କେବେ କୁଲି ଭାବରେ କାମ କରୁଥିଲେ ରଜନୀକାନ୍ତ, ଏହି ବନ୍ଧୁଙ୍କ ଯୋଗୁଁ ଆଜି ହୋଇଛନ୍ତି ସୁପରଷ୍ଟାର

ଦକ୍ଷିଣ ଭାରତର ସୁପରଷ୍ଟାର ରଜନୀକାନ୍ତ ୧୨ ଡିସେମ୍ବର ୧୯୫୦ ରେ ବାଙ୍ଗାଲୋରରେ ଜନ୍ମଗ୍ରହଣ କରିଥିଲେ। ତାଙ୍କ ପ୍ରତି ଲୋକମାନଙ୍କର କ୍ରେଜ୍ ଏତେ ଅଧିକ ଯେ ସେମାନେ ତାଙ୍କୁ ‘ଭଗବାନ’ ବୋଲି ମାନନ୍ତି | କୁଲିରୁ ସୁପରଷ୍ଟାର ହୋଇଥିବା ରଜନୀକାନ୍ତ କେବେ ମଧ୍ୟ ଏପର୍ଯ୍ୟନ୍ତ ପହଞ୍ଚି ପାରିନଥାନ୍ତେ ଯଦି ତାଙ୍କ ବନ୍ଧୁ ରାଜ ବାହାଦୂର ଅଭିନେତା ହେବାର ତାଙିକ ସ୍ୱପ୍ନକୁ ବଞ୍ଚାଇ ରଖିନଥାନ୍ତେ|

ଶିବାଜୀ ରାଓ ଗାଇକୱାଡ (ରଜନୀକାନ୍ତ) ତାଙ୍କ ପିତା ରାମୋଜି ରାଓଙ୍କ ଚାରି ସନ୍ତାନଙ୍କ ମଧ୍ୟରୁ ସାନ ଥିଲେ। ପାଞ୍ଚ ବର୍ଷ ବୟସରେ ତାଙ୍କ ମାତା ଜିଜାବାଇଙ୍କର ଦେହାନ୍ତ ହୋଇଥିଲା। ଘରେ ଅବସ୍ଥା ବହୁତ ଖରାପ ଥିଲା ଯେଉଁଥିପାଇଁ ରଜନୀକାନ୍ତଙ୍କୁ ଜଣେ କୁଲି ଭାବେ କାମ କରିବାକୁ ପଡିଥିଲା। ଯେତେବେଳେ ସେ ବଡ ହେଲେ, ସେ ବସରେ କଣ୍ଡକ୍ଟର ଭାବରେ କାମ କରିବା ଆରମ୍ଭ କଲେ |

ରଜନୀକାନ୍ତ ଜଣେ ଅଭିନେତା ହେବାକୁ ଚାହୁଁଥିଲେ। ତାଙ୍କର ଏହି ସ୍ୱପ୍ନକୁ ତାଙ୍କ ବନ୍ଧୁ ରାଜ ବାହାଦୁର ଜୀବିତ ରଖିଥିଲେ ଏବଂ ସେ ହିଁ ରଜନୀକାନ୍ତଙ୍କୁ ମାଡ୍ରାସ ଚଳଚ୍ଚିତ୍ର ପ୍ରତିଷ୍ଠାନରେ ନାମ ଲେଖାଇବାକୁ କହିଥିଲେ। ତାଙ୍କ ବନ୍ଧୁଙ୍କ ଯୋଗୁଁ ରଜନୀକାନ୍ତ ଆଗକୁ ଯାଇ ଫିଲ୍ମରେ କାମ କରିବା ଆରମ୍ଭ କଲେ।

ରଜନୀକାନ୍ତ ୧୯୭୫ ରେ ମୁକ୍ତିଲାଭ କରିଥିବା ‘ଆପୋରଭା ରାଗନାଗଲ୍’ ଚଳଚ୍ଚିତ୍ରରୁ ତାଙ୍କ କ୍ୟାରିଅର୍ ଆରମ୍ଭ କରିଥିଲେ | ତାଙ୍କ ବ୍ୟତୀତ କମଲ ହାସନ ଏବଂ ଶ୍ରୀବିଦ୍ୟାଙ୍କ ପରି ବଡ ତାରକା ମଧ୍ୟ ଏହି ଚଳଚ୍ଚିତ୍ରରେ କାମ କରିଥିଲେ। ରଜନୀକାନ୍ତ ତାଙ୍କ କ୍ୟାରିୟର ଆରମ୍ଭରେ ଅନେକ ନେଗେଟିଭ ଭୂମିକାରେ ନଜର ଆସିଥିଲେ |

ରଜନୀକାନ୍ତ ପ୍ରଥମେ ଫିଲ୍ମ ‘ଭୁଭାନ୍ ଅରୁ କେଲଭିକୁରୀ’ରେ ହିରୋ ଭୂମିକାରେ ଅଭିନୟ କରିଥିଲେ। ତାଙ୍କର ଚଳଚ୍ଚିତ୍ର ‘ବିଲା’ ବକ୍ସ ଅଫିସରେ ସୁପର ହିଟ୍ ହୋଇଥିଲା ଏବଂ ଏହା ରଜନୀକାନ୍ତଙ୍କୁ ସର୍ବସାଧାରଣଙ୍କ ଦୃଷ୍ଟି ଆକର୍ଷଣ କରିଥିଲା ​​| ୧୯୮୩ ମସିହାରେ ସେ ବଲିଉଡରେ ଡେବ୍ୟୁ କରିଥିଲେ। ତାଙ୍କର ପ୍ରଥମ ହିନ୍ଦୀ ଚଳଚ୍ଚିତ୍ର ଥିଲା ଅନ୍ଧା କାନୁନ୍ | ରଜନୀକାନ୍ତ ଏହା ପରେ ଉଚ୍ଚତାର ପାହାଚ ଚଢ଼ିଚାଲିଲେ | ଆଜି ତାଙ୍କୁ ଦକ୍ଷିଣ ଭାରତୀୟ ସିନେମାର ସବୁଠାରୁ ବଡ ତାରକା ବୋଲି କୁହାଯାଏ।