ଆଜି କ୍ୱାଡ ଦେଶର ପ୍ରଥମ ବୈଠକ: ଭାରତ-ପ୍ରଶାନ୍ତ ମହାସାଗରରେ ସହଯୋଗ ବିଷୟରେ ଆଲୋଚନା କରିବେ ମୋଦୀ

କ୍ୱାଡ ଦେଶର ମୁଖ୍ୟ – ଭାରତ, ଆମେରିକା, ଜାପାନ ଏବଂ ଅଷ୍ଟ୍ରେଲିଆ ମଧ୍ୟରେ ପ୍ରଥମ ବୈଠକ ଶୁକ୍ରବାର ଦିନ ଅନୁଷ୍ଠିତ ହେବ। ଏହି ଭର୍ଚୁଆଲ୍ ବୈଠକରେ ଭାରତ-ପ୍ରଶାନ୍ତ ଅଞ୍ଚଳକୁ ମୁକ୍ତ, ସ୍ବତନ୍ତ୍ର ଏବଂ ସମାବେଶୀ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସହଯୋଗ ବୃଦ୍ଧି ଉପରେ ଆଲୋଚନା କରିବେ।

କ୍ବାଡ ଦେଶର ଏହି ବୈଠକ ସମସାମୟିକ ଆହ୍ବାନ ଯେପରିକି ନମନୀୟ ଯୋଗାଣ ଶୃଙ୍ଖଳା, ଉଦୀୟମାନ ତଥା ଜଟିଳ ପ୍ରଯୁକ୍ତିବିଦ୍ୟା, ସାମୁଦ୍ରିକ ସୁରକ୍ଷା ଏବଂ ଜଳବାୟୁ ପରିବର୍ତ୍ତନ ଉପରେ ମତ ବିନିମୟ କରିବାର ସୁଯୋଗ ପ୍ରଦାନ କରିବ |

ଏହି ବୈଠକରେ ଆମେରିକାର ରାଷ୍ଟ୍ରପତି ଜୋ ବିଡେନ, ଜାପାନର ପ୍ରଧାନମନ୍ତ୍ରୀ ୟୋସିହିଡେ ସୁଗା ଏବଂ ଅଷ୍ଟ୍ରେଲୀୟ ପ୍ରଧାନମନ୍ତ୍ରୀ ସ୍କଟ ମୋରିସନଙ୍କ ସହ ଆଞ୍ଚଳିକ ତଥା ବିଶ୍ବ ସ୍ତରୀୟ ପ୍ରସଙ୍ଗ ଉପରେ ଆଲୋଚନା ହେବ। ଏହି ସମୟ ମଧ୍ୟରେ କରୋନା ମହାମାରୀର ମୁକାବିଲା ତଥା ଭାରତ-ପ୍ରଶାନ୍ତ ମହାସାଗରରେ ନିରାପଦ, ସମାନ ଏବଂ ଶସ୍ତା ଟିକା ଉପଲବ୍ଧତା ଉପରେ ମଧ୍ୟ ଆଲୋଚନା କରାଯିବ।

ଚାଇନାର ଉତ୍ପାଦ ଉପରେ ନିର୍ଭରଶୀଳତା ହ୍ରାସ କରିବା ଉପରେ ଆଲୋଚନା ହେବ

ବୈଠକରେ ଚାଇନାର ଉତ୍ପାଦ ଉପରେ ନିର୍ଭରଶୀଳତା ହ୍ରାସ କରିବାର ଉଦ୍ଦେଶ୍ୟ ଉପରେ ମଧ୍ୟ ଆଲୋଚନା କରାଯିବ। ଏକ ରିପୋର୍ଟ ଅନୁଯାୟୀ, ଚୀନ୍ ବିଶ୍ୱର ବିରଳ ଧାତୁର ୬୦ ପ୍ରତିଶତ ଉତ୍ପାଦନ କରେ ଏବଂ ବଜାର ଉପରେ ଏହାର କବଜା ରହିଛି ଯାହା ବିଶ୍ବ ପାଇଁ ଯୋଗାଣ ଚିନ୍ତା ବଢ଼ାଇଥାଏ। କ୍ବାଡ ଦେଶର ଏହି ବାର୍ତାର ଉଦ୍ଦେଶ୍ୟ ହେଉଛି ନୂତନ ଉତ୍ପାଦନ ପ୍ରଯୁକ୍ତିବିଦ୍ୟା ଏବଂ ବିକାଶ ପ୍ରକଳ୍ପର ଆର୍ଥିକ ସହଯୋଗରେ ଏହାକୁ ପ୍ରତିହତ କରିବା |