ଜୀବନରୁ ଆର୍ଥିକ ସମସ୍ୟାକୁ ଦୂର କରିବା ପାଇଁ ନିଶ୍ଚିତ ରଖନ୍ତୁ ଏହିସବୁ ଜିନିଷ

ପ୍ରତ୍ୟେକ ବ୍ୟକ୍ତି ଜୀବନରେ ସୁଖ ଶାନ୍ତି ଇଚ୍ଛା କରନ୍ତି। ସୁଖମୟ ଜୀବନଯାପନ କରିବା ପାଇଁ ଦିନରାତି ପରିଶ୍ରମ ମଧ୍ୟ କରନ୍ତି। ଅନେକ ସମୟରେ ଏପରି ମଧ୍ୟ ଦେଖାଯାଏ ବହୁ ପରିଶ୍ରମ କରିବା ପରେ ମଧ୍ୟ ଅର୍ଥର ଅଭାବ ହୋଇଥାଏ। ଘରେ ସୁଖଶାନ୍ତି ଓ ଆର୍ଥିକ କ୍ଷେତ୍ରରେ ବୃଦ୍ଧି ପାଇଁ ବାସ୍ତୁର ଏହି ସରଳ ଉପାୟ ପ୍ରତି ଧ୍ୟାନ ଦିଅନ୍ତୁ।
୧. ତୁଳସୀ – ବାସ୍ତୁଶାସ୍ତ୍ର ଅନୁଯାୟୀ, ଘରର ଉତ୍ତର ଦିଗରେ ତୁଳସୀ ଗଛ ଲଗାଯିବା ଉଚିତ୍ । ତୁଳସୀ ଗଛ ଲଗାଇବା ଦ୍ୱାରା ଘରେ ସକାରାତ୍ମକ ଶକ୍ତି ଆସିଥାଏ। ଏହାସହ ଘରେ ସର୍ବଦା ସୁଖଶାନ୍ତିର ବାତାବରଣ ରହିଥାଏ। ଟଙ୍କାର ଅଭାବ ହୋଇନଥାଏ।
୨. ମାଟି ହାଣ୍ଡି – ଆର୍ଥିକ ସଙ୍କଟରୁ ମୁକ୍ତି ପାଇବା ପାଇଁ ଘରେ ଏକ ମାଟିପାତ୍ରରେ ଜଳ ଭର୍ତ୍ତି କରି ଉତ୍ତର ଦିଗରେ ରଖିବା ଉଚିତ୍ । ବିଶ୍ୱାସ କରାଯାଏ ଯେ ଏହା କରିବା ଦ୍ୱାରା ଅର୍ଥର ଅଭାବ ନଥାଏ ।
୩. କ୍ରିଷ୍ଟାଲ୍ ବଲ୍ – କ୍ରିଷ୍ଟାଲ୍‍ ବଲ୍‍ ରଖିବା ଦ୍ୱାରା ମଧ୍ୟ ଘରେ ଅର୍ଥର ଅଭାବ ହୋଇନଥାଏ ।
୪. ଧାତୁ କଇଁଛ- ଏକ ଧାତୁ କଇଁଛକୁ ଘରେ ଉତ୍ତର ଦିଗରେ ରଖିବା ଶୁଭ ବୋଲି ବିବେଚନା କରାଯାଏ । କଇଁଛର ମୁହଁ ଘର ଭିତର ଆଡକୁ ରହିବା ଉଚିତ । ଏହାସହ ଘରେ ସୁଖ ଏବଂ ସମୃଦ୍ଧି ସର୍ବଦା ବଜାୟ ରଖିଥାଏ।
୫. ହାତୀ ମୂର୍ତ୍ତି- ହାତୀର ମୂର୍ତ୍ତି ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ । ଦେବୀ ଲକ୍ଷ୍ମୀଙ୍କ ଆଶୀର୍ବାଦ ପାଇବାକୁ, ଏକ ହାତୀର ମୂର୍ତ୍ତି କିମ୍ବା ଘରେ ଏକ ଯୁଗଳ ହାତୀର ମୂର୍ତ୍ତି ରଖିବା ମଧ୍ୟ ଶୁଭ ବୋଲି ବିବେଚନା କରାଯାଏ ।