କୋଭିଡ-୧୯ର ଖୁଲାସା କରିଥିବା ଚୀନର ଷଷ୍ଠ ଡାକ୍ତରଙ୍କ ମୃତ୍ୟୁ, ତ୍ୱଚା କଳା ପଡ଼ିବାରେ ଲାଗିଥିଲା

ଚୀନରେ କରୋନା ସଂକ୍ରମଣର ଖୁଲାସା କରିଥିବା ଡାକ୍ତରୀ ଦଳରେ ସାମିଲ ଥିବା ଆଉ ଜଣେ ଡାକ୍ତର ହୁ ୱିଫେଙ୍ଗର ମଧ୍ୟ କରୋନା ସଂକ୍ରମଣରେ ମୃତ୍ୟୁ ହୋଇଯାଇଛି । ସେ କରୋନାରେ ମୃତ୍ୟୁବରଣ କରିଥିବା ଏହି ଦଳର ଷଷ୍ଠ ସଦସ୍ୟ ଅଟନ୍ତି । ହୁ ୱିଫେଙ୍ଗ ଚୀନରେ କରୋନା ଭାଇରସ ବିଷୟରେ ସବୁଠାରୁ ପ୍ରଥମେ ଚେତାବନୀ ଦେଇଥିବା ହ୍ୱିଶଲେବ୍ଲୋଅର ଡାକ୍ତର ଲୀ ୱେନଲିଆଂଙ୍ଗଙ୍କ ଟିମର ଅଂଶ ଥିଲେ ।

ଚୀନ ମିଡିଆରୁ ମିଳିଥିବା ସୂଚନା ଅନୁଯାୟୀ ହୁ ୱିଫେଙ୍ଗ ଗତ ଚାରି ମାସ ହେବ କରୋନା ସଂକ୍ରମଣ ସହ ଲଢ଼ୁଥିଲେ । ଏତିତିରେ ନୀକଟରେ ଖବର ମଧ୍ୟ ଆସିଥିଲା ଯେ ତାଙ୍କ ସ୍ୱାସ୍ଥ୍ୟାବସ୍ଥା ଧିରେ ଧିରେ ଠିକ ହେଉଛି ଏବଂ ତାଙ୍କୁ ଭେଂଟିଲେଟରରୁ ବାହାରକୁ ଅଣାଯିବ । ଡାକ୍ତରଙ୍କ ମୃତ୍ୟୁ ପରଠାରୁ ଲୋକଙ୍କ ମନରେ ପ୍ରାଶାସନ ବିରୋଦ୍ଧରେ ରାଗ ଭରି ଯାଇଛି । ଚୀନରେ ଅନେକ ଲୋକ କରୋନା ବିରୁଦ୍ଧରେ ତାଙ୍କ ଯୁଦ୍ଧ ପାଇଁ ୱିଫେଙ୍ଗଙ୍କୁ ଜଣେ ହିରୋ ଭାବେ ଦେଖିବାକୁ ଲାଗିଥିଲେ । ତାଙ୍କ ମୃତ୍ୟୁ ବିଷୟରେ ଅଧିକ ସୂଚନା ଦିଆଯାଇନାହିଁ ।
କିଏ ଥିଲେ ଡାକ୍ତର ହୁ ୱିଫେଙ୍ଗ ?
ଡାକ୍ତର ୱିଫେଙ୍ଗ ଚୀନର ବୁହାନ ସେଂଟ୍ରାଲ ହସପିଟାଲରେ ଜଣେ ୟୁରୋଲୋଜିଷ୍ଟ ଭାବେ କାର୍ଯ୍ୟ କରୁଥିଲେ । ସେ ଡାକ୍ତର ଲି ୱେନେଲିଆଙ୍ଗଙ୍କର ସେହି ଦଳର ଅଂଶ ଥିଲେ, ଯାହା ଦୁନିଆକୁ କରୋନାର ପ୍ରାରମ୍ଭିକ ସୂଚନା ଦେଇଥିଲା । ବୁହାନ କରୋନା ଭାଇରସର ଗଡ଼ ଥିଲା । ଏଠାରେ ଡାକ୍ତର ୱିଫେଙ୍ଗ ଏବଂ ଡାକ୍ତର ଲି କାମ କରୁଥିଲେ ।
କରୋନା ବିଷୟରେ ଚେତାବନୀ ଦେବା ଯୋଗୁଁ ଚୀନ ସରକାର ଡାକ୍ତର ୱେନଲିଆଙ୍ଗଙ୍କୁ ଚେତାବନୀ ଦେଇ ନିଜ ମୂହଁ ବନ୍ଦ ରଖିବା ପାଇଁ ଧମକାଇଥିଲେ । ଏମିତିରେ ପରେ ସେ ହସପିଟାଲରେ ଏକ ଭିଡିଓ ମାଧ୍ୟମରେ ନିଜର କାହାଣୀ ସମ୍ପର୍କରେ ଜଣାଇଥିଲେ ।
ଚିକିତ୍ସା ସମୟରେ ଡାକ୍ତର ହୁ ୱିଫେଙ୍ଗ ଏବଂ ତାଙ୍କର ସାଥୀ କାର୍ଡିଓଲୋଜିଷ୍ଟ ୱି ଫ୍ୟାନଙ୍କର ଲିଭର କାମ କରିବା ବନ୍ଦ କରିଦେଇଥିଲା, ଯେଉଁ କାରଣରୁ ତାଙ୍କର ତ୍ୱଚାର ରଙ୍ଗ କଳା ପଡ଼ିଯାଇଥିଲା ।
ଏମିତିରେ ଚୀନରେ ସ୍ୱାସ୍ଥ୍ୟକର୍ମୀଙ୍କର ମୃତ୍ୟୁକୁ ନେଇ କୌଣସି ଆକଳନ ଦିଆଯାଇନାହିଁ, କିନ୍ତୁ ଅନୁମାନ କରାଯାଉଛି ଯେ ଭାଇରସର ପ୍ରାରମ୍ଭିକ ପର୍ଯ୍ୟାୟରେ ଡ୍ରଜନ ପାଖାପାଖି ସ୍ୱାସ୍ଥ୍ୟ କର୍ମୀ ଏହାର ବଳୟ ମଧ୍ୟକୁ ଆସିଥିଲେ । ଅନ୍ୟପଟେ ଅଧା ଡ୍ରଜନ ପାଖାପାଖି ସ୍ୱାସ୍ଥ୍ୟକର୍ମୀ ଏଥିରେ ମୃତ୍ୟୁବରଣ କରିଥିଲେ । ନୀକଟରେ ବୁହାନରେ ନୂଆ କେସ ସଂଖ୍ୟାରେ ହ୍ରାସ ଦେଖାଯାଇଛି ଏବଂ ଏକ କୋଟି ଜନସଂଖ୍ୟା ବିଶିଷ୍ଟ ଏହି ସହରକୁ ପୁଣି ଖୋଲିଦିଆଯାଇଛି ।