ପୁଣି ଥରେ ଦଳରୁ ବାଦ ପଡିଲେ ରୋହିତ

ଭାରତ ଏବଂ ୱେଷ୍ଟେଣ୍ଡିଜ ମଧ୍ୟରେ ହେବାକୁ ଥିବା ଟେଷ୍ଟ ଶୃଙ୍ଖଳା ପାଇଁ ଭାରତୀୟ ଟିମର ଘୋଷଣା ସରିଛି । ବିଶ୍ରାମ ପରେ ପୁଣି ଥରେ ବିରାଟ କୋହଲି ଦଳକୁ ଫେରିଛନ୍ତି । ସେପଟେ, ଦଳରେ ପୁରୁଣା ବୋଲରଙ୍କୁ ଛାଡି ନୂତନ ଖେଳାଳୀମାନଙ୍କୁ ବିଶ୍ରାମ ଦିଆଯାଇଛି । ଏମାନଙ୍କ ସମେତ ଏସିଆ କପରେ ଦଳର ଅଧିନାୟକ ଦାୟିତ୍ୱ ତୁଲାଇଥିବା ରୋହିତ ଶର୍ମାଙ୍କୁ ମଧ୍ୟ ବାଦ ଦିଆଯାଇଛି । ରୋହିତଙ୍କୁ ଟିମରେ ଆଗାମୀ ଟେଷ୍ଟ ଶୃଙ୍ଖଳା ପାଇଁ ବାଦ ଦିଆଯାଇଥିବାରୁ ଦଳର ପୂର୍ବତ୍ତନ ଅଧିନାୟକ ସୌରଭ ଗାଙ୍ଗୁଲୀ ଆଶ୍ଚର୍ଯ୍ୟଚକିତ ହୋଇଯାଇଛନ୍ତି ।
ପ୍ରକାଶ ଥାଉକି ଚଳିତ ମାସରେ ଆରମ୍ଭ ହେବାକୁ ଥିବା ୱେଷ୍ଟେଣ୍ଡିଜ ବିପକ୍ଷରେ ଟେଷ୍ଟ ସୃଙ୍ଖଳା ପାଇଁ ଭାରତୀୟ ଦଳର ଘୋଷଣା ସରିଛି । ଏହି ସୃଙ୍ଖଳା ପାଇଁ ଚୟନ ହୋଇଥିବା ୧୫ ଜଣ ଖେଳାଳୀଙ୍କ ମଧ୍ୟରେ ରୋହିତ ଶର୍ମାଙ୍କ ନା ନାହିଁ । ରୋହିତ ଶର୍ମା ନିଜର ଶେଷ ଟେଷ୍ଟ ମ୍ୟାଚ ଚଳିତ ବର୍ଷ ଆରମ୍ଭରୁ ସାଉଥ ଆଫ୍ରିକା ବିପକ୍ଷରେ ଖେଳିଥିଲେ । ଏହା ପରେ ରୋହିତ ଆଫଗାନିସ୍ଥାନ, ଇଂଲଣ୍ଡ ବିପକ୍ଷରେ ଖେଳାଯାଇଥିବା ଟେଷ୍ଟ ସୃଙ୍ଖଳାରେ ଟିମରୁ ବାଦ ପଡିଥିବାବେଳେ ବର୍ତ୍ତମାନ ୱେଷ୍ଟେଣ୍ଡିଜ ସହ ଖେଳାଯିବାକୁ ଥିବା ମ୍ୟାଚରେ ବାଦ ପଡିଛନ୍ତି ।

ସେପଟେ ଘରୋଇ କ୍ରିକେଟରେ ଭଲ ପ୍ରଦର୍ଶନ କରୁଥିବା ମୟଙ୍କ ଅଗ୍ରୱାଲଙ୍କୁ ଦଳରେ ସ୍ଥାନ ମିଳିଥିବାବେଳ ଅନ୍ୟପଟେ ଦ୍ରୁତ ବୋଲର ମହମ୍ମଦ ସିରାଜଙ୍କୁ ମଧ୍ୟ ଦଳରେ ସ୍ଥାନ ମିଳିଯାଇଛି ।
ଆଗାମୀ ସୃଙ୍ଖଳା ପାଇଁ ଦଳରେ ଚୟନ ହୋଇଥିବା ଖେଳାଳୀମାନେ ହେଲେ, ବିରାଟ କୋହଲୀ ( ଅଧିନାୟକ), ଅଜିଙ୍କ ରାହାଣେ, ଲୋକେଶ ରାହୁଲ, ପୃଥିବୀ ଓ, ମୟଙ୍କ ଅଗ୍ରୱାଲ, ଚେତେଶ୍ୱର ପୂଜାରା, ହନୁମା ବିହାରୀ, ରିଶବ ପନ୍ଥ, ଆର ଅଶ୍ୱନୀ, ରବିନ୍ଦ୍ର ଜାଡେଜା, କୁଲଦୀପ ଯାଦବ, ମୋହମ୍ମଦ ଶାମୀ, ଉମେଶ ଯାଦବ, ଶ୍ରଦ୍ଧାଲ ଠାକୁର, ମହମ୍ମଦ ସିରାଜ