ହେଲପଲାଇନ ନମ୍ବରରେ ଗରମ ସିଙ୍ଗଡ଼ାର ଡିମାଣ୍ଡ କରିବା ଯୁବକଙ୍କୁ ପଡ଼ିଲା ମହଙ୍ଗା

ଉତ୍ତର ପ୍ରଦେଶ ସରକାର ଲକଡାଉନ ଦ୍ୱାରା ପ୍ରଭାବିତଙ୍କ ପାଇଁ ହେଲପଲାଇନ ନମ୍ବର ଜାରି କରିଛନ୍ତି । ରାଜ୍ୟର ସାହଯ୍ୟ ଆବଶ୍ୟକ କରୁଥିବା ଲୋକଙ୍କ ପାଇଁ ଏହି ହେଲପଲାଇନ ନମ୍ବର ଉଦ୍ଦିଷ୍ଟ ହୋଇଥିବାବେଳେ ରାମପୁର ପ୍ରଶାସନ ଅନେକ ସଂଖ୍ୟକ ମିଥ୍ୟା କଲ ମଧ୍ୟ ଗ୍ରହଣ କରି ଆସୁଛି । ନୀକଟରେ ଏଭଳି ଏକ ଅସାଧାରଣ କଲ ଆସିଥିଲା ଯାହାର ପରିଣତି ମଧ୍ୟ ଉକ୍ତ ବ୍ୟକ୍ତିଙ୍କୁ ଭୋଗିବାକୁ ପଡ଼ିଛି ।

ଘଟଣାରୁ ପ୍ରକାଶ ଯେ ରାମପୁରର ଜଣେ ବ୍ୟକ୍ତି ଏହି ହେଲପଲାଇନ ନମ୍ବରକୁ କଲ କରି ତାଙ୍କ ଘର ପାହାନ୍ତାରେ ଗରମ ସିଙ୍ଗଡ଼ା ପହଞ୍‌ାଇବାର ଇଚ୍ଛା ପ୍ରକାଶ କରିଥିଲେ । ଏହି ବ୍ୟକ୍ତି ଜଣଙ୍କର ବାରମ୍ବାର କଲରେ ବିବ୍ରତ ହୋଇ ରାମପୁର ଜିଲ୍ଳା ମାଜିଷ୍ଟ୍ରେଟ ତାଙ୍କୁ ଏକ ଉଚିତ ଶିକ୍ଷା ଦେବାର ନିଷ୍ପତି ନେଇଥିଲେ ।

ସିଙ୍ଗଡ଼ା ମାଗୁଥିବା ଏହି ବ୍ୟକ୍ତିଙ୍କ ଠାରୁ ଏକାଧିକ କଲ ଗ୍ରହଣ କରିବା ପରେ ଜିଲ୍ଲା ମାଜିଷ୍ଟ୍ରେଟ ତାଙ୍କ ପାଇଁ ସିଙ୍ଗଡ଼ା ପହଞ୍ଚାଇବାର ନିଷ୍ପତି ନେଲେ । କିନ୍ତୁ ଏହା ଏହି ପୁରା ଘଟଣାର ଅନ୍ତ ନ ଥିଲା । ଏହାପରେ ତାଙ୍କର ସିଙ୍ଗଡ଼ାର ବଦଳରେ ଆଞ୍ଚଳିକ ପ୍ରଶାସନ ଉକ୍ତ ବ୍ୟକ୍ତିଙ୍କୁ ଦଣ୍ଡ ସ୍ୱରୂପ ଉକ୍ତ ଅଞ୍ଚଳର ଡ୍ରେନ ସଫା କରାଇଲେ ।

ଟାଇମ୍‌ସ ଅଫ ଇଣ୍ଡିଆରେ ପ୍ରକାଶିତ ଏକ ରିପୋର୍ଟ ଅନୁଯାୟୀ ରାମପୁର ହେଲପଲାଇନ ନମ୍ବର ଏହିଭଳି ଅନେକ କଲ ପାଇ ଆସୁଛି । ଏପରିକି ଗୋଟିଏ ଦିନ ପୂର୍ବରୁ କେହିଜଣେ ତାଙ୍କ ଘରେ ପିଜ୍ଜା ପହଞ୍‌ାଇବାର ମାଙ୍ଗ କରିଥଲେ । ଏହିସମସ୍ତ କଲରେ ଅତିଷ୍ଠ ହୋଇ ଥିବା ଡିଏମ ଅଞ୍ଜନେୟ କୁମାର ସିଙ୍ଗ କହିଛନ୍ତି ଯେ ତାଙ୍କୁ ସିଙ୍ଗଡ଼ା ପହଞାଚାଇବାକୁ ପଡ଼ିଲା । ସେ ଯାହା ହେଉ ଏହି ଅଚିହ୍ନା କଲରଙ୍କୁ କିଛି ସମାଜିକ କର୍ମ ମଧ୍ୟ କରାଗଲା ଯେଉଁଥିରେ ତାଙ୍କୁ ଡ୍ରେନ ସଫା କରିବା ପାଇ ବାଧ୍ୟ କରାଯାଇଥିଲା ।

4 समोसा भिजवा दो… चेतावनी के बाद आखिर भिजवाना ही पड़ा।
अनावश्यक मांग कर कंट्रोल रूम को परेशान करने वाले व्यक्ति से सामाजिक कार्य के तहत् नाली सफाई का कार्य कराया गया। pic.twitter.com/88aFRxZpt2

— DM Rampur (@DeoRampur) March 29, 2020

ଏକ ଟ୍ୱିଟ ମାଧ୍ୟମରେ ଡିଏମ ଅନ୍ୟ ମାନଙ୍କୁ ଲକଡାଉନ ଭଳି ଜାତୀୟ ସମସ୍ୟା ସମୟରେ ଏହି ଭଳି ଅଯଥା କଲ କରିବା ଠାରୁ ଦୁରେଇ ରହିବା ପାଇଁ ଚେତାବନୀ ଦେଇଛନ୍ତି । ଯେତେବେଳେ ପୁରା ବିଶ୍ୱ କୋଭିଡ-୧୯ର ପ୍ରକୋପରୁ ରକ୍ଷା ପାଇବା ପାଇଁ ଜୀବନ ଓ ମୃତ୍ୟୁର ସଂଘର୍ଷ କରୁଛି ସେଭଳି ସମୟରେ ଏଭଳି ବ୍ୟକ୍ତିଙ୍କର କାର୍ଯ୍ୟକଳାପ ଅତ୍ୟନ୍ତ ଲଜ୍ଜାଜନକ ଅଟେ ।