ଦେଶରେ କରୋନାର ଭୟାବହ ଗତି: ଗତ ୨୪ ଘଂଟା ମଧ୍ୟରେ ୮୯ ହଜାରରୁ ଅଧିକ ନୂଆ ଆକ୍ରାନ୍ତ ଚିହ୍ନଟ, ୭୧୪ ଜଣଙ୍କ ମୃତ୍ୟୁ

ଦେଶ ଏକ ବର୍ଷରୁ ଅଧିକ ସମୟ ଧରି କରୋନା ଭାଇରସ ସହ ସଂଗ୍ରାମ କରିଆସୁଛି। କରୋନା ସଂକ୍ରମଣର ଦ୍ୱିତୀୟ ଲହରୀର ଗତି ଅତ୍ୟନ୍ତ ଦ୍ରୁତ ଅଟେ, ଯେଉଁ କାରଣରୁ ଦେଶରେ ପରିସ୍ଥିତି ଭୟଭୀତ ହୋଇପଡ଼ିଛି | ଗତ ୩୪ ଘଣ୍ଟା ମଧ୍ୟରେ ୮୯,୦୦୦ରୁ ଅଧିକ ନୂତନ ରୋଗୀ ଚିହ୍ନଟ ହୋଇଛନ୍ତି। ଏଥିସହିତ କରୋନା ସଂକ୍ରମଣ ହେତୁ ୭୧୪ ରୋଗୀ ପ୍ରାଣ ହରାଇଛନ୍ତି । ସଂକ୍ରମିତ ଏହି ସଂଖ୍ୟା ଶିଖରରୁ ମାତ୍ର ନଅ ହଜାର ଦୂର | ଏହାପୂର୍ବରୁ, ସେପ୍ଟେମ୍ବର ୧୬ ରେ ସର୍ବାଧିକ ୯୭,୮୬୦ ରୋଗୀ ଚିହ୍ନଟ ହୋଇଥିଲେ, ଯାହା ପରେ ଏହି ସଂଖ୍ୟା ହ୍ରାସ ପାଇବାରେ ଲାଗିଥିଲା ।

ସ୍ୱାସ୍ଥ୍ୟ ମନ୍ତ୍ରଣାଳୟ ଦ୍ୱାରା ଶନିବାର ପ୍ରକାଶିତ ସର୍ବଶେଷ ତଥ୍ୟ ପୁଣି ଥରେ ଲୋକଙ୍କ ଚିନ୍ତା ବଢ଼ାଇଦେଇଛି | ଗତ ୨୪ ଘଣ୍ଟା ମଧ୍ୟରେ ରେକର୍ଡ ବୃଦ୍ଧି ସହିତ ୮୯,୧୨୯ ନୂତନ ରୋଗୀ ଚିହ୍ନଟ ହୋଇଛନ୍ତି ଏବଂ ୭୧୪ ରୋଗୀ କରୋନାରେ ଜୀବନ ଯୁଦ୍ଧରେ ହାରିଯାଇଛନ୍ତି। ଏହା ସହିତ ଦେଶରେ ମୋଟ ସଂକ୍ରମଣ ସଂଖ୍ୟା ୧,୨୩,୯୨,୨୬୦ କୁ ବୃଦ୍ଧି ପାଇଛି ଏବଂ କୋଭିଡରୁ ମୃତ୍ୟୁ ସଂଖ୍ୟା ୧,୬୪,୧୧୦ କୁ ବୃଦ୍ଧି ପାଇଛି। ପ୍ରକାଶଥାଉଯେ ଏହାର ପୂର୍ବ ଦିନ, ୮୧ ହଜାରରୁ ଅଧିକ ନୂତନ କରୋନା ରୋଗୀ ମିଳିଥିଲେ ଏବଂ ୪୬୯ ଜଣଙ୍କର ମୃତ୍ୟୁ ହୋଇଥିଲା।

India reports 89,129 new #COVID19 cases, 44,202 discharges, and 714 deaths in the last 24 hours, as per the Union Health Ministry.

Total cases: 1,23,92,260
Total recoveries: 1,15,69,241
Active cases: 6,58,909
Death toll: 1,64,110

Total vaccination: 7,30,54,295 pic.twitter.com/Mi4pZmf5ok

— ANI (@ANI) April 3, 2021

ଦେଶରେ କରୋନାର ପ୍ରଥମ ଲହରୀର ଶିଖର ୧୫-୧୬ ସେପ୍ଟେମ୍ବରରେ ହୋଇଥିଲା ଯେତେବେଳେ ୯୭ ହଜାରରୁ ଅଧିକ ନୂତନ ମାମଲା ରିପୋର୍ଟ ହୋଇଥିଲା। ଏହା ପରେ ଏହି ସଂଖ୍ୟା କମିବାକୁ ଲାଗିଲା | ଚଳିତ ବର୍ଷ ଫେବୃଆରୀ ୧୫ପରେ, ସଂକ୍ରମଣ ପୁଣି ଥରେ ଗତି ଲାଭ କଲା, ଯାହା ଶିଖର ସଂଖ୍ୟାକୁ ଛୁଇଁବା ପାଇଁ ଅତି ନିକଟତର | ଶୁକ୍ରବାର ଦିନ ଦେଶରେ ୮୧ ହଜାରରୁ ଅଧିକ ମାମଲା ରୁଜୁ ହୋଇଥିଲା ଏବଂ ପ୍ରତିଦିନ ଏଥିରେ ବଡ ବୃଦ୍ଧି ଘଟିବ ବୋଲି ଆଶଙ୍କା କରାଯାଉଛି।