ମେ’ ୨୩ରୁ ପୁରୁଷ ଏସିଆ କପ୍ ହକି, ପ୍ରଥମ ମ୍ୟାଚ୍ରେ ମୁହାଁମୁହିଁ ହେବେ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ- ପାକିସ୍ତାନ
ଆସନ୍ତା ମେ’ ମାସ ୨୩ ତାରିଖରୁ ଇଣ୍ଡୋନେସିଆର ଜାକର୍ତ୍ତାରେ ଖେଳାଯିବ ପୁରୁଷ ଏସିଆ କପ୍ ହକି । ଦୁଇଟି ପୁଲ୍ରେ ମୋଟ୍ ୮ଟି ଦଳ ସାମିଲ ହୋଇଛନ୍ତି । ପୁଲ୍ ଏ’ରେ ଭାରତ, ପାକିସ୍ତାନ, ଜାପାନ ଓ ଇଣ୍ଡୋନେସିଆ । ସେମିତି ପୁଲ୍ ବି’ରେ ମାଲେସିଆ, ଦକ୍ଷିଣ କୋରିଆ, ଓମାନ ଓ ବାଂଲାଦେଶ ରହିଛନ୍ତି ।
ପୁଲର ପ୍ରଥମ ମ୍ୟାଚ୍ରେ ଭାରତ ଚିରପ୍ରତିଦ୍ୱନ୍ଦ୍ୱୀ ପାକିସ୍ତାନକୁ ଭେଟିବ । ଏହି ମ୍ୟାଚ୍ ମେ’ ୨୩ ତାରିଖରେ ଖେଳାଯିବ । ସେହିପରି ୨୪ ତାରିଖରେ ଜାପାନ ଏବଂ ୨୬ ତାରିଖରେ ଇଣ୍ଡୋନେସିଆକୁ ଭାରତ ଭେଟିବ । ଉଭୟ ପୁଲ୍ରୁ ଦୁଇଟି ଲେଖାଏଁ ଦଳ ସୁପର-୪କୁ ଯୋଗ୍ୟତା ଅର୍ଜନ କରିବେ । ପ୍ରତିଯୋଗିତା ମେ’ ୨୩ରୁ ଆରମ୍ଭ ହୋଇ ଜୁନ ୧ ତାରିଖରେ ଶେଷ ହେବ
Comments are closed.