଳଖିଆରେ ପୁଷ୍ଟିକର ଖାଦ୍ୟ ରହିବା ଉଚିତ୍ | ଆପଣ ସକାଳ ଜଳଖିଆରେ ଗଜାମୁଗ ସାମିଲ କରିପାରିବେ, ଯାହା ଏକ ଅତ୍ୟନ୍ତ ସୁସ୍ଥ ବିକଳ୍ପ |

ଜଳଖିଆରେ ଗଜାମୁଗକୁ ସାମିଲ କରିବା ଦ୍ୱାରା ଅନେକ ସ୍ୱାସ୍ଥ୍ୟ ଉପକାର ହୋଇଥାଏ | ଗଜାମୁଗରୁ ଫାଇବର ମିଳିଥାଏ ଯାହା ଆପଣଙ୍କ ପେଟର ସମସ୍ୟା ଦୂର କରିଥାଏ | ଯେଉଁମାନଙ୍କର ପେଟରେ ଭାରୀପଣ ଏବଂ କୋଷ୍ଠକାଠିନ୍ୟ ସମସ୍ୟା ଥାଏ, ସେମାନେ ଗରିଷ୍ଠ ଆହାର ଖାଇବା ପରିବର୍ତ୍ତେ ସେମାନଙ୍କ ଜଳଖିଆରେ ଗଜାମୁଗକୁ ସାମିଲ କରିବା ଉଚିତ୍ | ଏହା ସ୍ୱାସ୍ଥ୍ୟ ପାଇଁ ମଧ୍ୟ ସୁସ୍ଥ ଏବଂ ଏହା ଆପଣଙ୍କ ହଜମ ପ୍ରକ୍ରିୟାକୁ ମଧ୍ୟ ସଠିକ୍ ରଖେ |

ସକାଳର ଜଳଖିଆ ଦିନରେ କାମ କରିବା ପାଇଁ ଶକ୍ତି ଦେଇଥାଏ, କିନ୍ତୁ ଯଦି ଆମେ ସକାଳ ଜଳଖିଆରେ ଗରିଷ୍ଠ ଆହାର ଗ୍ରହଣ କରୁ, ତେବେ ଏଥିରୁ ଆମକୁ ଅଳଲୁଆପଣ ଆସିଥାଏ| ଗଜାମୁଗ ମେଟାବୋଲିକ୍ ହାରକୁ ବଢ଼ାଇଥାଏ, ଯାହାକି ଆମ ଶରୀରକୁ ଦୀର୍ଘ ସମୟ ପର୍ଯ୍ୟନ୍ତ ଅଧିକ ଶକ୍ତି ଦେଇଥାଏ । ଯାହାଦ୍ବାରା କାମ କରିବା ସମୟରେ ଅଳସୁଆ ଲାଗିନଥାଏ |

ଗଜାମୁଗ ଖାଇବା ଦ୍ବାରା ଶରୀରରେ ସୁଗର ସ୍ତର ନିୟନ୍ତ୍ରଣରେ ରହିଥାଏ | ଯେଉଁମାନଙ୍କର ଓଜନ ବଢ଼ିବାର ସମସ୍ୟା ରହିଛି, ସେମାନଙ୍କ ଖାଦ୍ୟରେ ଅଧିକ ତେଲଯୁକ୍ତ ଏବଂ ଗରିଷ୍ଠ ଆହାର ବଦଳରେ ଗଜାମୁଗ ନେବା ଉଚିତ୍ | ଏହା ଓଜନ ହ୍ରାସ କରିବାରେ ମଧ୍ୟ ସାହାଯ୍ୟ କରିବ ଏବଂ ଆପଣଙ୍କ ଶରୀରକୁ ମଧ୍ୟ ପୋଷଣ ମିଳିପାରିବ |

ଗଜାମୁଗ ପ୍ରସ୍ତୁତ କରିବା ପାଇଁ ଦୁଇରୁ ତିନି ଦିନ ପୂର୍ବରୁ ମୁଗକୁ ଭିଜାନ୍ତୁ | ଆପଣ ଏହାକୁ ଟିକିଏ ଅଧିକ ପରିମାଣର ଭିଜାଇ ଦିଅନ୍ତୁ ଯାହା ଦ୍ବାରା ଆପଣ ପରବର୍ତ୍ତୀ ଦୁଇ ଦିନ ପାଇଁ ଗଜାମୁଗ ପାଇପାରିବେ |କିନ୍ତୁ ଭିଜାଇଥିବା ମୁଗରୁ ଜଳ ବଦଳାଇବା ଜରୁରୀ |ଗଜାମୁଗକୁ ବାହାର କରି ପାଣିରେ ଧୋଇ ଦିଅନ୍ତୁ | ଏଥିରେ ସ୍ୱାଦ ଅନୁଯାୟୀ କିଛି ଚାଟ୍ ମସାଲା, ଲେମ୍ବୁ ଲୁଣ ଇତ୍ୟାଦି ମିଶାନ୍ତୁ | ଆପଣ ଏଥିରେ ଟମାଟୋ ପିଆଜ ଏବଂ ସବୁଜ ଧନିଆ ମଧ୍ୟ ମିଶାଇ ପାରିବେ, ଯାହାଦ୍ବାରା ଏହାର ସ୍ୱାଦ ବଢ଼ିବା ସହିତ ଏହା ଅଧିକ ହେଲଦି ରହିବ | ଯଦି ଆପଣ ଚାହାଁନ୍ତି, ଆପଣ ଏହା ସହିତ ଗଜାବୋଟ ମଧ୍ୟ ମିଶାଇ ପାରିବେ |

Leave A Reply

Your email address will not be published.