ଶୀତଦିନେ ପ୍ରତିଦିନ ଦୁଇଟି ଖଜୁରୀ ଖାଇଲେ ମିଳିବ ଅନେକ ସ୍ୱାସ୍ଥ୍ୟ ଲାଭ

ଆଜିକାଲି ଅସୁସ୍ଥ ଜୀବନଶୈଳୀ, ଜଙ୍କ ଫୁଡ୍ ଓ ଅତ୍ୟଧିକ ଚାପ ଯୋଗୁଁ ଲୋକମାନେ ବିଭିନ୍ନ ସ୍ୱାସ୍ଥ୍ୟ ସମସ୍ୟାର ସମ୍ମୁଖୀନ ହେଉଛନ୍ତି। ଏଭଳି ପରିସ୍ଥିତିରେ ଯଦି ପ୍ରାକୃତିକ ଓ ପୌଷ୍ଟିକ ଖାଦ୍ୟକୁ ଦୈନିକ ଖାଦ୍ୟାହାରରେ ସାମିଲ କରାଯାଏ, ତେବେ ସ୍ୱାସ୍ଥ୍ୟ ସୁଧାର ହେବା ସହ ରୋଗ ପ୍ରତିରୋଧ କ୍ଷମତା ବଢ଼ିଥାଏ। ସେହିପରି ଏକ ଅଦ୍ଭୁତ ପ୍ରାକୃତିକ ଖାଦ୍ୟ ହେଉଛି ଖଜୁରୀ (Dates)।

ବିଶେଷଜ୍ଞମାନଙ୍କ ମତାନୁସାରେ, ପ୍ରତିଦିନ ମାତ୍ର ଦୁଇଟି ଖଜୁରୀ ଖାଇଲେ ଶରୀରକୁ ଅନେକ ପୋଷକତତ୍ତ୍ୱ ମିଳିଥାଏ ଓ ଅନେକ ରୋଗରୁ ରକ୍ଷା ମିଳେ।

ଶୀତକାଳରେ ଖଜୁର ଖାଇବାର ଉପକାରିତା

୧. ଶକ୍ତିର ପ୍ରାକୃତିକ ଉତ୍ସ
ଖଜୁରୀରେ ପ୍ରାକୃତିକ ସୁଗର (ଗ୍ଲୁକୋଜ୍, ଫ୍ରୁକ୍ଟୋଜ୍) ଥାଏ, ଯାହା ଶରୀରକୁ ତୁରନ୍ତ ଶକ୍ତି ଯୋଗାଏ। ଦିନ ଆରମ୍ଭରେ ଖାଲିପେଟେ ଦୁଇଟି ଖଜୁରୀ ଖାଇଲେ ଦୁର୍ବଳତା ଓ କ୍ଲାନ୍ତି ଦୂର ହୁଏ।

୨. ପଚନ ପ୍ରଣାଳୀକୁ ସୁଦୃଢ଼ କରେ
ଖଜୁରୀରେ ପ୍ରଚୁର ଫାଇବର୍ ଥାଏ, ଯାହା ପଚନ କ୍ରିୟାକୁ ଠିକ୍ ରଖିଥାଏ। ନିୟମିତ ଭାବେ ଖଜୁରୀ ଖାଇଲେ କବ୍ଜ, ଗ୍ୟାସ୍ ଓ ଅମ୍ଳତା ଭଳି ସମସ୍ୟାରୁ ମୁକ୍ତି ମିଳେ।

୩. ହୃଦୟ ସ୍ୱାସ୍ଥ୍ୟ ପାଇଁ ଉପକାରୀ
ଖଜୁରୀରେ ପୋଟାସିୟମ୍ ଓ ମ୍ୟାଗ୍ନେସିୟମ୍ ଥାଏ, ଯାହା ରକ୍ତଚାପ ନିୟନ୍ତ୍ରଣରେ ସାହାଯ୍ୟ କରେ। ଏହା ଖରାପ କଲେଷ୍ଟେରଲ୍ (LDL) କମାଇ ହୃଦରୋଗ ଆଶଙ୍କା ହ୍ରାସ କରେ।

୪. ରକ୍ତହୀନତା (Anemia) ରୋକେ
ଖଜୁରୀ ଆଇରନ୍‌ର ଏକ ଭଲ ଉତ୍ସ। ଯେଉଁମାନେ ରକ୍ତହୀନତାରେ ପୀଡ଼ିତ, ସେମାନଙ୍କ ପାଇଁ ପ୍ରତିଦିନ ଦୁଇଟି ଖଜୁରୀ ଖାଇବା ଅତ୍ୟନ୍ତ ଲାଭଦାୟକ।

୫. ମସ୍ତିଷ୍କ ଶକ୍ତି ବଢ଼ାଏ
ଖଜୁରୀରେ ଥିବା ଆଣ୍ଟିଅକ୍ସିଡେଣ୍ଟ ଓ ଭିଟାମିନ୍ B6 ମସ୍ତିଷ୍କକୁ ସୁସ୍ଥ ରଖେ। ଏହା ସ୍ମୃତିଶକ୍ତି ବୃଦ୍ଧି କରିବା ସହ ମାନସିକ ଚାପ କମାଇଥାଏ।

୬. ହାଡ଼ ଓ ଦାନ୍ତ ମଜବୁତ କରେ
ଖଜୁରୀରେ କ୍ୟାଲସିୟମ୍, ଫସଫୋରସ୍ ଓ ମ୍ୟାଗ୍ନେସିୟମ୍ ହାଡ଼ ଓ ଦାନ୍ତକୁ ମଜବୁତ କରେ। ବୃଦ୍ଧାବସ୍ଥାରେ ହାଡ଼ ଦୁର୍ବଳତା ରୋକିବାରେ ଏହା ବେଶ ସାହାଯ୍ୟକାରୀ।

ଶୀତଦିନେ ଚର୍ମରର ଯତ୍ନ ନେବା ପାଇଁ ଘରୋଇ ଟିପ୍ସ

୭. ଓଜନ ନିୟନ୍ତ୍ରଣରେ ସାହାଯ୍ୟ
ଯଦିଓ ଖଜୁରୀ ମିଠା, କିନ୍ତୁ ନିୟନ୍ତ୍ରିତ ମାତ୍ରାରେ (ଦୁଇଟି) ଖାଇଲେ ଭୋକ କମାଇ ଅତ୍ୟଧିକ ଖାଦ୍ୟ ସେବନରୁ ରୋକେ।

ଖଜୁରୀ କେମିତି ଖାଇବେ?
ସକାଳେ ଖାଲିପେଟେ ୨ଟି ଖଜୁରୀ

କ୍ଷୀର ସହ ଭିଜାଇ ଖାଇପାରିବେ

ବ୍ୟାୟାମ ପୂର୍ବରୁ ଏକ ପ୍ରାକୃତିକ ଏନର୍ଜି ବୁଷ୍ଟର୍ ଭାବରେ