ଆଖିତଳ କଳା ଦାଗକୁ ନେଇ ଚିନ୍ତିତ କି ? ଅଳ୍ପ ଦିନରେ ମିଳିବ ମୁକ୍ତି, କରନ୍ତୁ ଏହି ଉପାୟ

ସମୟ ସହିତ ଜୀବନଶୈଳୀ ସମ୍ପୂର୍ଣ୍ଣ ବଦଳି ଯାଇଛି । ଆମେ ଆମ ଜୀବନର ଅଧିକ ସମୟ ଲାପଟପ୍ କିମ୍ବା ମୋବାଇଲରେ ବିତାଇଥାଉ । ଯେଉଁଥିପାଇଁ ଡାର୍କ ସର୍କଲର ସମସ୍ୟା ଦିନକୁ ଦିନ ବଢିବାରେ ଲାଗିଛି । ସାଧାରଣ ଦିନରେ ଏହା ହୃଦୟଙ୍ଗମ ହୁଏ ନାହିଁ, କିନ୍ତୁ ଯେତେବେଳେ କୌଣସି ବିବାହ, ପାର୍ଟି କିମ୍ବା କାର୍ଯ୍ୟକୁ ଯିବାକୁ ପଡେ, ତେବେ ଏହି ସମସ୍ୟା ଚିନ୍ତା ବଢାଇଥାଏ । ତେବେ ଚାଲନ୍ତୁ ଜାଣିବା ଏପରି କିଛି ବ୍ୟୁଟି ହ୍ୟାକ୍ ଯାହା ଡାର୍କ ସର୍କଲ ପରି ସମସ୍ୟାରୁ ମୁକ୍ତି ଦେବ ।

୧. ବାଦାମ ତେଲ- ବାଦାମ ତେଲକୁ ରାତିରେ ଶୋଇବା ପୂର୍ବରୁ ପ୍ରତିଦିନ ଆଖି ତଳେ ମାଲିସ୍ କରନ୍ତୁ । କିଛି ଦିନ ମଧ୍ୟରେ ଆପଣ ଏହାର ଫଳାଫଳ ଦେଖିବେ ।

୨. କଞ୍ଚା କ୍ଷୀର- ଆପଣ ଯେକୌଣସି ସମୟରେ କଞ୍ଚା କ୍ଷୀର ପ୍ରୟୋଗ କରିପାରିବେ । ସକାଳେ କିମ୍ବା ରାତିରେ ଶୋଇବା ପୂର୍ବରୁ ପ୍ରତିଦିନ ୧୫ ମିନିଟ୍ ପାଇଁ ଆଖି ତଳେ କଞ୍ଚା କ୍ଷୀର ଲଗାନ୍ତୁ । ୧ ମାସ ପାଇଁ ଏହା ଜାରି ରଖନ୍ତୁ । ୧୫ ଦିନ ପରେ ଏହି ସମସ୍ୟା ଦୂର ହୋଇଯିବ ।

୩. ଗ୍ରୀନ୍ ଟି – ଗ୍ରୀନ୍ ଟି ର ଅନେକ ଉପକାରିତା ରହିଛି । ଏହାକୁ ପିଇବା ଦ୍ୱାରା ମୋଟାପଣ ଦୂର ହୋଇଥାଏ । ଅନ୍ୟ ପଟେ, ଯଦି ଆପଣ ଡାର୍କ ସର୍କଲ ସମସ୍ୟା ସହ ସଂଘର୍ଷ କରୁଛନ୍ତି, ତେବେ ଆପଣ ଆଖିରେ ଗ୍ରୀନ୍ ଟି ରଖିପାରିବେ, କିଛି ଦିନ ମଧ୍ୟରେ ଏହା ଡାର୍କ ସର୍କଲରୁ ମୁକ୍ତି ଦେବ ।

୪. କାକୁଡି – ଏଥିରେ ୯୦ ରୁ ୯୩ ପ୍ରତିଶତ ଜଳର ମାତ୍ରା ରହିଥାଏ । ଏହାକୁ ଆଖିରେ ରଖିବା ଦ୍ୱାରା ଡାର୍କ ସର୍କଲ୍ ସମସ୍ୟା ଦୂର ହୋଇଥାଏ ।

୫. ଅଲିଭ୍ ଅଏଲ୍- ରାତିରେ ଶୋଇବା ପୂର୍ବରୁ ପ୍ରତିଦିନ ହାଲୁକା ହାତରେ ଅଲିଭ୍ ଅଏଲ୍ ଆଖି ତଳେ ମାଲିସ୍ କରନ୍ତୁ । ଧ୍ୟାନ ଦେବେ ଯେପରି ତେଲ ଆଖି ଭିତରେ ନଲାଗେ । ଏହାକୁ ଲଗାଇବା ଦ୍ୱାରା ଡାର୍କ ସର୍କଲର ସମସ୍ୟାରୁ ମୁକ୍ତି ମିଳିବ ।