ସମୁଦ୍ରରେ ଖେଳୁଥିବାର ଦେଖିବାକୁ ମିଳିଲା ଦୁର୍ଲଭ ପିଙ୍କ ଡଲଫିନ, ଭିଡିଓ ଦେଖିଲେ ଆପଣ ବି ଫେରାଇ ପାରିବେନି ଆଖି

ସମୁଦ୍ର ଜଗତ ସାଧାରଣ ଜଗତଠାରୁ ବହୁତ ଭିନ୍ନ । ସେଠାରେ ଥିବା ଉଦ୍ଭିଦ, କୀଟ, ପ୍ରାଣୀ ସବୁ ସାଧାରଣ ଜଗତଠାରୁ ଭିନ୍ନ । ସୋସିଆଲ ମିଡିଆରେ ଡଲଫିନ୍‌ର ସୁନ୍ଦର ଭିଡିଓ ବହୁତ ଭାଇରାଲ ହେବାରେ ଲାଗିଛି । ଏହି ଭିଡିଓ ଦେଖି ଲୋକମାନେ ଆଶ୍ଚର୍ଯ୍ୟ ହେବା ସହ ଲାଇକ୍ ବି କରୁଛନ୍ତି । ଆଉ କେହି କେହି କହୁଛନ୍ତି ଥରେ ଦେଖିଲେ ବୁଝୁନି ମନ ।

ସୋସିଆଲ ମିଡିଆ ସାଇଟ୍ ଟ୍ୱିଟରରେ ଡଲଫିନମାନଙ୍କର ଅନେକ ଭିଡିଓ ଭାଇରାଲ୍ ହୋଇଛି । କିନ୍ତୁ ଏହି ଭିଡିଓରେ ଡଲଫିନ୍ ଖେଳ କିନ୍ତୁ ପୂରା ଅଲଗା । ଆଇଏଫଏସ୍ ଅଧିକାରୀ ସୁଜନ୍ତା ନନ୍ଦା ତାଙ୍କ ଟ୍ୱିଟର ଆକାଉଣ୍ଟରେ ଡଲଫିନ୍‌ର ଏହି ଭିଡିଓ ସେୟାର କରିଛନ୍ତି । ପୂର୍ବରୁ ନିଶ୍ଚିତ ଭାବରେ କଳା କିମ୍ବା ନୀଳ ଡଲଫିନ୍ ଦେଖିଥିବେ, କିନ୍ତୁ ଏହି ଭିଡିଓରେ ଦେଖାଯାଇଥିବା ଡଲଫିନ୍ ଗୋଲାପୀ ରଙ୍ଗର ।

If you haven’t seen a pink dolphin💕
(Credit in the video) pic.twitter.com/PBZWfmosm0

— Susanta Nanda IFS (@susantananda3) August 19, 2021

ଡଲଫିନମାନେ ବହୁତ ବନ୍ଧୁତ୍ୱପୂର୍ଣ୍ଣ ପ୍ରାଣୀ ଭାବରେ ବିବେଚନା କରାଯାଏ । ଏହି ଭିଡିଓରେ ମଧ୍ୟ ଗୋଲାପୀ ଡଲଫିନ୍ ପାଣିରେ ପିଲାମାନଙ୍କ ପରି ଖେଳୁଥିବା ଦେଖିବାକୁ ମିଳୁଛି । ଏପର୍ଯ୍ୟନ୍ତ ୪୬ ହଜାରରୁ ଅଧିକ ସୋସିଆଲ ମିଡିଆ ବ୍ୟବହାରକାରୀ ଏହି ଭାଇରାଲ ଭିଡିଓ ଦେଖିସାରିଲେଣି । ମନ୍ତବ୍ୟରେ, ଲୋକମାନେ କହିଛନ୍ତି ଯେ ସେମାନେ ଏପର୍ଯ୍ୟନ୍ତ ଗୋଲାପୀ ଡଲଫିନ୍ ଦେଖିନଥିଲେ । ସମସ୍ତେ ଆଶ୍ଚର୍ଯ୍ୟ ପ୍ରକଟ କରୁଛନ୍ତି।