ଘରକୁ ବାଦୁଡ଼ି ପ୍ରବେଶ କରିବା ଦେଇଥାଏ ଏହିସବୁ ସଂକେତ, ଜାଣନ୍ତୁ କଣ?

ଶାସ୍ତ୍ରରେ ପଶୁ ପକ୍ଷୀଙ୍କ ଶୁଭ ଅଶୁଭ ସଂକେତ ସମ୍ପର୍କରେ କୁହାଯାଇଛି। ବେଳେବେଳେ ଜୀବନରେ ହେବାକୁଥିବା ଭଲ ଖରାପ ଘଟଣା ଆଡକୁ ଏହି ପଶୁ ପକ୍ଷୀ ସଂକେତ ଦେଇଥାନ୍ତି। ଘରେ ବାଦୁଡ଼ି ଦେଖାଦେଲେ କିମ୍ବା ଘର ଭିତରକୁ ବାଦୁଡ଼ି ପ୍ରବେଶ କଲେ ଜୀବନରେ ଏହାର କଣ ପ୍ରଭାବ ପଡିଥାଏ ଆସନ୍ତୁ ଜାଣିବା।

ଘରେ ବାଦୁଡ଼ି ଦେଖାଦେବ କିମ୍ବା ଘର ଭିତରକୁ ପ୍ରବେଶ କରିବା ଶୁଭ କୁହାଯାଏ ନାହିଁ। ଏହା ଅନେକ ପ୍ରକାର ସମସ୍ୟା ସମ୍ପର୍କରେ ସଂକେତ ଦେଇଥାନ୍ତି। ସେଥିପାଇଁ ଘରେ ବାଦୁଡ଼ି ଦେଖାଦେଲେ ସତର୍କ ରହିବା ଉଚିତ। କାରଣ ଏହା ଘରର ସକାରାତ୍ମକ ଶକ୍ତିକୁ ପ୍ରଭାବିତ କରିଥାଏ। ଏହାସହ ଧନ ସମ୍ବନ୍ଧୀୟ ସମସ୍ୟାର ମଧ୍ୟ ସଂକେତ ଦେଇଥାଏ।

ବାସ୍ତୁ ଶାସ୍ତ୍ର ଅନୁସାରେ ନକାରାତ୍ମକ ଶକ୍ତି ଯୋଗୁଁ ଘରର ବାସ୍ତୁ ପ୍ରଭାବିତ ହୋଇଥାଏ। ଘରେ ବାଦୁଡ଼ି ପ୍ରବେଶ କଲେ ଘରେ ନକାରାତ୍ମକ ଶକ୍ତି ବୃଦ୍ଧି ପାଇଥାଏ। ପୁରାଣରେ ମଧ୍ୟ ବାଦୁଡ଼ି ସମ୍ପର୍କରେ କୁହାଯାଇଛି। ବାଦୁଡ଼ିକୁ ପୁରାଣରେ ମଧ୍ୟ ଅଶୁଭ ପକ୍ଷୀ ବୋଲି କୁହାଯାଇଛି। ଘରକୁ ବାଦୁଡ଼ି ଆସିବା ଅଶୁଭ ବୋଲି କୁହାଯାଏ।

ଘରକୁ ବାଦୁଡ଼ି ପ୍ରବେଶ କରିବା ଆର୍ଥିକ ସମସ୍ୟା ଆଡକୁ ମଧ୍ୟ ଇସାରା କରିଥାଏ। ଋଣ ସମସ୍ୟା, ଧନ ହାନି ଆଦି ହୋଇଥାଏ। ଯଦି ଘରକୁ ପ୍ରତିଦିନ ବାଦୁଡ଼ି ପ୍ରବେଶ କରୁଥାଏ ତାହେଲେ ଏହାକୁ ଗମ୍ଭୀରତାର ସହ ଗ୍ରହଣ କରିବା ଉଚିତ। ଧନ ସମ୍ବନ୍ଧରେ ବିଶେଷ ସତର୍କ ରହିବା ଉଚିତ।

ଘରେ ବାଦୁଡ଼ି ଦେଖାଦେଲେ ପରିବାର ସଦସ୍ୟଙ୍କ ମଧ୍ୟରେ ବିବାଦ ଓ କଳହ ଦେଖାଦେଇଥାଏ। ଦାମ୍ପତ୍ୟ ଜୀବନରେ ମଧ୍ୟ ସମସ୍ୟା ନେଇ ସଂକେତ ଦେଇଥାଏ। ଏହା ଗମ୍ଭୀର ରୋଗର ମଧ୍ୟ ସଂକେତ ଦେଇଥାଏ। ବିଜ୍ଞାନ ଅନୁଯାୟୀ, ବାଦୁଡ଼ି ପରରେ ଅନେକ ପ୍ରକାର ଘାତକ ବ୍ୟାକ୍ଟେରିଆ ରହିଥାଏ ଯାହାଦ୍ୱାରା ସଂକ୍ରମଣ ବ୍ୟାପିବାର ଆଶଙ୍କା ରହିଥାଏ। ସେଥିପାଇଁ ଘରେ ବାଦୁଡ଼ି ପ୍ରବେଶ କଲେ ଘରକୁ ସ୍ୱଚ୍ଛ କରିବା ଉଚିତ। ତେବେ ବାଦୁଡ଼ିକୁ ମଧ୍ୟ ହାନି ପହଞ୍ଚାଇବା ଉଚିତ ନୁହେଁ।