ଆଳତୀ ସହ ଜଡ଼ିତ ଏହି ଉପାୟ କରନ୍ତୁ, ପାଇବେ ଶୁଭଫଳ

ହିନ୍ଦୁ ଧର୍ମର ଏକ ସାଧାରଣ ନିୟମ ରହିଛି ଯେ ପୂଜାପାଠ କରାଯିବା ସମୟରେ ଆଳତୀ ସହିତ ପୂଜା ସମ୍ପର୍ଣ୍ଣ ହୋଇଥାଏ । ଆଳତୀରେ ଦେବତାମାନଙ୍କର ନାମର ଗୁଣଗାନ ଓ ଧ୍ୟାନ କରାଯାଇଥାଏ |ଧାର୍ମିକ ଦୃଷ୍ଟିକୋଣରୁ ବିଶ୍ୱାସ କରାଯାଏ ଯେ, ଦେବତାମାନେ ଗାୟନ ପ୍ରଣାଳୀ ସହିତ ଆଳତୀରେ ଅନୁଷ୍ଠିତ ଗୀତ ଏବଂ ରୀତିନୀତିରେ ସନ୍ତୁଷ୍ଟ ହୋଇଥାନ୍ତି |ତେବେ ଦେବୀଦେବତାଙ୍କ ଆଳତୀ ସମୟରେ କିଛି ବିଶେଷ ଦିଗ ପ୍ରତି ବିଶେଷ ଧ୍ୟାନ ଦିଆଯିବା ଆବଶ୍ୟକ । ଆସନ୍ତୁ ଜାଣିବା କଣ

ତେବେ ଦେବୀଦେବତାଙ୍କ ସମ୍ବନ୍ଧ ଯେଉଁ ସଂଖ୍ୟା ସହ ରହିଛି ସେତିକି ସଂଖ୍ୟାରେ ଆଳତୀ କରିବା ଉଚିତ ବୋଲି ଶାସ୍ତ୍ରରେ ଉଲ୍ଲେଖ ରହିଛି। ଯେପରି ଭଗବାନ ବିଷ୍ଣୁଙ୍କ ସମ୍ବନ୍ଧ ୧୨ ସଂଖ୍ୟା ସହ ରହିଛି, ତାଙ୍କ ନିକଟରେ ୧୨ ଥର ଆଳତୀ କରିବା ଉଚିତ। ଭଗବାନ ସୂର୍ୟ୍ୟଙ୍କ ୭ଟି ଅଶ୍ୱ ଅନୁଯାୟୀ ତାଙ୍କର ୭ ସଂଖ୍ୟା ସହ ସମ୍ବନ୍ଧ ରହିଛି। ତେଣୁ ତାଙ୍କ ନିକଟରେ ୭ ଥର ଆଳତୀ କରିବା ଉଚିତ।

ମା’ ଦୁର୍ଗାଙ୍କର ନବମୀର ଖୁବ ମାନ୍ୟତା ରହିଛି। ତେଣୁ ତାଙ୍କ ନିକଟରେ ୯ ଥର ଆଳତୀ କରିବା ଉଚିତ। ଆଳତୀ କରିବା ପରେ ଆମେ ଆଳତୀ ଉପରେ ହାତ ବୁଲାଇ ଏହାକୁ ନିଜ ମସ୍ତକରେ ଲଗାଇଲେ ପ୍ରଭୁଙ୍କ କୃପା ଓ ଆଶୀର୍ବାଦ ପ୍ରାପ୍ତି ହୋଇଥାଏ। ମାତ୍ର ଆଳତୀ ଉପରେ ସର୍ବଦା ୩, ୫ ଓ ୭ ଥର ହାତ ବୁଲାଇ ଏହାକୁ ମସ୍ତକରେ ଲଗାଇବା ଉଚିତ। ଏହା ଖୁବ ଶୁଭଫଳ ପ୍ରଦାନ କରିଥାଏ।
ଯେକୌଣସି ଦେବାଦେବୀଙ୍କୁ ପୂଜାପାଠ କରିବା ପରେ ଶେଷରେ ଆଳତୀ କରାଯାଇଥାଏ।
– ଏକ ଥାଳିରେ ଦୀପ, ଚାଉଳ, ଫୁଲ, ଭୋଗ, କର୍ପୁର, କୁଙ୍କୁମ ଆଦି ରଖି ଆଳତୀ କରିବା ଉଚିତ।
– ଥାଳିରେ ଭିନ୍ନ ଭିନ୍ନ ବସ୍ତୁର ବିଶେଷ ମହତ୍ତ୍ୱ ରହିଛି। ମାତ୍ର ଆଳତୀ କରିବା ସମୟରେ ଭଗବାନଙ୍କ ସ୍ତୁତି ଉଚ୍ଚାରଣ କରିବା ଅତ୍ୟନ୍ତ ଆବଶ୍ୟକ।
– ସ୍ତୁତି ବିନା ଆଳତୀର ସମ୍ପନ୍ନତା ଆସି ନଥାଏ।
ଆଳତୀ ସମୟରେ ଏହି ଦିଗ ପ୍ରତି ଧ୍ୟାନ ଦିଅନ୍ତୁ-
– ପ୍ରଭୁ ବିଷ୍ଣୁଙ୍କୁ ଆଳତୀ କରିବା ସମୟରେ ହଳଦିଆ ପୁଷ୍ପ ନିଶ୍ଚୟ ଆଳତୀ ଥାଳିରେ ରଖନ୍ତୁ।
– ଦେବୀ ଓ ହନୁମାନଙ୍କୁ ଆଳତୀ କରିବା ସମୟରେ ଲାଲ ରଙ୍ଗର ପୁଷ୍ପ ରଖନ୍ତୁ।
– ପ୍ରଭୁ ଶିବଶଙ୍କରଙ୍କର ଆଳତୀ କରିବା ସମୟରେ ଫୁଲ ସହ ବେଲ ପତ୍ର ରଖନ୍ତୁ।
– ଗଣେଶଙ୍କୁ ଆଳତୀ କରିବା ସମୟରେ ଦୁବ ନିଶ୍ଚୟ ରଖନ୍ତୁ।
– ଗୃହରେ କରାଯାଉଥିବା ନିୟମିତ ଆଳତୀରେ ହଳଦିଆ ପୁଷ୍ପ ନିଶ୍ଚୟ ରଖନ୍ତୁ। ଏହା ଖୁବ ଶୁଭଫଳ ପ୍ରଦାନ କରିଥାଏ।