କୋଭାକ୍ସିନ ନେଇଥିବା ଲୋକ କରିପାରିବେନି ବିଦେଶ ଯାତ୍ରା ! WHO ତାଲିକାରେ ନାହିଁ ଏହି ଟିକା

କେବଳ ଦେଶରେ ନୁହେଁ ବିଶ୍ବରେ ମଧ୍ୟ କରୋନା ହଇଚଇ ସୃଷ୍ଟି କରିଛି। ଆଜି ବି କରୋନା ମହାମାରୀ ହେତୁ ଅନେକ ଦେଶ ଅନ୍ତର୍ଜାତୀୟ ଯାତ୍ରା ଉପରେ ପ୍ରତିବନ୍ଧକ ଲଗାଇଛନ୍ତି। ଯଦିଓ ଅନେକ ଦେଶ ଟୀକାକରଣ କରିଥିବା ଲୋକଙ୍କୁ ଯାତ୍ରା କରିବାକୁ ଅନୁମତି ଦେଉଛନ୍ତି ଏବଂ କିଛି ଦେଶ ଏହାକୁ ପ୍ରସ୍ତୁତ କରିବା ପ୍ରକ୍ରିୟାରେ ଅଛନ୍ତି, ଯେଉଁମାନେ ଭାରତ ବାୟୋଟେକ୍ କୋଭାକ୍ସିନ ଲଗାଇଛନ୍ତି ସେମାନଙ୍କୁ ଆଶ୍ବସ୍ତି ମିଳିବନାହିଁ ।

ଭାରତ ବାୟୋଟେକରେ ପ୍ରସ୍ତୁତ ସ୍ୱଦେଶୀ ‘କୋଭାକ୍ସିନ୍’ ଟିକା ନେଇଥିବା ଲୋକେ ଅସୁବିଧାରେ ପଡିପାରନ୍ତି । ସେମାନଙ୍କୁ ବିଦେଶ ଯାତ୍ରା ପାଇଁ ମିଳବନି ଅନୁମତି । ବିଶ୍ୱ ସ୍ୱାସ୍ଥ୍ୟ ସଂଗଠନ (WHO) ଜରୁରୀକାଳୀନ ବ୍ୟବହାର ତାଲିକାରେ ଅର୍ଥାତ୍ EULରେ ଅନ୍ତର୍ଭୂକ୍ତ ନହେବା ହେତୁ ଆପଣ ଅନ୍ୟ ଦେଶରେ ପ୍ରବେଶ କରିବାରେ ଅସୁବିଧାର ସମ୍ମୁଖୀନ ହୋଇପାରନ୍ତି । ଅନେକ ଦେଶ ଏହି ଟିକା ଗ୍ରହଣ କରୁଥିବା ଯାତ୍ରୀମାନଙ୍କ ପାଇଁ ନୀତି ଘୋଷଣା କରିଛନ୍ତି । ଏଥି ସହିତ କିଛି ଦେଶ ଶୀଘ୍ର ନୂତନ ନିୟମ ଘୋଷଣା କରିବାକୁ ଯାଉଛନ୍ତି ।

ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଅନେକ ଦେଶ କେବଳ ସେହି ଟିକାକୁ ଅନୁମତି ଦେଉଛନ୍ତି ଯାହା ସେମାନଙ୍କ ନିୟାମକ ଦ୍ୱାରା ଅନୁମୋଦିତ ହୋଇଛି କିମ୍ବା WHO ତାଲିକାରେ ଅନ୍ତର୍ଭୁକ୍ତ ହୋଇଛି । ସମ୍ପ୍ରତି ଏହି ତାଲିକାରେ କୋଭିସିଲ୍ଡ, ମଡର୍ଣ୍ଣ ଫାଇଜର, ଆଷ୍ଟ୍ରାଜେନେକା (୨), ଜେନସେନ୍ (ଯୁକ୍ତରାଷ୍ଟ୍ର ଏବଂ ନେଦରଲ୍ୟାଣ୍ଡ) ଏବଂ ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆର ସିନୋଫାରମ୍ / ବିବିପି ଅନ୍ତର୍ଭୁକ୍ତ । ସଂସ୍ଥା ଏପର୍ଯ୍ୟନ୍ତ କୋଭାକ୍ସିନକୁ EULରେ ଅନ୍ତର୍ଭୂକ୍ତ କରିନାହିଁ ।

WHO ଗାଇଡଲାଇନରେ ଦର୍ଶାଯାଇଛି ଯେ ଭାରତ ବାୟୋଟେକ୍ ଆଗ୍ରହର ଏକ ଅଭିବ୍ୟକ୍ତି ଦାଖଲ କରିଛି । କିନ୍ତୁ “ଅଧିକ ସୂଚନା ଆବଶ୍ୟକ” । WHO କହିଛି ଯେ ଏହି ବୈଠକ ମେ-ଜୁନରେ ଧାର୍ଯ୍ୟ କରାଯାଇଛି । ଏହା ପରେ କମ୍ପାନୀକୁ ଏକ ଡୋଜିୟର ଦାଖଲ କରିବାକୁ ପଡ଼ିବ ।