ସିରିୟାର ପଡ଼ୋଶୀ ଲେବାନନରେ ପରମାଣୁ ବମ ଭଳି ବିସ୍ଫୋରଣ, ୪୦୦୦ ଲୋକ ଆହତ ଓ ୭୮ ମୃତ

ଇସ୍ରାଏଲ ଏବଂ ସିରିଆର ପଡ଼ୋଶୀ ସ୍ଥିତ ଦେଶ ଲେବାନନର ରାଜଧାନୀ ବେରୁତରେ ମଙ୍ଗଳବାର ଦିନ ଏକ ବଡ଼ ଧରଣର ବିସ୍ଫୋରଣ ଘଟିଛି। ଏହି ଦୁର୍ଘଟଣାରେ ପ୍ରାୟ ୪୦୦୦ ଲୋକ ଆହତ ହୋଇଛନ୍ତି ଏବଂ ଏପର୍ଯ୍ୟନ୍ତ ଅତି କମରେ ୭୮ ଜଣଙ୍କର ମୃତ୍ୟୁ ହୋଇଛି। କିନ୍ତୁ ଆହତଙ୍କ ସଂଖ୍ୟା ବଢିପାରେ। ଏହି ବିସ୍ଫୋରଣ ଏକ ଛୋଟ ପରମାଣୁ ବୋମା ପରି ବିସ୍ଫୋରଣ ବୋଲି କୁହାଯାଉଛି।

ଡେଲି ମେଲ ରିପୋର୍ଟ ଅନୁଯାୟୀ ଏହି ବିସ୍ଫୋରଣ ବନ୍ଦର ନିକଟରେ ଥିବା ଗୋଦାମରେ ଘଟିଥିବା କୁହାଯାଉଛି ଯେଉଁଠାରେ ଜାହାଜରୁ ୨୭୫୯ ଟନ୍ ବିସ୍ଫୋରକ ସାମଗ୍ରୀ ଜବତ କରି ରଖାଯାଇଥିଲା।

ରିପୋର୍ଟ ଅନୁଯାୟୀ, ବେରୁତରେ ବିସ୍ଫୋରଣର ଆକାର ହିରୋସିମାରେ ହୋଇଥିବା ପରମାଣୁ ବିସ୍ଫୋରଣର ଏକ ପଞ୍ଚମାଂଶ ସହିତ ସମାନ ଥିଲା। ଏହି ବିସ୍ଫୋରଣରେ ପ୍ରାୟ ୩ କିଲୋଟନ୍ TNT ଶକ୍ତି ଉତ୍ପନ୍ନ ହୋଇଥିଲା |

ଲେବାନନ୍ ସରକାର କହିଛନ୍ତି ଯେ ୨୦୧୪ ରୁ ବନ୍ଦରରେ ୨,୭୫୯ ଟନ୍ ଆମୋନିୟମ୍ ନାଇଟ୍ରେଟ୍ ରଖାଯାଇଥିଲା | ବିସ୍ଫୋରଣ ଏତେ ବଡ ଥିଲା ଯେ ପ୍ରାୟ ୨୦୦ କିଲୋମିଟର ଦୂର ପର୍ଯ୍ୟନ୍ତ ଏହି ଶବ୍ଦ ଶୁଣାଯାଇଥିଲା |

ଲେବାନନ୍ ରେଡ୍ କ୍ରସର ମୁଖ୍ୟ କହିଛନ୍ତି ଯେ ଆମେ ଅନେକ ବିପର୍ଯ୍ୟୟର ସମ୍ମୁଖୀନ ହେଉଛୁ। ଚାରିଆଡ଼େ ଆହତ ଏବଂ ମୃତ ଲୋକମାନେ ପଡ଼ି ରହିଛନ୍ତି ।

ଏଥି ସହ ଲେବାନାନର ପ୍ରଧାନମନ୍ତ୍ରୀ ହାସନ ଡିଆବ କହିଛନ୍ତି ଯେ ଏହି ଘଟଣା ପାଇଁ ଯେଉଁମାନେ ଦାୟୀ ସେମାନଙ୍କୁ ଏହାର ମୂଲ୍ୟ ଦେବାକୁ ପଡିବ। ସେ ଦେଶରେ ୨ ସପ୍ତାହ ଜରୁରୀକାଳୀନ ପରିସ୍ଥିତି ଘୋଷଣା କରିଛନ୍ତି ।

ଲେବାନନ୍ ପୂର୍ବରୁ ଅର୍ଥନୈତିକ ସଙ୍କଟ ଏବଂ କରୋନା ଭାଇରସ ସହ ମୁକାବିଲା କରୁଛି। ଏଥି ସହିତ ଦୁର୍ଘଟଣା ପରେ ଆମେରିକା, ବ୍ରିଟେନ, ଫ୍ରାନ୍ସ ଏବଂ ବିରୋଧୀ ଦେଶ ଇସ୍ରାଏଲ ମଧ୍ୟ ସହାୟତା ପ୍ରଦାନ କରିଛନ୍ତି।

ଏଥି ସହିତ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବେରୁତରେ ହୋଇଥିବା ବିସ୍ଫୋରଣକୁ ଭୟଙ୍କର ଆକ୍ରମଣ ବୋଲି କହିଛନ୍ତି। ସେ କହିଛନ୍ତି ଯେ ଆମେରିକୀୟ ଜେନେରାଲ ତାଙ୍କୁ ସୂଚନା ଦେଇଛନ୍ତି ଯେ ଏହା ଏକ ପ୍ରକାର ବୋମା ଭଳି ଜଣାପଡିଛି।