କରୋନାର ପ୍ରଥମ ଆୟୁର୍ବେଦିକ ଔଷଧ ପ୍ରସ୍ତୁତ, ଆଜି ପତଞ୍ଜଳି କରିବ ଏହାର ଘୋଷଣା

ବିଶ୍ୱରେ ବୃଦ୍ଧି ପାଉଥିବା କରୋନା ସଂକ୍ରମଣ ମଧ୍ୟରେ ଅନେକ ଦେଶର ବୈଜ୍ଞାନିକମାନେ ଏହାର ଉପଶମ ଖୋଜୁଛନ୍ତି। ଗୋଟିଏ ପଟେ କମ୍ପାନୀମାନେ ଏହାର ଟିକା ପ୍ରସ୍ତୁତ କରିବାରେ ଅନୁସନ୍ଧାନ କରୁଛନ୍ତି, ଅନ୍ୟ ପଟେ ଅନେକ କମ୍ପାନୀ ଏହାର ନିର୍ଦ୍ଦିଷ୍ଟ ତଥା ପ୍ରଭାବଶାଳୀ ଔଷଧ ତିଆରି କରିବାକୁ ଚେଷ୍ଟା କରୁଛନ୍ତି। ଏହି ସମୟରେ, ଡେକ୍ସାମେଥାସୋନ ଏବଂ ଫାବିଫ୍ଲୁ କିଛି ଆଶା ଦେଖାଇଛନ୍ତି | ଏଥି ସହିତ ବାବା ରାମଦେବଙ୍କ କମ୍ପାନୀ ପତଞ୍ଜଳି ଆୟୁର୍ବେଦ ଏହାର ପ୍ରଥମ ଆୟୁର୍ବେଦିକ ଔଷଧ ଥିବା ଦାବି କରିଛି ଯାହା କମ୍ପାନୀ ମଙ୍ଗଳବାର ଦିନ ଘୋଷଣା କରିବାକୁ ଯାଉଛି। କମ୍ପାନୀର କହିବାନୁସାରେ, ସାରା ବିଶ୍ୱରେ ମହାମାରୀ ଆରମ୍ଭ ହେବା ପରଠାରୁ ଏହାର ବୈଜ୍ଞାନିକମାନେ ଏହି ଔଷଧ ପ୍ରସ୍ତୁତ କରିବାରେ ବ୍ୟସ୍ତ ଥିଲେ | ଦାବି କରାଯାଇଛି ଯେ କ୍ଲିନିକାଲ୍ ପରୀକ୍ଷା ସମୟରେ ୮୦% କରୋନା ରୋଗୀ ସ୍ୱତନ୍ତ୍ର ସୂତ୍ରରେ ନିର୍ମିତ ଏହି ଆୟୁର୍ବେଦିକ ଔଷଧ ଦ୍ୱାରା ଆରୋଗ୍ୟ ଲାଭ କରିଛନ୍ତି।

ଏହି ସୂଚନା ପତଞ୍ଜଳି ଆୟୁର୍ବେଦ ସିଇଓ ଆଚାର୍ଯ୍ୟ ବାଲକ୍ରିଷ୍ଣାଙ୍କ ଫେସବୁକ୍ ପେଜରେ ସେୟାର କରାଯାଇଛି। ମଙ୍ଗଳବାର ଦିନ ଅପରାହ୍ନ ୧୨ ଟାରେ ହରିଦ୍ୱାରର ପତଞ୍ଜଳି ଯୋଗପୀଠରେ ଆଚାର୍ଯ୍ୟ ବାଲକ୍ରିଷ୍ଣା ଏହାର ଶୁଭାରମ୍ଭ କରିବେ। ଏହି ଅବସରରେ ବାବା ରାମଦେବ ମଧ୍ୟ ଉପସ୍ଥିତ ରହିବେ।

Proud launch of first and foremost evidence-based ayurvedic medicine for #corona contagion, #SWASARI_VATI, #CORONIL, is scheduled for tomorrow at 12 noon from #Patanjali Yogpeeth Haridwar🙏🏻 pic.twitter.com/K7uU38Kuzl

— Acharya Balkrishna (@Ach_Balkrishna) June 22, 2020

ପତଞ୍ଜଳି ଯୋଗପୀଠ ଦ୍ବାରା ସୋମବାର ଦିନ ସଂନ୍ଧ୍ୟାରେ ଜାରି କରାଯାଇଥିବା ସୂଚନାରେ କୁହାଯାଇଥିଲା ଯେ ସ୍ବାମୀ ରାମଦେବ ଏବଂ ଆଚାର୍ଯ୍ୟ ବାଲକ୍ରିଷ୍ଣା କରୋନା ଭାଇରସ ଚିକିତ୍ସା ପାଇଁ ଔଷଧ ତିଆରି କରିବାରେ ସଫଳତା ବାଣ୍ଟିବେ। ଏହି ଔଷଧ ମଙ୍ଗଳବାର ଦିନ ପ୍ରକାଶ ପାଇବ। ଏହି ପରୀକ୍ଷଣରେ ଜଡିତ ବୈଜ୍ଞାନିକ, ଅନୁସନ୍ଧାନକାରୀ ଏବଂ ଡାକ୍ତରଙ୍କ ଦଳ ମଧ୍ୟ ଉପସ୍ଥିତ ରହିବେ।

ସୂଚନା ଅନୁଯୀୟୀ କରୋନାର ଆୟୁର୍ବେଦିକ ଔଷଧ ତିଆରି କରିବା ପାଇଁ ଜୟପୁରର ପତଞ୍ଜଳି ଅନୁସନ୍ଧାନ ପ୍ରତିଷ୍ଠାନ (PRI) ଏବଂ ହରିଦ୍ୱାର ଏବଂ ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ ସାଇନ୍ସ (NIMS) ମିଳିତ ଭାବେ ଏହି ଅନୁସନ୍ଧାନ କରିଛନ୍ତି। ମିଳିଥିବା ସୂଚନା ଅନୁଯାୟୀ, ଏହି ଔଷଧଟି ଦିବ୍ୟା ଫାର୍ମାସି, ହରିଦ୍ୱାର ଏବଂ ପତଞ୍ଜଳି ଆୟୁର୍ବେଦ ଲିମିଟେଡ୍, ହରିଦ୍ୱାର ଦ୍ୱାରା ପ୍ରସ୍ତୁତ କରାଯାଉଛି।

ଆଚାର୍ଯ୍ୟ ବାଲକୃଷ୍ଣଙ୍କ ଅନୁଯାୟୀ, ପତଞ୍ଜଳି ଦ୍ୱାରା ପ୍ରସ୍ତୁତ ଏହି ବିଶେଷ ଔଷଧ କେବଳ ପରୀକ୍ଷଣ କରାଯାଇ ନାହିଁ, ବରଂ ଏହା ସମ୍ପୂର୍ଣ୍ଣ ରୂପେ ପ୍ରସ୍ତୁତ ହୋଇସାରିଛି। ସେ କହିଛନ୍ତି ଯେ ପ୍ରାୟ ୮୦ ପ୍ରତିଶତ ରୋଗୀଙ୍କ ମଧ୍ୟରେ ଭଲ ଫଳାଫଳ ଦେଖିବାକୁ ମିଳିଛି। ଏହି ଔଷଧ ଦ୍ୱାରା ଏକ ହଜାରରୁ ଅଧିକ ରୋଗୀ ଆରୋଗ୍ୟ ଲାଭ କରିଛନ୍ତି।

କରୋନାର ଏହି ଔଷଧରେ ସମସ୍ତ ପ୍ରକାରର ଔଷଧୀୟ ଏବଂ ଆୟୁର୍ବେଦିକ ଉପାଦାନର ବ୍ୟବହାର କରାଯାଇଛି | ପତଞ୍ଜଳି ବୈଜ୍ଞାନିକମାନେ ଏହାକୁ ତିଆରି କରିବା ପାଇଁ ଦିନରାତି ପରିଶ୍ରମ କରିଛନ୍ତି। ଏହି ଔଷଧ କରୋନା ରୋଗୀଙ୍କୁ ବହୁତ ଆରାମ ପ୍ରଦାନ କରିବ ଏବଂ ଦେଶରେ ବଢ଼ୁଥିବା କରୋନା ସଂକ୍ରମଣ ଉପରେ ଲଗୀମ ଦେବ ବୋଲି ଆଚାର୍ଯ୍ୟ ବାଲକ୍ରିଷ୍ଣା ଆଶା ପ୍ରକଟ କରିଛନ୍ତି।