ଏୟାରଟେଲ୍ ପକ୍ଷରୁ ଏକ ୫ଜି ନେଟ୍ୱର୍କରେ ଭାରତର ପ୍ରଥମ କ୍ଲାଉଡ୍ ଗେମିଙ୍ଗ୍ ଅନୁଭୂତିର ପ୍ରଦର୍ଶନ
ଭୁବନେଶ୍ୱର: ଭାରତର ପ୍ରମୁଖ ଟେଲିକମ୍ୟୁନିକେଶନ୍ସ ସେବା ପ୍ରଦାତା ଭାରତୀ ଏୟାରଟେଲ୍ ଲିମିଟେଡ (“ଏୟାରଟେଲ୍”) ପକ୍ଷରୁ ଏକ ୫ଜି ପରିବେଶରେ ସଫଳତାର ସହିତ ଭାରତର ପ୍ରଥମ କ୍ଲାଉଡ୍ ଗେମିଙ୍ଗ୍ ଅଧିବେଶନର ପରିଚାଳନା କରାଯାଇଥିବା କୁହାଯାଇଛି । ଏହି ପ୍ରଦର୍ଶନକୁ ଭାରତ ସରକାରଙ୍କ ଟେଲିକମ ବିଭାଗ ଦ୍ୱାରା ଆବଂଟିତ ସ୍ପେକ୍ଟ୍ରମ୍ର ବ୍ୟବହାର କରି ଜାରି ରହିଥିବା ୫ଜି ପରୀକ୍ଷଣର ଅଂଶ ଭାବେ ମାନେସର (ଗୁଡ୍ଗାଓଁ)ଠାରେ ପରିଚାଳନା କରାଯାଇଛି । ୫ଜି କ୍ଲାଉଡ୍ ଗେମିଙ୍ଗ୍ ପ୍ରଦର୍ଶନ ପାଇଁ, ଏୟାରଟେଲ୍ ଭାରତର ଦୁଇ ଜଣ ପ୍ରମୁଖ ଗେମର୍- ମୋର୍ଟାଲ (ନମନ୍ ମାଥୁର) ଓ ମାମ୍ବା (ସଲ୍ମାନ ଅହମ୍ମଦ)ଙ୍କ ସହିତ ସହଭାଗିତା କରିଛି । ଏକ ଅତ୍ୟଧିକ ଦ୍ରୁତ ଓ ଅଲ୍ଟ୍ରା-ଲୋ ଲାଟେନ୍ସି ୫ଜି ପରିବେଶରେ ସେମାନଙ୍କର ଗେମିଙ୍ଗ୍ ଦକ୍ଷତାକୁ ପରୀକ୍ଷଣ କରିବା ପାଇଁ ବ୍ଲାକ୍ନଟ୍ରୁ ଗେମିଙ୍ଗ ଟେକ୍ନୋଲୋଜି ପ୍ଲାଟ୍ଫର୍ମର ବ୍ୟବହାର କରି ମୋର୍ଟାଲ୍ ଓ ମାମ୍ବାଙ୍କ ପାଇଁ ଆସ୍ଫାଲ୍ଟରେ ଏକ ସ୍ପ୍ରିଂଟ୍ ରେସିଙ୍ଗ ଚ୍ୟାଲେଞ୍ଜ୍ର ଉନ୍ମୋଚନ କରାଯାଇଥିଲା ।
ନିଜର ଅନୁଭୂତି ସମ୍ପର୍କରେ ବର୍ଣ୍ଣନା କରି ମୋର୍ଟାଲ ଓ ମାମ୍ବା କହିଛନ୍ତିଯେ, “ ଆମେ ସମ୍ପୂର୍ଣ୍ଣ ରୂପେ ଆଶ୍ଚର୍ଯ୍ୟଚକିତ ହୋଇଥିଲୁ । ଏହା ଏକ ସ୍ମାର୍ଟଫୋନ୍ରେ ଏକ ହାଇ ଏଣ୍ଡ୍ ପିସି ଓ କନ୍ସୋଲ୍-କ୍ୱାଲିଟିର ଗେମିଙ୍ଗ୍ ଅନୁଭୂତି ଥିଲା । ଆମେ ବିଶ୍ୱାସର ସହ କହିପାରିବୁ ଯେ, ୫ଜି ବାସ୍ତବରେ ଭାରତରେ ଅନ୍ଲାଇନ୍ ଗେମିଙ୍ଗ୍ ପରିଦୃଶ୍ୟକୁ ଉନ୍ମୁକ୍ତ କରିବ ଏବଂ ଭାରତରୁ ଗେମ୍ଗୁଡିକୁ ନିର୍ମାଣ ଓ ପ୍ରକାଶନ କରିବାର ସୁଯୋଗ ସୃଷ୍ଟି କରି ଏହାକୁ ବିସ୍ତାର କରିବ ଏବଂ ଛୋଟ ସହରଗୁଡିକରୁ ଅନେକ ପ୍ରତିଭାଶାଳୀ ଗେମର୍ମାନଙ୍କୁ ମୁଖ୍ୟସ୍ରୋତକୁ ଆଣିବ । ଆମକୁ ଏହି ଚମତ୍କାର ସୁଯୋଗ ଦେଇଥିବାରୁ ଏୟାରଟେଲ୍କୁ ଧନ୍ୟବାଦ ।”
ମୋର୍ଟାଲ ଓ ମାମ୍ବା ୩୫୦୦ ଏମ୍ଏଚ୍ଜେଡ୍ ହାଇ କାପାସିଟି ସ୍ପେକ୍ଟ୍ରମ୍ ବ୍ୟାଣ୍ଡ ସହ କନେକ୍ଟେଡ୍ ଥିବା ସ୍ମାର୍ଟଫୋନ୍ରେ ଏହି ରୋଚକପୂର୍ଣ୍ଣ ଅଧିବେଶନକୁ ଉପଭୋଗ କରିଥିଲେ । ଏହି ୫ଜି ଟେଷ୍ଟ୍ ନେଟ୍ୱର୍କ ୧ ଜିବିପିଏସ୍ରୁ ଅଧିକ ବେଗ ଓ ୧୦ ମିଲିସେକେଣ୍ଡର ରେଞ୍ଜ୍ରେ ଲାଟେନ୍ସି ପ୍ରଦାନ କରୁଛି । କ୍ଲାଉଡ୍ ଗେମିଙ୍ଗ୍ ଉପଭୋକ୍ତାଙ୍କୁ ବିନା ଡାଉନ୍ଲୋଡ୍ରେ କିମ୍ବା ଗେମିଙ୍ଗ୍ ହାର୍ଡୱେୟାର୍ରେ ନିବେଶ ନକରି ବାସ୍ତବ ସମୟରେ ଗେମ୍ ଷ୍ଟ୍ରିମ୍ କରିବା ଓ ଖେଳିବା ପାଇଁ ଅନୁମତି ଦେଇଥାଏ ।
ଭାରତୀ ଏୟାରଟେଲ୍ର ସିଟିଓ ରଣଦୀପ ସେଖୋନ୍ କହିଛନ୍ତିଯେ, “ କ୍ଲାଉଡ୍ ଗେମିଙ୍ଗ୍ ୫ଜିର ଅନ୍ୟତମ ସର୍ବବୃହତ ବ୍ୟବହୃତ କ୍ଷେତ୍ର ହେବ,ଏଥିପାଇଁ ହାଇସ୍ପିଡ୍ ଓ ଲୋ ଲାଟେନ୍ସିର ସମ୍ମିଶ୍ରଣକୁ ଧନ୍ୟବାଦ । ଏକ ଟେଷ୍ଟ୍ ନେଟ୍ୱର୍କରେ ଭାରତର ପ୍ରଥମ ୫ଜି ଡେମୋ ପ୍ରଦାନ କରିବା ପରେ ଆମେ ଏହି ଉତ୍ସାହଜନକ ୫ଜି ଗେମିଙ୍ଗ୍ ସେସନ୍କୁ ପରିଚାଳନା କରିବା ପାଇଁ ରୋମାଂଚିତ ଥିଲୁ । ଏହା ହେଉଛି ଉତ୍ସାହଜନକ ଡିଜିଟାଲ ଭବିଷ୍ୟତର କେବଳ ଏକ ଆରମ୍ଭ ମାତ୍ର ଯାହାକୁ ଏୟାରଟେଲ୍ ଏହାର ଗ୍ରାହକଙ୍କ ପାଇଁ ସକ୍ଷମ କରିବ କାରଣ ଆମେ ଭାରତରେ ୫ଜିର ଶୁଭାରମ୍ଭ କରିବା ପାଇଁ ପ୍ରସ୍ତୁତ ହେଉଛୁ ।”
Comments are closed.