ଗଙ୍ଗା ନଦୀ ସୁରକ୍ଷାକୁ ନେଇ ୧୧୧ ଦିନ ହେବ ଅନଶନରେ ବସିଥିବା ‘ସ୍ୱାମୀ ସାନନ୍ଦ’ଙ୍କ ପରଲୋକ

ଗଙ୍ଗା ନଦୀର ଖନନ ବନ୍ଦ କରିବା ଦାବୀରେ ଦୀର୍ଘ ୧୧୧ ଦିନ ହେବ ହରିଦ୍ୱାରରେ ଅନଶନରେ ବସିଥିବା ବିଶିଷ୍ଟ ପରିବେଶବିତ ପ୍ରଫେସର. ଜିଡି ଅଗ୍ରାୱାଲ ଉର୍ଫ ( ସ୍ୱାମୀ ଗ୍ୟାନସ୍ୱରୁପ ସାନନ୍ଦ)ଙ୍କର ନିଧନ ହୋଇଯାଇଛି । ଗୁରୁବାର ଦିନ ରୂଶିକେଶସ୍ଥିତ ଏମ୍ସ ହସ୍ପିଟାଲରେ ତାଙ୍କର ମୃତ୍ୟୁ ଘଟିଛି । ଏମ୍ସ ପକ୍ଷରୁ ମିଳିଥିବା ସୂଚନା ମୁତାବକ ସ୍ୱାମୀ ସାନନ୍ଦ ଆଜି ଅପରାହ୍ନରେ ନିଜ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ବେଳକୁ ତାଙ୍କର ୮୭ ବର୍ଷ ବୟସ ହୋଇଥିଲା ।
ସ୍ୱାମୀ ସାନନ୍ଦ ଗଙ୍ଗା ନଦୀର ସ୍ୱଚ୍ଛତା , ନିର୍ମଳତା ଏବଂ ଏଥିରେ ବେଆଇନ ଖନନ ବନ୍ଦ କରିବା ପାଇଁ ଦୀର୍ଘ ଦିନ ହେବ ଅନଶନରେ ବସିଥିଲେ । ସେ ଅନେକ ଥର କେନ୍ଦ୍ରମନ୍ତ୍ରୀ ଉମା ଭାରତୀ ଓ ନିତୀନ ଗଡକାରୀଙ୍କୁ ଗଙ୍ଗା ନଦୀର ସୁରକ୍ଷା କରିବା ସଂପର୍କରେ ଅବଗତ କରାଇବା ପାଇଁ ଚେଷ୍ଟା କରିଥିଲେ ମଧ୍ୟ କେହି ତାଙ୍କ କଥା କର୍ଣ୍ଣପାତ କରିନଥିଲେ । କେବଳ ଏତିକି ନୁହେଁ ସେ ବହୁ ଥର ଗଙ୍ଗା ନଦୀ ସୁରକ୍ଷା ସଂପର୍କରେ ପ୍ରଧାନମନ୍ତ୍ରୀ ଙ୍କ ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରିଥିଲେ କିନ୍ତୁ ଏହାର କୌଣସି ବି ପ୍ରଭାବ ପରିଲକ୍ଷିତ ହେଲା ନାହିଁ । ତାଙ୍କର ଏହି ଆମର ଅନଶନ ଯୋଗୁଁ ଦିନକୁ ଦିନ ତାଙ୍କ ସ୍ୱାସ୍ଥ୍ୟବସ୍ଥା ବିଗିଡିବାରେ ଲାଗିଥିଲା । ବୁଧବାର ଠାରୁ ଜଳ ନେବା ମଧ୍ୟ ତ୍ୟାଗ କରିଦେଇଥିଲେ ।
ପ୍ରକାଶ ଥାଉକି ସେ ପେଶାରେ ଜଣେ ଆଇଟି ପ୍ରଫେସର ଅଟନ୍ତି । ସ୍ୱାମୀ ସାନନ୍ଦଙ୍କ ପୂର୍ବରୁ ୨୦୧୧ ମସିହାରେ ସ୍ୱାମୀ ନିଗମାନନ୍ଦ ମଧ୍ୟ ଗଙ୍ଗା ନଦୀ ସୁରକ୍ଷାକୁ ନେଇ ଆମର ଅନଶନ ବସିଥିଲା, ଯାହା ଫଳରେ ତାଙ୍କର ମଧ୍ୟ ମୃତ୍ୟୁ ଘଟିଥିଲା ।