ଲୋକପ୍ରିୟ ଫେସନ୍ ବ୍ରାଣ୍ଡ୍ ଗ୍ୟାପ୍କୁ ଭାରତ ଆଣିବା ପାଇଁ ରିଲାଏନ୍ସ ରିଟେଲ୍ ପକ୍ଷରୁ ଗ୍ୟାପ୍ ଆଇଏନ୍ସି ସହ ସହଯୋଗିତା ସ୍ଥାପନ
ଭୁବନେଶ୍ୱର: ଭାରତର ସର୍ବବୃହତ ରିଟେଲର ରିଲାଏନ୍ସ ରିଟେଲ୍ ଲିମିଟେଡ୍ ପକ୍ଷରୁ ଆମେରିକାର ପ୍ରସିଦ୍ଧ ଫେସନ୍ ବ୍ରାଣ୍ଡ୍ ଗ୍ୟାପ୍କୁ ଭାରତ ଆଣିବା ପାଇଁ ଗ୍ୟାପ୍ ଆଇଏନ୍ସି ସହିତ ସହଯୋଗିତା ସ୍ଥାପନ କରାଯାଇଛି । ଏହି ଦୀର୍ଘମିଆଦୀ ଫ୍ରାଂଚାଇଜି ବୁଝାମଣା ସହିତ ଭାରତରେ ସବୁ ମାଧ୍ୟମ ପାଇଁ ରିଲାଏନ୍ସ ରିଟେଲ୍ ଗ୍ୟାପ୍ର ଅଫିସିଆଲ ରିଟେଲର୍ରେ ପରିଣତ ହୋଇଛି । ସ୍ୱତନ୍ତ୍ର ବ୍ରାଣ୍ଡ୍ ଷ୍ଟୋର୍, ମଲ୍ଟି ବ୍ରାଣ୍ଡ୍ ଷ୍ଟୋର୍ ଓ ଡିଜିଟାଲ୍ କମର୍ସ ପ୍ଲାଟଫର୍ମ ଆଦିର ମିଶ୍ରଣ ଜରିଆରେ ଭାରତୀୟ ଗ୍ରାହକମାନଙ୍କୁ ରିଲାଏନ୍ସ ରିଟେଲ୍ ଗ୍ୟାପ୍ର ସଦ୍ୟତମ ଫେସନ ଉତ୍ପାଦ ପ୍ରଦାନ କରିବ ।
ଏହି ସହଯୋଗିତାର ଲକ୍ଷ୍ୟ ହେଉଛି ଏକ ଅଗ୍ରଣୀ କାଜୁଆଲ ଲାଇଫ୍ଷ୍ଟାଇଲ୍ ବ୍ରାଣ୍ଡ୍ ଭାବେ ଗ୍ୟାପ୍ର ରହିଥିବା ସ୍ଥିତିକୁ ବ୍ୟବହାର କରିବା ଏବଂ ଦୃଢ଼ ଓମ୍ନି ଚ୍ୟାନେଲ ନେଟ୍ୱର୍କର ପରିଚାଳନା ଏବଂ ସ୍ଥାନୀୟ ଉତ୍ପାଦକୁ ବ୍ୟାପକ କରିବା ଏବଂ ସୋର୍ସିଂ ଦକ୍ଷତାକୁ ବଢ଼ାଇବାରେ ରିଲାଏନ୍ସ ରିଟେଲ୍ର ଦକ୍ଷତା ପ୍ରତିଷ୍ଠା କରିବା । ୧୯୬୯ରେ ସାନ୍ଫ୍ରାନ୍ସିସ୍କୋରେ ଗ୍ୟାପ୍ ସ୍ଥାପିତ ହୋଇଥିଲା ଯାହା ଡେନିମ୍ ଐତିହ୍ୟକୁ ବଜାୟ ରଖିଛି ଏବଂ ସମଗ୍ର ବିଶ୍ୱରେ ଅନଲାଇନ୍ ଏବଂ କଂପାନି ପରିଚାଳିତ ଓ ଫ୍ରାଂଚାଇଜି ରିଟେଲ୍ ଷ୍ଟୋର୍ ଜରିଆରେ ଗ୍ରାହକଙ୍କ ସହିତ ଯୋଡ଼ିହୋଇରହିଛି । କେବଳ ପୋଷାକ ବିକ୍ରି କରିବାଠାରୁ ଆହୁରି ଆଗକୁ ବଢ଼ି ବ୍ୟକ୍ତିବିଶେଷ, ପିଢ଼ି ଓ ସଂସ୍କୃତି ମଧ୍ୟରେ ରହିଥିବା ଅନ୍ତରକୁ ଏହା ଆମେରିକା ଷ୍ଟାଇଲ୍ର ଭାବ ଜରିଆରେ ଦୂର କରି ସଂସ୍କୃତିକୁ ଆକାର ପ୍ରଦାନ କରୁଛି । ରିଲାଏନ୍ସ ରିଟେଲ୍ ବ୍ରାଣ୍ଡ୍ର ଯୁବସୁଲଭ, ପୁରୁଷ, ମହିଳା ଓ ଶିଶୁଙ୍କ ପାଇଁ ଉତ୍କୃଷ୍ଟ ଫେସନ୍ ପ୍ରଦାନ କରି ଭାରତରେ ଗ୍ରାହକମାନଙ୍କୁ ଗ୍ୟାପ୍ର ସପିଙ୍ଗ ଅନୁଭୂତି ପ୍ରଦାନ କରିବ ।
“ରିଲାଏନ୍ସ ରିଟେଲ୍ରେ ଆମେ ଆମର ଗ୍ରାହକଙ୍କ ପାଇଁ ସଦ୍ୟତମ ଓ ଶ୍ରେଷ୍ଠ ଫେସନ୍ ଆଣୁଥିବାରୁ ଗର୍ବିତ ମନେ କରୁଛୁ ଏବଂ ଆମର ଫେସନ ଓ ଲାଇଫଷ୍ଟାଇଲ୍ ପୋର୍ଟଫୋଲିଓରେ ଆମେରିକୀୟ ବ୍ରାଣ୍ଡ୍ ଗ୍ୟାପ୍କୁ ସାମିଲ କରିବା ବିଷୟରେ ଘୋଷଣା କରି ବେଶ ଖୁସି ଅନୁଭବ କରୁଛୁ । ଆମର ବିଶ୍ୱାସ ରହିଛି ଯେ ନିଜର ଗ୍ରାହକମାନଙ୍କ ପାଇଁ ଶିଳ୍ପର ଅଗ୍ରଣୀ ଫେସନ୍ ଉତ୍ପାଦ ଓ ରିଟେଲ୍ ଅନୁଭୂତି ଆଣିବା ଲାଗି ରିଲାଏନ୍ସ ଓ ଗ୍ୟାପ୍ ପରସ୍ପରର ଲକ୍ଷ୍ୟ ହାସଲରେ ସହଭାଗୀ ହେବେ ବୋଲି ରିଲାଏନ୍ସ ରିଟେଲ୍ ଲିମିଟେଡ୍ର ଫେସନ୍ ଓ ଲାଇଫ୍ଷ୍ଟାଇଲ ସିଇଓ ଅଖିଳେଶ ପ୍ରସାଦ କହିଛନ୍ତି ।’’
“ପ୍ରମୁଖ ଆନ୍ତର୍ଜାତିକ ବଜାରରେ ଗ୍ୟାପ୍ର ବ୍ୟବସାୟ ବଢ଼ାଇବାକୁ ଆମେ ଚାହୁଛୁ ବୋଲି ଗ୍ୟାପ୍ ଆଇଏନ୍ସିର ଆନ୍ତର୍ଜାତିକ ପରିଚାଳନା ନିର୍ଦେଶକ (ଗ୍ଲୋବାଲ ଲାଇସେନ୍ସିଂ ଆଣ୍ଡ୍ ହୋଲ୍ସେଲ୍) ଆଡ୍ରିଏନି ଗର୍ନାଡ୍ କହିଛନ୍ତି । ଭାରତରେ ରିଲାଏନ୍ସ ରିଟେଲ୍ ଭଳି ଅଗ୍ରଣୀ ସଂସ୍ଥା ସହିତ ସହଯୋଗିତା ସ୍ଥାପନ ଆମକୁ ଆମର ଉପଯୋଗୀ, ଉଦ୍ଦେଶ୍ୟ ଅନୁସାରେ ଆଗକୁ ବଢ଼ୁଥିବା ବ୍ରାଣ୍ଡ୍କୁ ସାରା ବିଶ୍ୱର ଗ୍ରାହକଙ୍କ ନିକଟରେ ପହଂଚାଇବା ସହିତ ଆମର ସହଯୋଗୀ ଭିତିକ ମଡେଲ୍ ଜରିଆରେ ଆମର ବ୍ୟବସାୟ ପୋର୍ଟଫୋଲିଓରେ ବିବିଧତା ଜାରି ରଖିବାରେ ସହାୟକ ହେବ ।’’
Comments are closed.