ଦିନ ମଜୁରିଆଙ୍କୁ ସହାୟତା କରିବା ପାଇଁ ଆଗକୁ ଆସିଲେ ପରିଣିତି, ୪୦୦୦ ଅଭାବୀ ପରିବାରକୁ ଖାଦ୍ୟ ଯୋଗାଇବା ପାଇଁ କରିଛନ୍ତି ବ୍ୟବସ୍ଥା

ବଲିଉଡ ଅଭିନେତ୍ରୀ ପରିଣିତି ଚୋପ୍ରା କରୋନା ଭାଇରସ ମହାମାରୀ ମଧ୍ୟରେ ଏକ ହଜାର ଦିନ ମଜୁରିଆଙ୍କୁ ସହାୟତା କରିବା ପାଇଁ ଆଗକୁ ଆସିଛନ୍ତି । କରୋନା ପ୍ରକୋପ ଯୋଗୁଁ ଦେଶରେ ବଳବତ୍ତର ରହିଥିବା ଲକ୍‌ଡାଉନ ପାଇଁ ସମସ୍ତ ଦିନ ମଜୁରିଆଙ୍କୁ ଟଙ୍କା ରୋଜଗାର କରିବା ଲାଗି ଅନେକ ବାଧାର ସମ୍ମୁଖୀନ ହେବାକୁ ପଡୁଛି । ଅନେକ ସେଲିବ୍ରିଟି ବିଭିନ୍ନ ଉପାୟରେ ଅସହାୟ, ଦୁଃଖୀ ଦରିଦ୍ର ଏବଂ ଅକ୍ଷମ ଲୋକଙ୍କୁ ସହାୟତାର ହାତ ବଢାଇଥିବାବେଳେ ଏହି ମଧ୍ୟରେ ବର୍ତ୍ତମାନ ଆଗକୁ ଆସିଛନ୍ତି ଅଭିନେତ୍ରୀ ପରିଣିତି ଚୋପ୍ରା ।
ପରିଣିତି ଦିନ ମଜୁରିଆଙ୍କୁ ସହାୟତା କରିବା ପାଇଁ ଆଗକୁ ଆସିଛନ୍ତି । ପରିଣିତ ଏକ ଅଭିଯାନରେ ଯୋଡି ହୋଇଛନ୍ତି, ଯାହା ଦ୍ୱାରା କି ଅଭାବୀ ଲୋକଙ୍କୁ ରାସନ ସାମଗ୍ରୀ ଯୋଗାଇବା ପାଇଁ ଲକ୍ଷ୍ୟ ରଖାଯାଇଛି । ପରିଣିତି ୧୦୦୦ ଦିନ ମଜୁରିଆଙ୍କ ୪୦୦୦ ପରିବାର ସଦସ୍ୟଙ୍କୁ ଖାଦ୍ୟ ଯୋଗାଇବା ପାଇଁ ବ୍ୟବସ୍ଥା କରୁଛନ୍ତି, ଯାହାକି ମହାରାଷ୍ଟ୍ର, ରାଜସ୍ଥାନ, ବିହାର ଏବଂ ତାମିଲନାଡୁରେ ଥିବା ଦିନମଜୁରିଆଙ୍କୁ ପ୍ରଦାନ କରାଯିବ । ଏହି ଅଭିଯାନରେ ସହଯୋଗ କରୁଥିବା ଶ୍ରେଷ୍ଠ ୫ ଲକି ବିଜେତାଙ୍କ ସହ ପରିଣିତ କଫି ଡେଟରେ ଯିବେ ।