ପୁଣି କାୟା ବିସ୍ତାର କଲାଣି କରୋନା: ଚୀନର ଆଉ ଏକ ସହରରେ ହେଲା ଲକ୍ଡାଉନ୍
ଧୀରେ ଧୀରେ ଦେଶରେ ମହାମାରୀ କରୋନା ବୃଦ୍ଧି ପାଇବାରେ ଲାଗିଛି । ଏହାରି କୁହାଯାଉଥିଲା ଯେ ଚାଇନାରେ ସଂକ୍ରମଣ ମାମଲା ଦେଖିବାକୁ ମିଳୁନ ଥିଲା । ହେଲେ ବର୍ତ୍ତମାନ ମାମଲା ବଢିବାରେ ଲାଗିଥିବାରୁ ଚାଇନା ଗୁରୁବାର ଦିନ ଅନ୍ୟ ଏକ ସହରକୁ ଲକ୍ଡାଉନ୍ କରି ଦେଇଛି ।
ଉତ୍ତର-ପୂର୍ବରେ ଋଷିଆ ସୀମାରେ ଥିବା ହିଲୋଙ୍ଗଜିଆଙ୍ଗ ସୀମାକୁ ବନ୍ଦ କରି ଦିଆଯାଇଛି । ହେଲେ ଏହାରି ଭିତରେ ଜଣେ ବ୍ୟକ୍ତି ସଂକ୍ରମଣ ସହିତ ନିଶ୍ଚିତ ହେବା ପରେ ଏହି ପ୍ରତିବନ୍ଧକ ଲଗାଇ କାର୍ଯ୍ୟକାରୀ କରାଯାଇଥିଲା । ଚୀନ୍ ପୂର୍ବରୁ ଉତ୍ତର-ପଶ୍ଚିମରେ ଲାନଜହୋଉ ଏବଂ ମୋଙ୍ଗୋଲିଆ ସୀମାନ୍ତକୁ ଲାଗି ରହିଥିବା ସହର ଇଜିନ୍ ବ୍ୟାନରକୁ ଲକ୍ଡାଉନ୍ କରାଯାଇଛି । ରିପୋର୍ଟରେ କୁହାଯାଇଛି ଯେ ହେଇହେରେ ଆବାସିକ କଲୋନୀ ଏବଂ ଗାଁଗୁଡିକ ଲକ୍ଡାଉନ୍ କରାଯାଇଛି । ଏହି ଅଞ୍ଚଳରେ ବ୍ୟାପକ ପରୀକ୍ଷଣ ଚାଲିଥିବା ବେଳେ ସମସ୍ତ ସମାବେଶ-ସଭାକୁ ମଧ୍ୟ ବାରଣ କରାଯାଇଛି। ଏହା ସହ ଯାନବାହାନକୁ ସହର ମଧ୍ୟରେ ଛାଡିବାକୁ ମଧ୍ୟ ଅନୁମତି ଦିଆଯାଇ ନାହିଁ ଏବଂ ଚଳପ୍ରଚଳ ଉପରେ ପ୍ରତିବନ୍ଧକ ଲଗାଯାଇଛି। ଗୁରୁବାର ଦିନ, ଦେଶରେ ୨୩ ଟି ମାମଲାର ରିପୋର୍ଟ ଆସିବା ପରେ ଟ୍ରାନ୍ସପୋର୍ଟ ହବ୍ ଭାବରେ ବିବେଚନା କରାଯାଇଥିବା ବେଳେ ଇଜିନ୍ରେ ୭ଟି ମାମଲା ରେକର୍ଡ ହୋଇଥିଲା । ଅନ୍ୟପଟେ, ରାଜଧାନୀ ବେଜିଂ ସମେତ ଛୋଟ ଲକ୍ଡାଉନ୍ ସହିତ ଅନେକ ଅଞ୍ଚଳରେ ହଜାର ହଜାର ଲୋକ ତାଲା ବନ୍ଦରେ ରହିଛନ୍ତି ।
ଅନ୍ୟପଟେ ଭାରତରେ କରୋନା ସଂକ୍ରମଣ ଧିରେ ଧିରେ କମୁଛି । କିନ୍ତୁ ମୃତ୍ୟୁସଂଖ୍ୟାରେ ବ୍ରେକ୍ ଲାଗୁନି । ୪ ଲକ୍ଷ ଟ୍ରେଣ୍ଡ୍ ପରେ ଦୈନିକ ଆକ୍ରାନ୍ତ ସଂଖ୍ୟା ୨ ଲକ୍ଷ ଓ ଏବେ ଦୈନିକ ଆକ୍ରାନ୍ତଙ୍କ ସଂଖ୍ୟା ୨୦ ହଜାର ତଳକୁ ଖସିଛି । ଏହା ମଧ୍ୟରେ ଗତ ୨୪ ଘଣ୍ଟା ମଧ୍ୟରେ ଦେଶରେ ୨୦ ହଜାରରୁ କମ୍ କରୋନା ସଂକ୍ରମିତ ଚିହ୍ନଟ ହୋଇଥିବା ବେଳେ ୮୦୫ ଜଣଙ୍କ ମୃତ୍ୟୁ ହୋଇଛି ।
ସ୍ୱାସ୍ଥ୍ୟ ମନ୍ତ୍ରଣାଳୟର ରିପୋର୍ଟ ଅନୁସାରେ, ୨୪ ଘଣ୍ଟାରେ ୧୪୩୪୮ ଆକ୍ରାନ୍ତ ଚିହ୍ନଟ ହୋଇଛନ୍ତି । ଦେଶରେ କରୋନା ଜନିତ ଦୈନିକ ମୃତ୍ୟୁ ସଂଖ୍ୟା ୮୦୦ ଟପିଛି । ୨୪ ଘଣ୍ଟା ମଧ୍ୟରେ ୮୦୫ ଜଣଙ୍କ ମୃତ୍ୟୁ ଘଟିଛି । ସେହିପରି ନୂତନ ଆକ୍ରାନ୍ତଙ୍କୁ ମିଶାଇ ଦେଶରେ ସମୁଦାୟ ସଂକ୍ରମିତଙ୍କ ସଂଖ୍ୟା ୩କୋଟି ୪୨ ଲକ୍ଷ ୪୬ ହଜାର ୧୫୭ରେ ପହଁଚିଛି ।
ଏତତ୍ ବ୍ୟତୀତ ମୃତ୍ୟୁସଂଖ୍ୟା ୪ ଲକ୍ଷ ୫୭ ହଜାର ୧୯୧ରେ ପହଞ୍ଚିଛି । ଏବେ ଦେଶରେ ୧୬୧୩୩୪ ସକ୍ରିୟ ମାମଲା ରହିଛି । ୩୩୬୨୭୬୩୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି ।
Comments are closed.